17 Mukammanya ifi muvaa va ngoma mukatana kuro.
Nae kanumbua: Nkya dede valya vakee va ngoma vvalya vaaranyaa kirero kya Iṛuva na ikiwara vakakiwara.
Kyasia ulya eeshi filya fikee fisha fa itana kalea ifitana ito kwamwi ni ireka.
Kake ulya amaa imanya mavavaso a Iṛuva afingie nrumi shisha na ikaa nawo na nrima wamwi woose atakee murekio̱ wa filya amiita, kake kava muṛunda mashoṛa, uu avaa wa ngoma uṛundiń lwamwi.
Vva ngoma valya vawaraa mavavaso amwi, amu vakooye fuva yawo ya nri ulya unnde muu na muumu wa iira mbengeń tilya vafike muṛiń ulya.
Amu tikankaa na Kristo Yesu irinwa ana ilea irinwa liwore ngo ndi, kake ni ikusura lya ikusura Kristo lyawutio̱o̱ ni ikundana.
Amu nndu woose atanaa kilya Nde yakwa wa iṛuvewu afurie, ito yye mwanama na mfwama na yeyo wakwa.
Kyasia ini mukee ndoo takwa mukantana kilya nammuvavavasa.
Amu valya vamiita mavavaso vakee vasumani mbele ya Iṛuva ndi, kita valya vaindiaa mavavaso a Iṛuva wwo vataalio̱ sheeli vvasumani.
