Yohane 14:26 - MMA SHIYYA

²⁶ Kake ito Mwelekia, akee Mumuyo Nsongori, Nde anrumaa na irina lyakwa ye amuloshaa kyoose na imukumburusa kyoose nndemuia.

Yohane 14:26 ပူးပေါင်းရင်းမြစ်များ

Yohane 15:26

Kake ili muwolisa mirima ashaa ulya ninrumaa auka kwa Nde akee Mumuyo wa dede aukaa kwa Nde, yye ashirambuaa.

Yohane 14:16

Nań nterevaa Nde nae amuniingaa ntirishi ungi, amu akaa andu emwi neeni kyeeri kilungani.

Barua ya Yohane ya mbele 2:27

Neeni yaambwa li mwawaria lyukie kwamwi llyo likaa neeni matika woose. Neeni muuṛi mifundie ingi ndi. Myaambie yamwi ikee imulosha foose, nayo ikee ya dede, wwongo ndi. Kyasia kaań nae, sheeli mundeloshwa.

Yohane 16:7

Kake niń namuia kikee kya dede: Ili neendaa llyo kimwelekaa ini. Amu niń nara ntaenda kwakwa, Ntirishi amusheaa ndi. Kake nammeenda ninrumaa kwanu.

Barua ya Yohane ya mbele 2:20

Neeni mwamaambwa mafura ni ulya akee nsongori mukamanya foose.

Barua ya Vakorinto ya mbele 6:19

Ana mwishi se sheeli mivili yanu yawa numba ya Mumuyo Nsongori akee kari kanu uu mwanniingio̱ ni Iṛuva? Ana nta ini mukee masaa anu mu veni ndi.

Mitanie ya varumi 2:33

Kyasia ye ili amaa iroswa kumande uko usha lwa Iṛuva na iwaria kirekio kilya kya Mumuyo Nsongori kwa Ndee, amiirita kindo ki mukilolie alli na ikiita.

Barua ya Vaefeso 1:17

Nkee imuterevia, Iṛuva wa Nndumi weru Yesu Kristo akee Nde muni wa finya amuniinge Mumuyo wa uṛango na wa immanya ye sheeli akai.

Barua ya Varome 15:13

Nae Iṛuva uu muweree amwishuṛie ifura ini mu woose na unambwe fuukie ikusureń, na iverea lyanu lyengeṛio̱ finya mMumuyo Nsongori.

Mitanie ya varumi 2:4

Nawo vakaishua Mumuyo Nsongori vakabooka irera na mirerie ingi, sheeli Mumuyo andevalosha irera.

Yohane 2:22

Kyasia ili andeṛuka kwa vafu, vanalosho vamwi vakakumbua kilya anderera. Vakakusurana na mitisine ilya na kirero kilya Yesu anderera.

Mitanie ya varumi 13:2

Kyasia iva ili veeterevaa Nndumi na ikootoya Mumuyo Nsongori kanumbua: Shisauyeń Barinaba na Saulo vaende mashoṛeń alya nndevavaangia.

Barua ya Petiro ya mbele 1:12

Vakarambuywa sheeli nkiimba kyawo veni ndi, kake nkwa kiimba kyanu vandeatarikia mboni to. Na alli tamoongoywa kwanu vvalya vandemwendee ini nrumi shisha kwa finya ya Mumuyo Nsongori anderumwa auka iṛuvewu. Mboni to na akwaa vvamalaika valangie itilla.

Barua ya Yohane ya mbele 5:7

Kyasia fiifo firaru fikee irambua ifo:

Barua ya Tito 3:5

nta nkiimba kya mitanie yeru ikee minuru yyo yakangia katitania kuro ndi, kake nkiimba kya ililia lyamwi muni. Nkyo atikiṛia eetisangyaa mirima tikava vandu vamiiriwa lya kavili vawore mikae miiya,

Luka 24:49

Neeni manyiń niń mmurikiaa kilya kinderekio̱ nNde yakwa kimwolokie. Kake ini kaań muṛiń uu wa Yerusalemu kumande muniingwaa finya yuka ule.

Barua ya Yuda 1:20

Kake ini, vakunde, kuroongień ikusura lyanu likee isongori na itereva muworwa mfinya ya Mumuyo Nsongori.

Barua ya Vaebrania 9:8

Mumuyo Nsongori amanyisa na kirero ki, sheeli shia ya yaaka andu asongori yanruuka ndi, ili yema lya mbele fikiseere isalala da.

Barua ya Vaebrania 3:7

Kwa ikyo Mumuyo Nsongori anumbuye: ”Nkonu wa nnu mukamaa ununga lwamwi

Barua ya Vatesalonike ya mbele 4:8

Kyasia ulya abiṛie mifundie ii, abiṛie nndu ndi, kake abiṛie Iṛuva muni ammuniinga Mumuyo wamwi Nsongori.

Barua ya Vakorinto ya mbele 12:3

Kiimba kya ikyo namumanyisa sheeli eefo nta nndu areraa awarwa mMumuyo wa Iṛuva ndi anumbue: Yesu eerarwa. Ana nta eefo nndu amakii inumbua: Yesu ni Nndumi kitaare awarwa mMumuyo Nsongori ndi.

Barua ya Petiro ya kavili 1:21

Amu kuuka mbooko nta wauya lwamaauywa mmifurie ilya nndu afurie ndi kita vandu varume ni Iṛuva wwo vanderera veeitikwaa mMumuyo Nsongori.

Luka 11:13

Kyasiań kwakooya ini, mukee varekwa, mwishi iniinga vana vanu findo fisha, nkilanya se Nde yanu wa iṛuvewu aniingaa valya vakee intereva Mumuyo wamwi Nsongori?

Barua ya Varome 15:16

amu vve ndundi wa Kristo Yesu kwa vandu va masanga. Nkyo kyashiwara neende ikwanisia nrumi ya ifura ya Iṛuva, amu vayavaṛumu vave nsimbika wa kirasio usenyie Iṛuva ukee mwilise mMumuyo Nsongori.

Luka 1:41

Kikava ili Elisabeti andeita iisana lya Maria, kimwana kilya kinnya kika ta vana simiń ya mae. Na Elisabeti kaishuṛwa Mumuyo Nsongori.

Matayo 3:11

Nkya dede niń nkee imubatisa na mura kiimba kya iilashika. Kake ito ashaa numa yakwa awore finya kita niń. Ana nta nkaṛiaa ikurika faaru famwi ndi. Ye amubatisaa na Mumuyo Nsongori na muro.

Barua ya Vaebrania 2:4

Iṛuva nae kaikaarisa na myorusie na maṛiikiso na finya ta mikae miingi na ngyuavi ta Mumuyo Nsongori, sheeli andekunda muni.

Barua ya Timoteo ya kavili 1:14

Ringa wavi lua usha kundeniingwa kwa finya ya Mumuyo Nsongori akee neese.

Barua ya Vaefeso 4:30

Ana manya mutanarise Mumuyo ulya Nsongori wa Iṛuva, amu nto mwanniingwa ave kiringisio kya ikiṛwa lyanu.

Barua ya Varome 14:17

Amu umangi lwa Iṛuva mmiliye ana minuiye ndi, kake ni usumani na unambwe na ifura fikee iniingwa mMumuyo Nsongori.

Barua ya Varome 5:5

Na iverea fi litilembaa ndi, fulya ikunda lya Iṛuva linderawa ngooń teru mMumuyo Nsongori uu tindenniingwa.

Mitanie ya varumi 20:28

Kuringeńń mu veni na shoo yoose, amu Mumuyo Nsongori amurambikia mwisalalie, mumakii itumbana siṛi ya Iṛuva andeiuṛa na usao lwamwi weni.

Mitanie ya varumi 11:16

Nań nakumbua kirero kilya kya Nndumi akirera: Yohane abatisa na mura, kake ini mubatiswaa na Mumuyo Nsongori.

Mitanie ya varumi 1:8

Kake ini muniingwaa finya ili Mumuyo Nsongori amusheaa. Neeni muvaa varambua vakwa kunu Yerusalemu na Yudaya koose na Samaria na kumande mbaai ya isanga.

Yohane 20:22

Neeli andemaa irera ifi kavaivilia kavaia: Warień Mumuyo Nsongori!

Yohane 6:45

Nkitisiṛe vvaauya fisuku sheeli: Nawo woose vavaa valoshe ni Iṛuva. Kyasia ulya woose aaranyaa na ikulosha kwa Nde, ashaa kwakwa.

Mariko 13:11

Neeli vamukurikaa ini na imuṛiinga, manya mutaṛiikiswa nkindo mureraa-fo. Kake kilya muniingwaa kyeeri kyo kirereń. Amu nta ni ini mureraa-fo, mMumuyo Nsongori.

Matayo 1:20

Neeli eekusaṛaa kuro, malaika wa Iṛuva kanshea yorień kanumbua: Iwe Yosefu mwana wa Davidi, manya kutaeṛee yalika nka wafo Maria, amu ikufinga lyamwi nkwa finya ya Mumuyo Nsongori.

Barua ya Vaebrania 10:15

Na Mumuyo Nsongori nae akee itirambuya, amu ili andemaa inumbua:

Yohane 12:16

Mboni to taaṛukia vanalosho vamwi io mbele ndi. Kake ili Yesu andemaa yenda uniniń lwamwi, llyo vandekumbua sheeli yye eenti-siṛioo kuro na sheeli vammutania kuro.

Mariko 12:36

Davidi ye muni anumbua kwa finya ya Mumuyo Nsongori: Nndumi aia Nndumi wakwa: Kaa rembo uko usha lwakwa, kumande nrwaa fituva fafo kwa si ya marende afo.

Urambuyo lwa Yohane 2:11

Ulya awore marwi aaranye kilya Mumuyo akee iia siṛi ti: Ulya avingaa akooywaa nngatara ta ufu lwa kavili ndi.

Barua ya Vaefeso 1:13

Neeni mwammaa iita kirero kya dede kirie mboni ta nrumi shisha ya ikiṛwa lyanu. Lingi mwammaa inkusura ye na irwaywa kiringisio mMumuyo Nsongori ulya amurekio̱.

Barua ya Vakorinto ya kavili 6:6

Na fa unuru na fa imanya na isisiria na fa uwoo na fa Mumuyo Nsongori na fa ikundana litawore ukavili.

Mitanie ya varumi 20:35

Niń nndemworusa foose sheeli kyatiwara ikwataria mashoṛa kuro da, amu timakii yelekia vatanyari tiikumbuaa firero filya fa Nndumi Yesu andefirera ye muni: Llyo ṅwana iniinga kita iwaria,

Mitanie ya varumi 15:8

Na Iṛuva uu eeshi mirima ya vandu kavarambua eevaniingaa Mumuyo Nsongori sheeli atiniinga neese.

Mitanie ya varumi 7:51

Ini muwore nra mutakee varini mirima ana marwi, nkonu woose muleaa Mumuyo Nsongori sha lia vaande yanu vatana, neeni mfo kuro da.

Mitanie ya varumi 1:4

Neeli andemaa ivasandia kavavavasa vatauke kulya Yerusalemu, kake vaverie-fo kirekio kilya kya Vaava. Kavaia: Nkirekio kilya mundeongoywa nniń.

Mitanie ya varumi 1:2

kumande nkonu ulya andevavasia vaseṛo vamwi valya eevasauaa mashoṛa awo kwa finya ya Mumuyo Nsongori karoswa iṛuvewu.

Yohane 7:39

Neeli arera kuro nkiimba kya Mumuyo Nsongori. Nto valya vankusurie vakaa vawwarie. Amu kyeeri kilya Mumuyo Nsongori eenshaa ndi, fulya Yesu atandefika uniniń lwamwi.

Luka 3:22

Na Mumuyo Nsongori kamwolokia kankaya afwanani na mbuku. Na ununga lukauka iṛuvewu lukavaanga: Iwe ni iwe Mwanakwa nkunde, nsenyo̱ ni iwe.

Luka 1:67

Na Sakaria vaava wamwi kaishuṛwa Mumuyo Nsongori kaauya kanumbua:

Luka 1:35

Malaika kamwaṛua kamwia: Ni Mumuyo Nsongori akwolokiaa na finya ya ulya akee kwa ule ya findo foose ikusikiaa sha kiṛishwe. Kiimba kya ikyo ikyo kisongori kiiriwaa ni iwe kivaangwaa Mwana wa Iṛuva.

Luka 1:15

Fulya akaa ave nnini mbele ya kisangu kya Nndumi, nta atanwaa mfinyo ana kindo kya inanga. Nae eeshuṛwaa Mumuyo Nsongori kuuka ndewuń ya mae.

Matayo 28:19

Kyasia endeń mundeaṛua vandu va masanga woose, amu vave vanalosho vakwa mwivabatisaa vave va Iṛuva Nde na Mwana na Mumuyo Nsongori.

Mitanie ya varumi 28:25

Neeli vandelemana ikwirikiana wo veni na veni vakataṛa-kana, ili Paulo andemaa irera kirero ki kimwi sheeli: Mumuyo Nsongori arera kisha na vaande yanu kwa kana ka mwauya Yesaya eenumbuaa:

Mitanie ya varumi 16:6

Vakaira urukeń lwa Firigia na Galatia vakaimwa mMumuyo Nsongori veekwanisaa kirero kilya ifo Asia.

Mitanie ya varumi 15:28

Amu tindefukya teelekio̱o̱ mMumuyo Nsongori manya titamurike myanda kitaare mfilya fawara.

Mitanie ya varumi 13:4

Kyasiań vandu wo ili vandemaa irumwa Mmumuyo Nsongori vakainama Seloikia. Na kuuka ifo vakaira nruveń vakafika Kipiro.

Mitanie ya varumi 7:55

Nae kaishua Mumuyo Nsongori kalla na ule iṛuvewu kalolia unini lwa Iṛuva na Yesu aselele uko usha lwa Iṛuva.

Mitanie ya varumi 5:3

Petiro kamwia: Iwe Anania, naamu ki ili Satana ankukaba nrwe kulembe Mumuyo Nsongori na ifisa kyeenga kya uuru lua lwa nrema yafo kwa kiṛisi?

Luka 2:25

Na kulya Yerusalemu eeifoo nndu irina lyamwi eevaangwaa Simeon. Nndu ulya eekee nsumani kakusurana na Iṛuva kaverea ulya awiiṛiaa va Isiraeli muu, na Mumuyo Nsongori akee kari kamwi.

Matayo 1:18

Kyasia iiriwa lya Yesu lyave kuri: Mae wamwi Maria eefingyoo ni Yosefu. Na kitaare veensangyaa andu emwi kamanyika sheeli akufingye kwa finya ya Mumuyo Nsongori.

Yohane 1:33

Nań nta niimwishii ndi. Kake ito andeshiruma mbatise na mura yye andeshiia: Ito kwallolia Mumuyo wa Iṛuva eemwolokiaa na inkaya, uu yye abatisaa na Mumuyo Nsongori.

Yohane 14:25

Mfo firero fakwa namuia, ili nkikee neeni.