Yohane 12:49 - MMA SHIYYA

⁴⁹ Amu nkindo nuutie kwakwa shi muni nndekirera ndi. Nde yakwa ito ashirumie yye ashiniingia ivavaso lya kindo nnumbuaa na kindo nreraa.

Yohane 12:49 ပူးပေါင်းရင်းမြစ်များ

Yohane 14:10

Niikai kutakusurie sheeli niń nsaangi na Nde na Nde nae kasaanga nań? Firero fi nkee imuia nkee ifirera kwa makusaṛo akwa meni ndi.

Yohane 8:26

Niiworee fiingi fa irera kyanu na fa yumisia kyanu. Kake ulya anshiruma wwa dede. Nań filya namiitia kwamwi mfo nkee ifirera fa iia isanga.

Yohane 5:30

Niń mmakii itana kindo na finya yakwa shi muni ndi. Nkee ifukya kindo kisumani na ikyo namiita. Na uumisio lwakwa llwa usumani, fulya nduyaa mifurie yakwa niń ndi, kake mmifurie ya ito ashirumie.

Yohane 17:8

Amu firero filya kundeshiniinga navvaniinga nawo. Nawo vakafiwara vakamanya dede sheeli nkwafo nuukie. Vakakusura sheeli ni iwe kushirumie.

Yohane 14:31

Kake va isanga li kyawara vamanyi, sheeli nkundie Nde na itana ifo Nde andeshivavasa. Kyasia kwimbooń teende!

Yohane 15:15

Nkimuvaangaa lingi maketi ndi, fulya iketi liishi kilya nndumi wamwi atanaa ndi. Namuvaanga ndoo, amu foose nndefika kwa Nde yakwa mfo nammurambuya ini.

Yohane 8:42

Yesu kavaia: Kifo Iṛuva eekee Vaava wanu, mwishikundaa niń, amu niń nndeuka kwa Iṛuva nasha kunu. Nta niń nndesha kwa kiimba kyakwa shi muni ndi, kake yye ashirumie.

Yohane 3:32

Filya andelolia na iita mfo akee irambua ateefo nndu akee iwaria irambua lyamwi.

Yohane 3:11

Nkue nakuia kya dede: Ise tikee irera filya tiishi na irambua filya tallolia, neeni mwirikie filya tikee irambua ndi.

Urambuyo lwa Yohane 1:1

Urambuyo ilu lumilie kwa Iṛuva. Ye andekuningia Yesu Kristo aoruse maketi amwi nalo filya fitanikaa kyeeri kikee kufui. Kalumanyisa iketi lyamwi Yohane eenrumiaa malaika wamwi.

Yohane 5:19

Kyasia Yesu kaaṛua kavaia: Nkue nkue namuia: Mwana amakii itana kindo ye muni kitaare nkilya alolia Nde eetanaa ndi. Amu kilya kyoose akee itana ye nkyo na Mwana akitanaa da.

Yohane 6:68

Simon Petiro kamwaṛua: Nndumi, teende kwa i? Iwe kuwore firero finnde muu wa miṛeṛe.

Yohane 7:16

Yesu kavaaṛua kavaia: Miloshie yakwa yyakwa niń ndi, yya ito ashirumie.

Yohane 8:28

Kyasia Yesu kanumbua: Mukammaa irosa Mwana wa nndu llyo mumanyaa sheeli nniń ye. Ana nta kindo nkee itana kikee kyakwa shi muni, kake nkilya Nde andeshilosha.

Yohane 14:24

Ulya atashikundie aindiaa firero fakwa ndi. Na kirero kyo mukee ikiita nta nkyakwa shi muni ndi, nkya ito ashirumie.