Yohane 13:34 - MMA SHIYYA

³⁴ Ni ivavaso iiya nkee imuniingia, Ilyo ili: Kundaniń sheeli nndemukunda ini, neeni kundaniń kuro.

Yohane 13:34 ပူးပေါင်းရင်းမြစ်များ

Barua ya Vaefeso 5:2

Muware ikundana, sheeli na Kristo andetikunda kakuniingia kiimba kyeru ave nsimbika wa kirasio kya kwa Iṛuva kiwore nningo uwore kisaamu kinuru.

Yohane 15:17

Llyo ili ivavaso lyakwa: Kundaniń mu veni na mu veni!

Barua ya Petiro ya mbele 1:22

Mukammaa iilisa mirima yanu na iirikia filya fikee fa dede kumande mwafikia ikundana na vanavamae fitawore ukavili, kyasia engeṛień ikundana na nrima mu veni na mu veni.

Barua ya Vagalatia 6:2

Mwelekane mu veni na mu veni filya fikee imweemia, llyo mwawutiaa ivavaso lya Kristo.

Barua ya Yohane ya mbele 3:23

Na ivavaso lyamwi llyo ili: Tikusurane na irina lya Mwana wamwi Yesu Kristo na ikundana ise ti veni na ti veni, sheeli ye antivavasa.

Barua ya Yohane ya mbele 4:21

Na ivavaso li tanniingwa yye: Nndu akundie Iṛuva dede akunde na mwanamae wamwi.

Barua ya Yakobo 2:8

Ee da kwakooya mwaawutia ivavaso lia lya kimangi sheeli kikee kitisiṛe: ”Kunda nndu ungi sheeli kukukundi ku muni“, mwantana kisha.

Barua ya Vatesalonike ya mbele 3:12

Na Nndumi amwengeṛie ikundana ini mu veni na mu veni na ikunda vandu woose, sheeli neese timukundie.

Barua ya Varome 12:10

Mukundani na ngoo sha vana va nka, lingi mwelekiani na ikwiria sonu ini mu veni na mu veni!

Barua ya Yohane ya kavili 1:5

Na alli, yeyo, nakutereva, amu tikundane. Nta niikai nakutisiṛia ivavaso iiya ndi, kake llia yeni tikee nalyo kuuka mbooko.

Barua ya Vagalatia 6:10

Kyasia ili tikiwore mwaanya, titanie nndu woose finuru na kilanya vvalya tikee va ikusura limwi nawo.

Barua ya Yohane ya mbele 3:11

Amu ii yyo nrumi mweemiitaa kuuka mbooko sheeli: Tikundane ti veni na ti veni,

Barua ya Vaebrania 13:1

Kaań na ikundana sha vana va nka.

Barua ya Vatesalonike ya kavili 1:3

Vanavama, kyatiwara yaana Iṛuva kyeeri kyoose kiimba kyanu. Kisumani kuro, fulya ikusura lyanu likee iṅina nnu na ikunda lia mukundani nalyo lyankwengeṛia kwa nndu woose wanu.

Barua ya Vagalatia 5:22

Kake findo Mumuyo avikie mfo ifi: ni ikunda na ifura na unambwe na isisiria na usha lwa nrima na usongovisi na ikusurana

Barua ya Petiro ya kavili 1:7

Na usongovisi lwanu lunnde ikundana na vanavamae na ikundana na vanavamae linnde ikunda vandu woose.

Barua ya Vakolosai 1:4

Fulya tamiita mboni ta ikusura lyanu lya ikusura Kristo Yesu na ta ikunda lyanu mukundani nalyo na vasongori woose.

Barua ya Vagalatia 5:6

Amu tikankaa na Kristo Yesu irinwa ana ilea irinwa liwore ngo ndi, kake ni ikusura lya ikusura Kristo lyawutio̱o̱ ni ikundana.

Yohane 17:21

Nawo vave kimwi woose, sheeli iwe Nde kusaangi nań, nań nsaangi nawe, naamu vave kimwi neese na va isanga vautie-wo ikusura sheeli ni iwe kushirumie.

Matayo 5:44

Kake niń namuia: Kundeń fituva fanu, niingeń valya vakee imuumbuta mboṛa.

Barua ya Varome 13:8

Manya mutave vasile va vandu na kava i. Sile mukaa nayo ni ikundana mu veni na mu veni, amu ulya akundie uroe wamwi amaawutia mavavaso.

Barua ya Varome 13:10

Ikunda litaniaa nkyungu kikasha ndi. Amu ikunda llyo likee yawutia mavavaso.