20 Nkue nkue namuia: Ulya woose awariaa nndu nammuruma anshiwaria niń. Na ulya ashiwaria niń awwaria ulya andeshiruma.
Ulya amwaranyaa ini nniń anshaaranya. Na ulya amuleaa ini nniń anshilea. Na uu ashileaa niń allea ulya anshirumia.
Kavaia: Ulya woose awariaa mwana sha uu akuvavie na irina lyakwa ashiwaria niń. Na ulya woose ashiwaria niń awwaria ulya ashirumie. Amu ulya akee munnya kari kanu mu woose, ito yye nnini.
Nndu awwaria kimwana kimwi sha iki eeshikumbuaa niń, ito anshiwaria niń. Na nndu ashiwaria niń, nniń ashiwaria ndi, kake ni ulya andeshiruma.
Na mangi avaaṛuaa eevaiaa: Namuia kya dede: Kilya mwantanya vamwanamae vakwa iwo vannya na akwaa ni umwi tubu, mwanshitanya niń.
Na kyelelio mundekooya vviliń wakwa nta mundekiila ana mundekilea ndi, kake mundeshiwaria sheeli nkee mmalaika wa Iṛuva na Kristo Yesu ye muni.
Kyasia sheeli mundewaria Nndumi Yesu Kristo, mfo kuro endeń mukuwore nae.
Kyasia ulya abiṛie mifundie ii, abiṛie nndu ndi, kake abiṛie Iṛuva muni ammuniinga Mumuyo wamwi Nsongori.