Yohane 14:2 - MMA SHIYYA

² Numbeń ya Vaava wakwa fiifo firembo fiingi fa ikaa. Kifo kitaare kikai kuri, niimuiaa: Neenda nndemusongosia firembo.

Yohane 14:2 ပူးပေါင်းရင်းမြစ်များ

Barua ya Vakorinto ya kavili 5:1

Amu tiishi ili numba ii yeru ikai kunu isangeń — yyo mivili yeru — iburulwaa, tikooyaa kirembo kisongosie ni Iṛuva, nkirembo kitaare kyasongosio̱ mmaako a vandu. Kikaa miṛeṛe na miṛeṛe ifo iṛuvewu.

Yohane 13:36

Simon Petiro kamwuṛa: Nkwi kwendaa, Nndumi? Yesu kamwaṛua: Kulya niń neendaa kumakii ishisoṛa alli ndi, kake kushisoṛaa-fo numa.

Barua ya Vaebrania 13:14

Amu kunu toore muṛi ukaa ndi, kake tikee iṛuya ulya ukaa.

Urambuyo lwa Yohane 21:2

Nań nalolia muṛi ulya nsongori wa Yerusalemu ulya mwiiya wiolokaa iṛuvewu uuka kwa Iṛuva, weemaa yambikwa sha sambuṛa ya wali yammaa yambikio mmi wamwi.

Urambuyo lwa Yohane 3:12

Ulya avingaa mmwaṛuaa ave ngo ifo numba ya Iṛuva wakwa, nae akiukaa-fo lingi ndi. Nań ntisiṛiaa-wo irina lya Iṛuva wakwa na irina lya muṛi wa Iṛuva wakwa, nto Yerusalemu ilya shiiya yolokaa iṛuvewu yukie kwa Iṛuva wakwa. Na akwaa ni irina lyakwa nti-siṛ'aa-wo lia iiya.

Barua ya Vaebrania 11:10

Amu eekee iverea muṛi utavaa iburua, amu ntana wayo ni Iṛuva.

Yohane 13:33

Ini vana vakwa, kiseere kyeeri kyaangu nkee andu emwi neeni. Neeni mushiṛuyaa. Na sha lia niia Vayuda: Alya neendaa niń ini mumakii isha-wo ndi, nkuro na alli nkee imuia.

Yohane 16:4

Kake namuia ifi, amu ili kyeeri kyo kifikaa mufikumbue, sheeli niń nammaa imuia. Nta nammuia ifi kuuka mbele ndi, fulya niikee andu emwi neeni.

Yohane 17:24

Wui Nde, mfurie na akwaa ni iwo kundevashiniinga vave andu emwi nań io nkai, amu vamakii ilolia unini lwakwa ilo kushiniingie. Amu kwashikunda ilyo kitaare isanga lyeentanwaa.

Barua ya Vaebrania 6:20

Ifo mfo Yesu andeakia atiṛuye shia, nae ni ndongori weru kava nkohani nnini wa miṛeṛe wa mikae ya Melikisedeki.

Urambuyo lwa Yohane 3:21

Ulya avingaa ninkaarisaa rembo andu emwi nań kifumbiń kyakwa kya unini, sheeli nań nndevinga nakaa rembo andu emwi na Nde yakwa kifumbiń kyamwi kya unini.

Urambuyo lwa Yohane 1:5

Fuukie na kwa Yesu Kristo akee nrambua ulya nsongori, ni ulya andebooka iwara muu eeukaa vafuń, akee nnini wa mamangi a isanga. Ito afikundie na itikiṛa mareko eru na usao lwamwi.

Barua ya Vaebrania 9:8

Mumuyo Nsongori amanyisa na kirero ki, sheeli shia ya yaaka andu asongori yanruuka ndi, ili yema lya mbele fikiseere isalala da.

Barua ya Tito 1:2

Narawa nkuwore na iverea lya iverea muu wa miṛeṛe nto Iṛuva uu atamakii irera wongo arekia kuuka mbooko.

Barua ya Vatesalonike ya mbele 5:9

Amu Iṛuva andetikusaṛia uumisio lwa itireta ndi, kake naamu tikiṛwa ni Nndumi weru Yesu Kristo

Mitanie ya varumi 9:16

Nań mmworusaa matuṛulwa woose alya atuṛulwaa kiimba kya irina lyakwa.

Yohane 14:28

Mwamiita kilya namuia: Nkee yenda, kake nuuyaa lingi kwanu. Kikooye mwishifuriee mwifuraa, ili neendaa kwa Nde. Fulya Nde akee nnini kita niń.

Luka 14:22

Nseṛo ulya kataana kuro kasha kaia nndumi wamwi: Filya kundevavasa fantanika, kake akiseere-wo andu.