Yohane 12:32 - MMA SHIYYA

³² Nań ili nammaa iroswa nuutwa isangeń, llyo noomuaa woose na kwakwa.

Yohane 12:32 ပူးပေါင်းရင်းမြစ်များ

Yohane 8:28

Kyasia Yesu kanumbua: Mukammaa irosa Mwana wa nndu llyo mumanyaa sheeli nniń ye. Ana nta kindo nkee itana kikee kyakwa shi muni, kake nkilya Nde andeshilosha.

Yohane 3:14

Na sha lia Mose avanika shoka ilya kulya bateń, mfo kuro kyawara Mwana wa nndu avanikwa,

Barua ya Petiro ya mbele 2:24

Yye muni akurika mareko eru kaarosia kiriń kya nsalaba andu emwi na wili wamwi, amu ise tilakaniswa na mareko na ikaa tikaa na muu wa iṛundia usumani. Mfaasha famwi findemukiṛa ini.

Yohane 6:44

Eefo nndu amakii isha kwakwa kitaare aitikwa Vvaava uu ashirumie ndi, nań nindutaa nkonu wa ifurumia.

Barua ya Yohane ya mbele 2:2

Nae yye kirasio kya mareko eru, ana nta nkya mareko eru da ndi, kake na kya mareko a va isangeń lyoose.

Barua ya Timoteo ya mbele 2:6

kakuniingia ye muni ave ntaua wa itaua vandu woose. Ii yyo mirambuye ikwaniswaa koose kyeeri kyayo kikamfika.

Barua ya Vaebrania 2:9

Kake ulya andenyiisio̱ vamalaika andu a kyeeri kifui tillolie yye Yesu andeavio̱ witoṛo na tikisi kiimba kya mavaviso amwi a ufu. Fulya Iṛuva kwa uwoo lwamwi andekunda afiye woose vakiṛwa.

Barua ya Vagalatia 3:13

Kristo andetitaua kidengoń kya mavavaso eekurwaa kwa si ya kidengo kyo kiimba kyeru. Amu nkitisiṛe: ”Nndu ulya woose avanikwaa kiriń akee ndenge“.

Yohane 1:7

Ito ashe ave nrambua wa irambua langa yo, amu vandu woose vakooye ikusura veekuwaraa nae.

Urambuyo lwa Yohane 5:9

Nawo veekee iimba kiimbo kiiya veenumbuaa: Kusumani iwe iwaria kitabu ki na ifukya firingisio fayo, fulya kwansikywa kwauṛia Iṛuva vandu va ngyuṛiti toose na usao lwafo ńa ngyufwari na makanika.

Barua ya Petiro ya mbele 3:18

Amu nae Kristo afwe limwi tubu kiimba kya mareko eru ye akee nsumani kafwa kiimba kyeru ise varekwa, amu atirwaa kwa Iṛuva. Kawalwa kivvili, kake kawiiṛwa muuń kimumuyo.

Yohane 19:17

Vakawaria Yesu. Nae kaenda akuriye nsalaba wamwi ye muni. Kauka muṛiń kafika andu avaangwaa Kiboṛoń, na irina lya Kiebrania nGoligota.

Yohane 12:34

Kyasia vandu valya veeyoo vakamwata: Ise tamiita ifo uvavasoń sheeli Kristo akaa kumande miṛeṛe. A iwe kwarerań are: Kyawara Mwana wa nndu aroswa na ule? A Mwana to wa nndu yye iń?

Yohane 18:32

Kikava kuro, amu kifike kilya Yesu eenreraa eeorusaa ni ufu ki afwaa.