Yohane 14:16 - MMA SHIYYA

¹⁶ Nań nterevaa Nde nae amuniingaa ntirishi ungi, amu akaa andu emwi neeni kyeeri kilungani.

Yohane 14:16 ပူးပေါင်းရင်းမြစ်များ

Yohane 14:26

Kake ito Mwelekia, akee Mumuyo Nsongori, Nde anrumaa na irina lyakwa ye amuloshaa kyoose na imukumburusa kyoose nndemuia.

Yohane 15:26

Kake ili muwolisa mirima ashaa ulya ninrumaa auka kwa Nde akee Mumuyo wa dede aukaa kwa Nde, yye ashirambuaa.

Barua ya Varome 15:13

Nae Iṛuva uu muweree amwishuṛie ifura ini mu woose na unambwe fuukie ikusureń, na iverea lyanu lyengeṛio̱ finya mMumuyo Nsongori.

Barua ya Vagalatia 5:22

Kake findo Mumuyo avikie mfo ifi: ni ikunda na ifura na unambwe na isisiria na usha lwa nrima na usongovisi na ikusurana

Barua ya Varome 14:17

Amu umangi lwa Iṛuva mmiliye ana minuiye ndi, kake ni usumani na unambwe na ifura fikee iniingwa mMumuyo Nsongori.

Mitanie ya varumi 9:31

Kyasia siṛi ikakaa na unambwe kulya Yudaya koose na Galilaya na Samaria. Ikakulunga ikakwengeṛia na ifumbuka na yeṛea Nndumi na yelekio̱ mMumuyo Nsongori.

Barua ya Yohane ya mbele 2:1

Vana vakwa vakunde, namutisiṛia ifi, amu mutarekwa. Kake kwakooya eefo anderekwa, toore mutisalalia kwa Nde, yye Yesu Kristo akee wa usumani.

Yohane 4:14

Kake nndu kanwa mura uu ninniingaa niń, akiwarwaa nnyura lingi ndi na kumande miṛeṛe. Kake mura uu niń ninniingaa kari kamwi ushevaa-fo iriso lya mura, nalyo lyeekaa lifike muuń ulungani.

Matayo 28:20

Na ivalosha muvaloshe iwara filya foose nndemuvavasa. Nań nkaa andu emwi neeni mikonu yoose kumande isanga lisiaa.

Barua ya Vafilipi 2:1

Kyasia kwakooya liifo kwanu ilembwalembwa lyukie kwa Kristo ana kwakooya mukee ikuwiiṛia muu na ikunda ana kwakooya liifo ilungana na Mumuyo ana kwakooya muwore nrima wa ikuva-vio̱ mmuu na ililia,

Barua ya Varome 5:5

Na iverea fi litilembaa ndi, fulya ikunda lya Iṛuva linderawa ngooń teru mMumuyo Nsongori uu tindenniingwa.

Mitanie ya varumi 13:52

Na vanalosho valya vakaishua ifura na Mumuyo Nsongori.

Yohane 17:15

Nkee ikutereva amu kuvaute isangeń ndi, kake naamu kuvaringe Nkituva to nkasha.

Yohane 14:18

Nta mmureaa ungwereń ndi, nshaa kwanu.

Barua ya Vaebrania 7:25

Nae kiimba kya ikyo amakii ivakiṛa deń valya vasheaa Iṛuva veesalalio̱o̱ yye, fulya akee na muu kyeeri kilungani, amu avaterevie-wo.

Barua ya Varome 8:34

Ni i avaumisiaa? Kristo Yesu eefo ulya andefwa, na kita ikyo andeṛuka akee uko usha lwa Iṛuva, lingi yye akee ititerevia.

Yohane 14:14

Na kwakooya mwatereva kindo mwikuvavaa nań nkitanaa.

Yohane 17:20

Kake ni iwo tubu nkee ivatervia ndi. Nkee iterevia na akwaa ni iwo vandeshikusuraa kiimba kya kirero kyawo.

Yohane 16:22

Neeni alli moore unaari. Kake mmuloliaa lingi na ngoo tanu tikyesaa na ifura lyanu eefo nta nndu amusokaa ndi.

Barua ya Vatesalonike ya kavili 2:16

Na Nndumi weru Yesu Kristo muni na Iṛuva Nde yeru uu andetikunda katiniinga ifura lya miṛeṛe na iverea isha kwa uwoo lwamwi

Yohane 7:39

Neeli arera kuro nkiimba kya Mumuyo Nsongori. Nto valya vankusurie vakaa vawwarie. Amu kyeeri kilya Mumuyo Nsongori eenshaa ndi, fulya Yesu atandefika uniniń lwamwi.

Mitanie ya varumi 1:4

Neeli andemaa ivasandia kavavavasa vatauke kulya Yerusalemu, kake vaverie-fo kirekio kilya kya Vaava. Kavaia: Nkirekio kilya mundeongoywa nniń.

Barua ya Yohane ya mbele 2:27

Neeni yaambwa li mwawaria lyukie kwamwi llyo likaa neeni matika woose. Neeni muuṛi mifundie ingi ndi. Myaambie yamwi ikee imulosha foose, nayo ikee ya dede, wwongo ndi. Kyasia kaań nae, sheeli mundeloshwa.

Barua ya Yohane ya kavili 1:2

Tivakundie kiimba kya udede lukee kweru, nalo luvaa neese miṛeṛe.