Yohane 14:17 - MMA SHIYYA

¹⁷ Nto Mumuyo ulya arie mboni ta dede, ulya isanga litamakii iwwaria, fulya litallolie ana litamwishi. Ini mwammanya, fulya akaa kwanu, nae eefo mirimiń yanu.

Yohane 14:17 ပူးပေါင်းရင်းမြစ်များ

Yohane 16:13

Kake ili ulya ashaa ito akee Mumuyo annde mboni ta dede yye ashemoorusaa mukooye findo foose fikee fa dede. Nae nta ashefireraa afuuta na kwamwi muni ndi. Mboni tilya amiita nto ashereraa toose na findo fikaa fishe mfo ashemoongoyaa.

Barua ya Yohane ya mbele 2:27

Neeni yaambwa li mwawaria lyukie kwamwi llyo likaa neeni matika woose. Neeni muuṛi mifundie ingi ndi. Myaambie yamwi ikee imulosha foose, nayo ikee ya dede, wwongo ndi. Kyasia kaań nae, sheeli mundeloshwa.

Yohane 15:26

Kake ili muwolisa mirima ashaa ulya ninrumaa auka kwa Nde akee Mumuyo wa dede aukaa kwa Nde, yye ashirambuaa.

Barua ya Yohane ya mbele 4:6

Ise timilie kwa Iṛuva. Na ulya ammanya Iṛuva akee itiita ise. Kake ulya atamilie kwa Iṛuva atiitaa ise ndi. Ikyo nkyo kyatiniinga imanya Mumuyo wa udede na mumuyo wa ulembi.

Barua ya Vakorinto ya mbele 3:16

Mwishi se sheeli ini mukee numba ya Iṛuva na sheeli Mumuyo Nsongori akaa kari kanu?

Barua ya Vakorinto ya mbele 2:14

Kake nndu akusurani na mikae yamwi meni awariaa fa miniingie ya Mumuyo wa Iṛuva ndi, amu kwamwi ye nsha fa utondo, amakii ifimanya ndi. Amu ifi kyawara fimanyike kwa finya ya Mumuyo.

Barua ya Vakorinto ya mbele 6:19

Ana mwishi se sheeli mivili yanu yawa numba ya Mumuyo Nsongori akee kari kanu uu mwanniingio̱ ni Iṛuva? Ana nta ini mukee masaa anu mu veni ndi.

Barua ya Timoteo ya kavili 1:14

Ringa wavi lua usha kundeniingwa kwa finya ya Mumuyo Nsongori akee neese.

Yohane 14:16

Nań nterevaa Nde nae amuniingaa ntirishi ungi, amu akaa andu emwi neeni kyeeri kilungani.

Yohane 14:23

Yesu kaaṛua kamwia: Nndu kashikunda awaraa kirero kyakwa, na Nde yakwa ankundaa, neese tishaa kwamwi na isongosia kirembo kwamwi.

Barua ya Yohane ya mbele 3:24

Na ulya awaraa mavavaso amwi akaa nae ye, nae akaa na ito. Na kuro timanyaa sheeli akee neese tikawa na Mumuyo ulya atiniingie ise.

Barua ya Yohane ya mbele 4:4

Vana vakwa, ini mumilie kwa Iṛuva, neeni mukamaa ivinga vaauya valya va wongo. Amu ito akaa neeni ni nnini kita ito akee kunu isangeń.

Barua ya Vaefeso 3:17

Na Kristo amu akukaarise ngooń tanu kwa inkusura, neeni muve vandu vakuwore tabu na inkunda na ikundana mu veni na mu veni.

Barua ya Vagalatia 4:6

Kyasia mwawa vana nkyo Iṛuva aruma Mumuyo wa Mwana wamwi aake mirimiń yanu, ito avaangaa: Aba, nkimwi na Vaava.

Barua ya Vakorinto ya kavili 13:5

Kwelelień ini mu veni akwaa mukee ikusureń, kulolień ini mu veni! Ana mukwishi se ini mu veni sheeli Yesu Kristo akee kari kanu? Kwakooya kitaare nkuro mwallewa.

Barua ya Vakolosai 1:27

Amu Iṛuva andekunda ivamanyisa usimba na unini lwa kiṛisi ki kari ka vayavaṛumu. Na usimba llo ilu: Kristo akee kari kanu munnde iverea lya unini lwa miṛeṛe.

Barua ya Vaefeso 2:22

Neeni mutanio̱o̱ yye ifo muve kirembo kya Iṛuva mwikuwaraa na Mumuyo.

Matayo 10:20

Amu nta ni ini mureraa ndi, kake mMumuyo wa Nde yanu akee kari kanu nto areraa.

Urambuyo lwa Yohane 2:17

Ulya awore marwi aaranye kilya Mumuyo akee iia siṛi ti: Ulya avingaa mmwaviaa Mana ilya ifisie, ninniinge na iwe yeelwa na ifo iweń ilyo liifo irina litisiṛio-fo iiya litaishiwa ni nndu kitaare ni ulya da alikooyaa.

Barua ya Yohane ya mbele 5:7

Kyasia fiifo firaru fikee irambua ifo:

Barua ya Vakorinto ya kavili 6:16

Lingi lwifo witanu ki kari ka numba ya Iṛuva na ya firasio? Amu ise tikee numba ya Iṛuva akee na muu, sheeli Iṛuva anderera: ”Nkaa kari kawo, lingi nruaruaa kari kawo, nań vvaa Iṛuva wawo, nawo vavaa vandu vakwa“.

Barua ya Vakorinto ya mbele 14:15

Kyasia kyavaań are? Nterevaa na nrima, lingi ntereve na uṛango. Niimbaa nrimiń, lingi niimbe na uṛango.

Yohane 6:40

Amu ii yyo mifurie ya Nde yakwa: Ulya woose allaa Mwana na inkusura ave na muu wa miṛeṛe na miṛeṛe, nań nindutaa nkonu wa ifurumia.