Yohane 14:20 - MMA SHIYYA

²⁰ Na nkonu to muni mumanyaa sheeli Tikulungie na Nde, neeni mukulungie nań, nań nkulungie neeni.

Yohane 14:20 ပူးပေါင်းရင်းမြစ်များ

Yohane 17:26

Nań nawarambuya irina lyafo, na lingi nee-ngeṛiaa ivarambuya. Na ikunda lyo kundeshikunda nalyo likaa ifo mirimiń yawo, nań nkaa nsaangi nawo.

Barua ya Vagalatia 2:20

Lingi nniń ndi nkee na muu, kake ulya akee na muu kari kakwa nKristo. Amu muu uu wa vvili nkikee nato nuuwore niikusuranaa na Mwana wa Iṛuva uu andeshikunda kakuniingia kiimba kyakwa.

Barua ya Yohane ya mbele 4:12

Nta eefo nndu allolia Iṛuva ndi. Kake kwakooya tikundanaa ti veni na ti veni, Iṛuva akaa kweru na ikunda 'yamwi lisumanikaa kari keru.

Yohane 14:10

Niikai kutakusurie sheeli niń nsaangi na Nde na Nde nae kasaanga nań? Firero fi nkee imuia nkee ifirera kwa makusaṛo akwa meni ndi.

Barua ya Varome 8:1

Kyasia alli lukiifo uumisio kwa valya vakee va Kristo Yesu ndi.

Yohane 10:38

Kake kwakooya nava mwaṛunda, na kikava kitaare mwashikusura niń shi muni, kusuraniń na mashoṛa wo akwa muutie-wo imanya deń sheeli Nde asaangi nań, nań nsaangi na Nde.

Barua ya Vakorinto ya kavili 13:5

Kwelelień ini mu veni akwaa mukee ikusureń, kulolień ini mu veni! Ana mukwishi se ini mu veni sheeli Yesu Kristo akee kari kanu? Kwakooya kitaare nkuro mwallewa.

Barua ya Vakolosai 1:27

Amu Iṛuva andekunda ivamanyisa usimba na unini lwa kiṛisi ki kari ka vayavaṛumu. Na usimba llo ilu: Kristo akee kari kanu munnde iverea lya unini lwa miṛeṛe.

Yohane 16:26

Na nkonu to muterevaa kwa irina lyakwa. Nta mmuiaa: Nniń tiimutereviaa kwa Nde ndi.

Barua ya Vakolosai 2:9

Amu kari kamwi ye mfo ilolikie mboṛa yoose ya Iṛuva.

Barua ya Vakolosai 1:19

Fulya kindesenya Iṛuva, finya yamwi yoose ikuware nae,

Yohane 6:56

Na ulya alyaa vvili wakwa na inwa usao lwakwa akaa akuvavie nań, nań nkaa nkuvavie nae.

Barua ya Vakorinto ya kavili 5:17

Kiimba kya iki nndu kankaa na Kristo avva nndu mwiya. Famwi fa mbele famiira, lla te foose favva fiiya.

Yohane 17:11

Nań nkikee lingi isangeń ndi. Nawo vakaa isangeń. Nań nkee isha na kwafo. Wui Nde Nsongori, varinge vakaa na irina lyafo ili kushiniingie niń, nawo vave kimwi neese.

Yohane 16:23

Na nkonu ulya mukishiuṛaa nta kirero ndi. Nkue nkue namuia: Kwakooya mwatereva Nde kindo na kikava ki, amuniingaa kwa irina lyakwa.

Barua ya Vaefeso 2:10

Fulya ise tindetanwa yye tikatanio̱ Kristo Yesu, amu tiṛunde mitanie yeru misha, ni ilya Iṛuva andetisongosia kuuka mbele tiilatie.

Barua ya Vakorinto ya mbele 1:30

Kwamwi ye mfo mundeuka ini mukee va Kristo Yesu. Uu yye antitanio̱ ni Iṛuva ave mutiṛangusa na mutisumanisa na mutisongovisa na mutikiṛa.

Yohane 17:7

Alli vammanya sheeli ifo foose kundeshiniinga nkwafo fuukie.

Barua ya Vakorinto ya kavili 12:2

Niń niishi nndu umwi wa Yesu — kuuka kyeeri kyo yansia myaka ikumi na iini. Akwaa nndu to eembolo akee na vvili wamwi niishi ndi, ni Iṛuva eeshi. Akwaa ni nrima muni wakurikwa niishi ndi, ni Iṛuva muni eeshi. Nndu to afitwa ule kumande iṛuvewu lya kararu.

Barua ya Vakorinto ya kavili 5:19

Fulya Iṛuva eekee na Kristo kaitanisa va isangeń nae ye muni, nta ivataalia mareko awo. Nae karwaa kirero kya witanu kari keru.

Barua ya Varome 16:7

Shiisanień Andironiko na Yunia vafwari vakwa vandefingwa andu emwi nań, vakee vandu va nrwe kari ka varumi. Nawo wwo vabooka iva va Kristo kita niń.

Yohane 14:11

Nde asaangi nań yye akee iṛunda mashoṛa amwi, ushikusureń sheeli niń nsaangi na Nde na Nde nae kasaanga nań! Na kitaare nkuro shikusureń mwillaa mashoṛa akwa meni amunniinge ikusura.