Yohane 12:16 - MMA SHIYYA

¹⁶ Mboni to taaṛukia vanalosho vamwi io mbele ndi. Kake ili Yesu andemaa yenda uniniń lwamwi, llyo vandekumbua sheeli yye eenti-siṛioo kuro na sheeli vammutania kuro.

Yohane 12:16 ပူးပေါင်းရင်းမြစ်များ

Yohane 2:22

Kyasia ili andeṛuka kwa vafu, vanalosho vamwi vakakumbua kilya anderera. Vakakusurana na mitisine ilya na kirero kilya Yesu anderera.

Yohane 14:26

Kake ito Mwelekia, akee Mumuyo Nsongori, Nde anrumaa na irina lyakwa ye amuloshaa kyoose na imukumburusa kyoose nndemuia.

Yohane 7:39

Neeli arera kuro nkiimba kya Mumuyo Nsongori. Nto valya vankusurie vakaa vawwarie. Amu kyeeri kilya Mumuyo Nsongori eenshaa ndi, fulya Yesu atandefika uniniń lwamwi.

Mitanie ya varumi 2:36

Kyasia iva woose va numba ya Isiraeli vamanyi ninsha, sheeli Iṛuva amaaṛua Yesu to mundenkabia nsalabeń ave Nndumi na Kristo.

Yohane 12:23

Na Yesu kavaaṛua kavaia: Kyeeri kya Mwana wa nndu kyamfika, amu auye uniniń lwamwi.

Barua ya Vaebrania 12:2

Tille Yesu uu andetibookia ikusura, lingi yye aliawutiaa. Ye andu a ifura liikee ideeṛie live uvingo lwamwi kakurika nsalaba wa indefiya kaeeṛa usutu mungo. Numa kakaa rembo taari ya uko usha lwa kifumbi kya Iṛuva.

Barua ya Vaebrania 8:1

Kyasia kari ka ifo tikee irera kirero kikee kinini nkyo iki. Toore nkohani nnini wa mikae ii akee rembo uko usha lwa kifumbi kya unini lwa ifo iṛuvewu.

Mitanie ya varumi 3:13

Ni Iṛuva wa Abraamu akee na wa Isaki na wa Yakobo na wa vaande yeru andeṅinisa Mwanamwi Yesu, ulya ini mundenrambikia na inkana mbele ya Pilato lia andenumbua aotoṛwa.

Mitanie ya varumi 2:33

Kyasia ye ili amaa iroswa kumande uko usha lwa Iṛuva na iwaria kirekio kilya kya Mumuyo Nsongori kwa Ndee, amiirita kindo ki mukilolie alli na ikiita.

Yohane 16:4

Kake namuia ifi, amu ili kyeeri kyo kifikaa mufikumbue, sheeli niń nammaa imuia. Nta nammuia ifi kuuka mbele ndi, fulya niikee andu emwi neeni.

Luka 24:45

Kavaniinga uṛango vamanye mitisine ilya.

Luka 24:25

Llyo Yesu avaia: A baa vandu variṅani, nki ili ngoo tanu tallemwa ikusurana na filya foose feemaauywaa vvaauya fisuku?

Luka 18:34

Nawo nta yaṛukio̱ mfirero famwi ana nta imanya misendie yayo.

Luka 9:45

Nawo nta yaṛukio̱ nkirero ikyo kikavavia kirero kifise vatakimanyi. Vakaeṛea imwuṛa misendie ya kirero ikyo.

Yohane 17:5

Na alli, wui Nde, shiitikisań ifo kwafo kwishiiningaa unini lua niikee nalo kwafo lia kitaare isanga lyeentanwaa.

Mariko 16:19

Kyasia ili Nndumi andemaa irera nawo kuri, kasaamiswa iṛuvewu kakaa rembo taari ya uko usha lwa Iṛuva.

Mariko 9:32

Nawo nta yaṛu-kyo̱ nkirero kyo. Vakaeṛea imwuṛa.