Yohane 14:24 - MMA SHIYYA

²⁴ Ulya atashikundie aindiaa firero fakwa ndi. Na kirero kyo mukee ikiita nta nkyakwa shi muni ndi, nkya ito ashirumie.

Yohane 14:24 ပူးပေါင်းရင်းမြစ်များ

Yohane 7:16

Yesu kavaaṛua kavaia: Miloshie yakwa yyakwa niń ndi, yya ito ashirumie.

Yohane 14:10

Niikai kutakusurie sheeli niń nsaangi na Nde na Nde nae kasaanga nań? Firero fi nkee imuia nkee ifirera kwa makusaṛo akwa meni ndi.

Yohane 8:42

Yesu kavaia: Kifo Iṛuva eekee Vaava wanu, mwishikundaa niń, amu niń nndeuka kwa Iṛuva nasha kunu. Nta niń nndesha kwa kiimba kyakwa shi muni ndi, kake yye ashirumie.

Yohane 5:19

Kyasia Yesu kaaṛua kavaia: Nkue nkue namuia: Mwana amakii itana kindo ye muni kitaare nkilya alolia Nde eetanaa ndi. Amu kilya kyoose akee itana ye nkyo na Mwana akitanaa da.

Yohane 3:34

Amu ulya anderumwa ni Iṛuva areraa firero fa Iṛuva. Fulya Iṛuva ataniingaa nndu Mumuyo wa kyelelio ndi.

Yohane 14:15

Kwakooya mushikundie, mwindie mavavaso akwa.

Yohane 5:38

Ana nta kirero kyamwi kikee kari kanu ndi, fulya ini mutakusurie ulya arumio̱ yye.

Yohane 8:38

Filya nndefilolia kwa Nde mfo nkee ifirera. Kyasia neeni taniń filya mwamiita kwa nde yanu.

Yohane 8:26

Niiworee fiingi fa irera kyanu na fa yumisia kyanu. Kake ulya anshiruma wwa dede. Nań filya namiitia kwamwi mfo nkee ifirera fa iia isanga.

Yohane 8:28

Kyasia Yesu kanumbua: Mukammaa irosa Mwana wa nndu llyo mumanyaa sheeli nniń ye. Ana nta kindo nkee itana kikee kyakwa shi muni, kake nkilya Nde andeshilosha.

Yohane 7:28

Kyasia Yesu karosa ununga lwamwi kulya numba ya Iṛuva eeloshaa kanumbua: Ee mushiishi na kundo nuukie nafo mwishi da. Nań nta nndesha kwa mifurie yakwa shi muni ndi. Eefo wa dede andeshiruma kitaare mumwishi ini.

Matayo 19:21

Yesu kamwia: Ee da, kwakooya kufurie iva nndu nsumani deń, endaań andekumba foose kuwore kwavye vakiva. Amu llyo kuwaraa masaa a iṛuvewu. Kwammaa kusheń kushisoṛe!

Yohane 3:11

Nkue nakuia kya dede: Ise tikee irera filya tiishi na irambua filya tallolia, neeni mwirikie filya tikee irambua ndi.

Yohane 14:25

Mfo firero fakwa namuia, ili nkikee neeni.