Yohane 12:36 - MMA SHIYYA

³⁶ Ili mukiwore langa, kusureń langa yo, amu muve vana va langa.

Yohane 12:36 ပူးပေါင်းရင်းမြစ်များ

Barua ya Vaefeso 5:8

Fulya mbele mwikee va llema, kake alli mukee va langa, fulya mukuwore na Nndumi. Rueń sha vana va langa.

Barua ya Vatesalonike ya mbele 5:5

Amu ini mu woose mwawa vana va langa na vana va nsanyiń. Ise tikee va kio ana va llema ndi.

Yohane 8:59

Kyasia vakaimboo mawe vamweeṛe. Kake Yesu kakufisa kasomuka ifo numba ya Iṛuva.

Luka 16:8

Kyasia nndu ulya kaṅinisa nshili ulya llembi, fulya andetana kya uṛango. Fulya valya vakusurani na findo fa isanga li waṛango kita valya vakusurani na fa iṛuvewu.

Yohane 11:54

Nae Yesu akiṛuaṛua na bata kari ka Vayuda ndi. Kake kauka-fo kaenda muungoń ukee kufui na bateń. Kafika muṛiń uvaangwaa irina lyayo Efiraimu kakaa-fo andu emwi na vanalosho vamwi.

Yohane 1:7

Ito ashe ave nrambua wa irambua langa yo, amu vandu woose vakooye ikusura veekuwaraa nae.

Barua ya Vatesalonike ya mbele 5:8

Kake ise tikee va nsanyiń tive na kiṛengo tiiṛaa kya iringa mbafu nakyo ni ikunda na ikusura, na iṛaa kya iringa nrwe nakyo ni iverea lya ikiṛwa.

Yohane 3:21

Kake ulya aṛundaa mashoṛa asumani na uvavaso lwa Iṛuva ito ashaa na langeń, amu mashoṛa amwi amanyike na baa, fulya antana akusurani na Iṛuva.

Matayo 21:17

Kavatia-wo kasomuka wooṛo ya muṛi kaenda Betania kandelala-fo.

Matayo 5:14

Ini mukee langa ya isanga li. Muṛi wa vandu ukee uroń uvaa ifisa ndi.

Yohane 8:12

Kyasia Yesu karera nawo lingi kanumbua: Niń nkee langa ya isanga. Ulya ashisoṛaa niń akiendaa llemiń kutu ndi, kake avaa na langa innde muu.

Yohane 12:37

Mfo firero Yesu anderera kamaa. Kalakana na vandu kandekufisa. Kake lla kasa andetana myorusie miingi kuri mbele yawo, nawo nta vandenkusura ndi.

Yohane 12:46

Niń nansha isangeń nava langa, naamu nndu woose ashikusurie atakikaa llemiń.