25 Mfo firero fakwa namuia, ili nkikee neeni.
Kake ifi natembeṛie imuia alli kitaare kyawa, amu ili kindevaa naamu mukusure sheeli nniń ye.
Fiifo na firero fingi fiingi niiworee fa imuia, kake alli fiimuviaa mwaanda utafitikaa.
Namuia ifi, naamu ifura li lishiwore limwake mini na ifura lyanu lyawukie lyoose.
Na alli nabooka imuia kitaare kyawa, amu mushikusure ili kindevaa.
Ulya atashikundie aindiaa firero fakwa ndi. Na kirero kyo mukee ikiita nta nkyakwa shi muni ndi, nkya ito ashirumie.
Kake ito Mwelekia, akee Mumuyo Nsongori, Nde anrumaa na irina lyakwa ye amuloshaa kyoose na imukumburusa kyoose nndemuia.
