Yohane 15:11 - MMA SHIYYA

¹¹ Namuia ifi, naamu ifura li lishiwore limwake mini na ifura lyanu lyawukie lyoose.

Yohane 15:11 ပူးပေါင်းရင်းမြစ်များ

Barua ya Varome 15:13

Nae Iṛuva uu muweree amwishuṛie ifura ini mu woose na unambwe fuukie ikusureń, na iverea lyanu lyengeṛio̱ finya mMumuyo Nsongori.

Yohane 17:13

Na alli nkee ishań na kwafo, na firero fi nafirera nkee kunu isangeń, naamu vakaa na ifura li lliwore, nalyo liishue ifo mirimiń yawo.

Yohane 16:24

Kumande nnu nta kindo mwankitereva kwa irina lyakwa ndi. Tereveń amu muniingwaa, na ifura lyanu liishue bele.

Barua ya Yohane ya mbele 1:4

Na ifi tamutisiṛia ini, amu ifura lyeru lyawukie.

Barua ya Petiro ya mbele 1:8

Nae munkundie kitaare mullolie mukankusura ateefo kisanguń kyanu. Kwa ikyo mukabaa nndoṛo mwiwarwaa ni ifura litavaa isenda likee iilise.

Barua ya Yohane ya kavili 1:12

Noore fiingi fa imutisiṛia ini, kake nndefura imurwaya na karatasi na winu ndi, kake noore ba kundo mfikaa kwanu nshe irera neeni kana kwa kana, amu ifura lyeru lyawukie.

Yohane 16:33

Ifi namuia amu mukooye unambwe mukulungie nań. Kunu isangeń mukooyaa ngatara. Kake kuwareń tabu! Niń nawinga isanga li.

Barua ya Vakorinto ya kavili 1:24

Nta ni iitoṛo ikusura lyanu ndi, kake tikee veelekia va ifura lyanu, fulya mukuwore na ikusura lyanu tabu.

Barua ya Vatesalonike ya mbele 5:16

Fureń mikonu yoose.

Luka 15:32

Kake kitisenye tikyese na ifura, fulya mwananu eefiyee kaṛuka lingi. Eerekiee kalolika lingi.

Luka 15:9

Kammiikooya kandevaanga ndoo tamwi ta vaka na vakyungu vamwi avaie: Fureń andu emwi nań, fulya nankooya shilingi ilya yakwa yeenrekaa.

Barua ya Vafilipi 1:25

Nań nankusaṛa ifo niishi sheeli nkaa na muu andu emwi neeni mukooye ikaarisio̱ ikusura na yengeṛio̱ ifura lya ikusura,

Barua ya Vaefeso 5:18

Ana manya mutanangwa wwari, amu uretaa weendo usha, kake veń vandu veeshue Mumuyo wa Iṛuva.

Yohane 3:29

Ulya akee na sambuṛa ya wali yye nndumi wa wali. Kake ndoo ya nndumi wa wali ulya aselele na imwaranya, akee isenywa nnu ni ununga lwa nndumi wa wali. Kyasia ifura fi lyakwa lyammaa iva.

Luka 15:5

Nae kammaa iikooya kaiekeṛia meeveń kafura nnu.

Luka 15:23

Numa nndeń na kyaashe kilya kivanri mukisikye. Neese tilye na ikyesa!