Yohane 12:48 - MMA SHIYYA

⁴⁸ Ulya ashileaa niń kalea na firero fakwa, ankooya mumwumisia. Kirero kilya nankirera nkyo kimwumisiaa nkonu ulya wa ifurumia.

Yohane 12:48 ပူးပေါင်းရင်းမြစ်များ

Luka 10:16

Ulya amwaranyaa ini nniń anshaaranya. Na ulya amuleaa ini nniń anshilea. Na uu ashileaa niń allea ulya anshirumia.

Barua ya Varome 2:16

Ifi Amanyikaa nkonu ulya ili Iṛuva aniingaa Yesu Kristo irambua fiṛisi fifisio̱ wandu. Ii yyo nrumi shisha nndeniingio̱.

Barua ya Vatesalonike ya kavili 1:8

Na iva avaa sha kibalabala kya muro eetaa kimini kwa valya vateeshi Iṛuva na valya vataindiaa nrumi shisha ya Nndumi weru Yesu.

Yohane 11:24

Marita kamwia: Niń niishi namanya, aṛukaa ili vafu vaṛukaa nkonu ulya wa ifurumia.

Barua ya Vaebrania 12:25

Lleń mutalee ulya akee irera neeni. Amu kwakooya valya kitaare vandemakii ikia, ili vandelea ulya andekumanyisa kwawo kunu isangeń, kya mmwasi nnu ise tikiaa tikankwava nae mutiikimba akee iṛuvewu ndi.

Barua ya Vaebrania 2:3

a ise naare tirishaa uumisio, ili tibiṛie nrumi shisha ya ikiṛwa iṅini kuri? Ni Nndumi muni ndi andebooka itiongoya nrumi ii? Nayo ikarambulwa numa vvalya vandeiita na marwi awo.

Yohane 5:45

Manya mutakusaṛe sheeli niń mmuṛiingaa kwa Vaava. Eefo nndu amuṛiingaa yye Mose ito munkusurie ini.

Matayo 21:42

Yesu kavaia: Mwansoma se karikari ka mitisine sheeli: Iwe lia lindelewa watana numba llyo lindeva iwe inini lya wembe? Mfo kindeva kuro kyuka na kwa Nndumi muni kikava kindo kya iṛiikisa misoń eru.

Barua ya Vakorinto ya kavili 4:3

Kake kwakooya nrumi ilya yeru ya ifura ikufisie, ikufisie kwa valya vakee va ureti.

Luka 20:17

Kavalla koroo kanumbua: A misendie yayo nkiki kirero ki kyatisiṛwa: Iwe lyo lyalewa watana numba Uyo lyawa iwe inini lya wembe.

Luka 17:25

Kake kitaare ifi favva, kyawara atu-ṛulwa mbele na ilewa vvandu va kyeeri kyo.

Luka 9:26

Amu nndu woose airaa sonu kiimba kyakwa niń na kya firero fakwa, na Mwana wa nndu airaa sonu kiimba kyamwi, ili ashaa akee na unini lwamwi na lwa Ndee na lwa vamalaika vasongori ifo iṛuvewu.

Luka 9:22

Kanumbua: Kyawara Mwana wa nndu aliswa ukiva wiingi na ilewa wasuṛi na vakohani vanini na vaaria va mitisine, na iwalwa awalwaa na nkonu wa kararu aṛukaa.

Luka 7:30

Kake Vafarisayo na vaaria va mavavaso wo vaima kilya Iṛuva andevaṛengia, fulya vandelea indebatiswa yye.

Mariko 16:16

Na ulya woose akusuraa Iṛuva na ibatiswa, ito akiṛwaa, na ulya atankusuraa aumisio̱o̱ amamie.

Mariko 12:10

Nta mwansoma mitisiṛie ii ndi?: ”Iwe lyo lindelewa watana numba llyo lyawa iwe inini lya wembe.

Matayo 25:31

Ili Mwana wa nndu ashaa akee na unini lwamwi aryani na vamalaika vasongori woose, llyo akaa rembo kifumbiń kya unini lwamwi.

Mitanie ya varumi 3:23

Na nndu woose ataaranyaa mwauya uu amamisio̱o̱ na ilakaniswa na vandu vamwi“.

Mariko 8:31

Numa kabooka ivalosha sheeli kyawara Mwana wa nndu aliswa ukiva wiingi vvandu na ilewa vvakohani vanini na vaaṛia va mitisiṛie na iwalwa, na numa ya mikonu iraru aṛuke.

Matayo 10:15

Nkue namuia: Llyo ńwana uruka lwa Sodomo na Gomora lulilyoo nkonu ulya wa uumisyo kita muṛi ulya.

Yohane 6:39

Na kilya kikundio̱ ni ito ashirumie nkyo iki: Nkindo kyoose ankishiniinga, kaaṛa ntarete-wo nta kimwi. Kake nkiṛute nkonu wa ifurumia.

Yohane 8:47

Ulya amilie kwa Iṛuva aitaa firero fa Iṛuva. Kwa ikyo ini mwisile ndi, fulya ini mutamilie kwa Iṛuva.

Mitanie ya varumi 17:31

Mfulya andeeṛia nkonu ashaa nato aumisie va isanga na usumani. Na uumisio lu kalurambikia nseṛo ulya andenduta kwa vafu kanrambuya vandu woose vautiewo inkusura.

Barua ya Vaebrania 4:12

Amu kirero kya Iṛuva kiwore muu, lingi kiwore finya, lingi kiwore uvave kita shombo shooi kuvili. Lingi kitotaa na yaava nrima na ngoo na meeṛo na miingo ikee kari kayo. Lingi nkyaangu na yelelia makusaṛo na mifurie ya nrima.

Barua ya Vaebrania 10:25

Manya titakufukye na makusandio eru, sheeli mmiishivie ya vengi. Kake tikwikimbe na ikutomarisa. Titane kuri, fulya mulolie sheeli nkonu ulya wa isha lya Yesu wansha kufui.

Barua ya Petiro ya mbele 1:5

Lingi mukankaa na ikusura muringwaa mfinya ya Iṛuva mukooye ikiṛwa lyo lyandeeṛio̱ lya ilolika na baa nkonu ulya wa ifurumia.

Barua ya Petiro ya kavili 3:3

Lya mbele manyiń kirero ki: Mikonu ya ifurumia vakwimboo vateenda vawore fiteendo fikasha veengeṛiaa isoṛa milangie yawo veni

Barua ya Petiro ya kavili 3:7

Kake iṛuvewu lya alli na isanga li fifisio̱ muro kwa kirero kilya kya Iṛuva fiiringwaa kumande nkonu wa uumisio wa ireta vandu valya vandelea Iṛuva.