Yohane 14:27 - MMA SHIYYA

²⁷ Ni unambwe namurea, ni unambwe lwakwa nankuniinga. Na miniingie yakwa ikee sha miniingie ya isanga ndi. Manya ngoo tanu titataṛaake ana mutawarwa wweṛei!

Yohane 14:27 ပူးပေါင်းရင်းမြစ်များ

Barua ya Vafilipi 4:7

Na unambwe lwa Iṛuva lwilanyi ngyuṛango toose lumuware ngoo tanu na makusaṛo anu mulungani na Kristo Yesu.

Yohane 16:33

Ifi namuia amu mukooye unambwe mukulungie nań. Kunu isangeń mukooyaa ngatara. Kake kuwareń tabu! Niń nawinga isanga li.

Barua ya Vatesalonike ya kavili 3:16

Alli Nndumi muni wa unambwe amuniinge unambwe kyeeri kyoose shień toose! Nndumi akaa neeni mu woose!

Barua ya Vakolosai 3:15

Na unambwe lwa Kristo lushilie ngoo tanu, fulya unambwe ilu llo mwavaangio, amu mukee wili umwi. Muve na vandu vaana Iṛuva!

Barua ya Timoteo ya kavili 1:7

Amu Iṛuva antiaṛua tive vandu vawore weṛei ndi, kake antiaṛua tive vandu vawore finya na witanu na nrima wa useli.

Barua ya Varome 15:13

Nae Iṛuva uu muweree amwishuṛie ifura ini mu woose na unambwe fuukie ikusureń, na iverea lyanu lyengeṛio̱ finya mMumuyo Nsongori.

Barua ya Varome 8:6

Makusaṛo a mikae ya nndu yo meni annde ufu, kake makusaṛo nndu akee ikusaṛa a mikae ya Mumuyo annde muu na unambwe.

Barua ya Vagalatia 1:3

Uwoo lukaa neeni na unambwe fuukie kwa Iṛuva Nde na kwa Nndumi weru Yesu Kristo.

Barua ya Vagalatia 5:22

Kake findo Mumuyo avikie mfo ifi: ni ikunda na ifura na unambwe na isisiria na usha lwa nrima na usongovisi na ikusurana

Barua ya Varome 5:1

Kyasia ili tansumaniswa kiimba kya ikusura Iṛuva, toore witanu na Iṛuva. Na ulya atiitanisa na Iṛuva ni Nndumi weru Yesu Kristo.

Yohane 14:1

Yesu kaia vanalosho vamwi: Manya mutavaṛikwa ni irima! Kusuraniń na Iṛuva, nań mushikusure!

Barua ya Varome 5:10

Amu lia tikee kwaasha na Iṛuva llyo Mwana wamwi ashetiitanisa na Iṛuva na ufu lwamwi. Alliń tintaulwa tikiṛwaań se kyeeri kyoose mfinya ii ya muu wamwi?

Yohane 20:21

Yesu kavaia lingi: Kaań na unambwe! Sheeli Nde andeshiruma niń, nkuro nań nkee imuruma.

Barua ya Vakolosai 1:20

amu ye aitanise findo oose na Iṛuva fikee kunu isangeń ana fikee iṛuvewu, kammaa innde unambwe na usao lwamwi andeluirita nsalabeń wamwi.

Barua ya Varome 1:7

Namwisana ini mu woose mukee ifo Rome, mukee vakunde va Iṛuva mundevaangwa muve vasongori. Uwoo lukaa kwanu na unambwe luukie kwa Iṛuva Nde yeru na kwa Nndumi Yesu Kristo!

Barua ya Vakorinto ya mbele 1:3

Uwoo luve kwanu na unambwe fuukie kwa Iṛuva Nde yeru na kwa Nndumi Yesu Kristo.

Yohane 20:19

Na nkonu ulya muni wa mbele usoṛie nkonu wa Sabato kumiila vanalosho vakakusandia, na myaango iirayee kiimba kya yeṛea Vayuda. Lia eni Yesu kasha kasalala karikari kawo kavaia: Kaań na unambwe!

Barua ya Vatesalonike ya kavili 1:2

Uwoo luve neeni na unambwe fuukie kwa Iṛuva Nde na kwa Nndumi Yesu Kristo.

Mitanie ya varumi 10:36

Kirero kyamwi Iṛuva ankirumia vana va Isiraeli karika Yesu Kristo akwanisie vandu mboni shinuru ta unambwe. Uu akee Nndumi wa woose.

Luka 2:14

Iṛuva aṅiniswa akee iṛuvewu na isangeń luve unambwe kwa vandu valya vankundaa.

Luka 1:79

amu imulikie valya vakee llemiń na kiṛishweń kya ufu na yorusa marende eru shia ya unambwe.

Barua ya Vaebrania 13:20

Iṛuva muni unambwe andeṛuta Nndumi weru Yesu akee mwisi nnini wa maanri ifo kwa vafu kwa usao lwa mma ya miṛeṛe,

Mitanie ya varumi 18:9

Nndumi karera na Paulo myorusień kio eemwiaa: Manya kuteeṛee, kake rera manya kutasie do!

Matayo 10:26

Kyasiań manya mutavaeṛee ndi! Amu kiifo kindo kifise kitalolikaa numa ndi. Ana nta kiifo kyama kifike kitamanyikaa numa ndi.

Urambuyo lwa Yohane 2:10

Manya kuteeṛee matuṛulo alya akaa andekukooya. Lla ndiingi ulya arwaa kiindi kyanu kifingioń, amu mwelelio, neeni muvaa na matuṛulo mikonu ikumi. Va na ikusura kumande kufwaa, nań nkuniingaa uṛeto lwa muu.

Urambuyo lwa Yohane 1:4

Niń Yohane namwisana ini mukee siṛi tilya mfungare tikee ifo Asia. Uwoo lukaa neeni na unambwe fuukie kwa ito eefo, nae eeifoo, nae ashaa, fuukie na kwa mimuyo ilya mfungare ikee mbele ya kifumbi kyamwi kya witoṛo.

Barua ya Vaebrania 7:2

Na Abraamu kamfukiya kyeenga kya ikumi kya findo filya foose andewara fireń. Misendie ya irina lyamwi lya mbele ni: mangi wa udede, fingi: mmangi wa Salemu, nkimwi na mangi wa unambwe.

Yohane 20:26

Ili mikonu nyaanyi indesia, vanalosho vamwi veekusandiee lingi numba ilya sheni na Toma eekee andu emwi nawo. Lia eni Yesu kasha alya vakai, na numba iirayee. Kasalala kari kawo kavaia: Kaań na unambwe!

Urambuyo lwa Yohane 21:8

Kake valya vakee veeṛei na vatakusurie na vatuṛua na vawaa na vaaisi na vasavi na valya vakee iindia fifu na va wongo woose fuva yawo ikee iruveń lia likee yaka muro wa kibalabala. Ilu llo ufu lwa kavili.“

Barua ya Vagalatia 6:16

Na woose veendaa na wafio lo, unambwe luvashee na ililia, lushee na Isiraeli ya Iṛuva ya dede!

Luka 10:5

Kake mukaira na numba kwa nndu bookeń inumbua: Kaań-fo na unambwe kunu numba ii.

Barua ya Vakolosai 1:2

Ise na mwanamae weru Timoteo tamwisana ini mukee vanavamae veru va ifo Kolosai mukee vasongori mukuwore na Kristo. Uwoo lukaa neeni na unambwe fuukie kwa Iṛuva Nde yeru.

Luka 12:4

Nań namuia ini mukee ndoo takwa: Manya mutaeṛee iwo vawore finya ya iwaa wili, vakammaa vatakimakii itana kya mmwasi.