Yohane 15:10 - MMA SHIYYA

¹⁰ Mukawara mavavaso akwa mukaa na ikunda lyakwa, sheeli nań nndewara mavavaso a Nde yakwa nakaa na ikunda lyamwi.

Yohane 15:10 ပူးပေါင်းရင်းမြစ်များ

Yohane 14:15

Kwakooya mushikundie, mwindie mavavaso akwa.

Barua ya Yohane ya mbele 5:3

Amu ikunda Iṛuva ni iwara mavavaso amwi. Na mavavaso amwi mmeemeri ndi.

Barua ya Yohane ya mbele 2:5

Kake nndu kawwara kirero kyamwi, kwamwi ye ikunda lya Iṛuva lyamaawukia dede. Kuro llyo timanyaa sheeli tikee nae.

Barua ya Petiro ya kavili 2:21

Amu kiivaa ńwana kwawo, kifo kitaare veemmanyaa shia ya usumani kita iimanya na itiawo lingi ivavaso lia isongori veeniingio̱o̱.

Yohane 8:29

Na ito ashirumie akee andu emwi nań, nta andeshitia shi muni ndi. Amu filya finsenye ye mfo ntanaa mikonu yoose.

Yohane 4:34

Yesu kavaia: Shoonga yakwa yyo ii: Ni itana mifurie ya ito andeshiruma na yawutia mashoṛa amwi.

Barua ya Vatesalonike ya mbele 4:1

Kyasia lingi tamutereva, muṛe vanavama, na imufunda, amu mukee va Nndumi Yesu: Mwengeṛie utomari na iṛunda sheeli tammulosha ikaa na iṛunda na isenya Iṛuva.

Yohane 17:4

Nań nankwitikisa ia isangeń naawutiaa ishoṛa lyo kwanshilivavasa lya iṛunda.

Yohane 14:31

Kake va isanga li kyawara vamanyi, sheeli nkundie Nde na itana ifo Nde andeshivavasa. Kyasia kwimbooń teende!

Yohane 12:49

Amu nkindo nuutie kwakwa shi muni nndekirera ndi. Nde yakwa ito ashirumie yye ashiniingia ivavaso lya kindo nnumbuaa na kindo nreraa.

Urambuyo lwa Yohane 22:14

Vva ngoma valya vawaraa mavavaso amwi, amu vakooye fuva yawo ya nri ulya unnde muu na muumu wa iira mbengeń tilya vafike muṛiń ulya.

Yohane 14:21

Nndu awara mavavaso akwa na yaindia ito yye nndu ashikundie. Na nndu ashikundie niń, ito akundwaa vVaava wakwa. Na akwaa nniń ninkundaa na inkworusa na bata.

Barua ya Vakorinto ya mbele 7:19

Irinwa nkindo ndi na ilea irinwa nkindo ndi, kake ni iindia mavavaso a Iṛuva.

Barua ya Vaebrania 7:26

Amu kindetiwara ise iva na nkohani nnini wa mikae ii akee nsongori atawore ukasha, atawore teve nta imwi na ilakaniswa kalakaniswa na varekwa, akee ule kita iṛuvewu.

Yohane 8:55

Nta ini mumwishi ndi. Kake niń mmwishi. Na kwakooya nanumbua ntamwishi, vvaa wa wongo sheeni. Kake niń mmwishi na kirero kyamwi nkiwore.

Yohane 10:18

Nta eefo nndu ashiusokaa ndi, kake nauniingia kwa ikunda lyakwa shi muni. Noore finya ya iuniingia. Noore na finya ya iuwara lingi. Llyo ivavaso nndeliwaria lyuka kwa Nde yakwa.

Yohane 14:23

Yesu kaaṛua kamwia: Nndu kashikunda awaraa kirero kyakwa, na Nde yakwa ankundaa, neese tishaa kwamwi na isongosia kirembo kwamwi.

Barua ya Yohane ya mbele 2:3

Na kunu mfo timanyiaa sheeli tammanya Iṛuva, kwakooya tikee iwara mavavaso amwi.

Barua ya Yohane ya mbele 2:6

Nndu kanumbua sheeli akaa nae, ito kyawara aende weendo lua Yesu eekee yenda.