Yohane 11:52 - MMA SHIYYA

⁵² Kake afiyaa vandu va uruka wo veni ndi, kake afiyaa na vana va Iṛuva vanyanyakie, amu avasańiṛie andu emwi.

Yohane 11:52 ပူးပေါင်းရင်းမြစ်များ

Yohane 10:16

Noore na mburu tingi da titakee ta shoo ii. Nato kita ntinnde, nato tishiitaa ununga lwakwa. Na shoo ivaa imwi na mwisi ave umwi nsi.

Barua ya Yohane ya mbele 2:2

Nae yye kirasio kya mareko eru, ana nta nkya mareko eru da ndi, kake na kya mareko a va isangeń lyoose.

Barua ya Petiro ya mbele 1:1

Niń Petiro nkee nrumi wa Yesu Kristo. Namwisana ini mukee vasaue mulele ifo Ponto na Galatia na Kapadokia na Asia na Bitinia mukee vanyanyate mwikaa-fo winiń.

Urambuyo lwa Yohane 5:9

Nawo veekee iimba kiimbo kiiya veenumbuaa: Kusumani iwe iwaria kitabu ki na ifukya firingisio fayo, fulya kwansikywa kwauṛia Iṛuva vandu va ngyuṛiti toose na usao lwafo ńa ngyufwari na makanika.

Barua ya Varome 3:29

Ana naare? Iṛuva ni Iṛuva wa Vayuda da? Yye na Iṛuva wa vayavaṛumu se? Ee ni Iṛuva wa vayavaṛumu nawo.

Luka 2:32

ave langa ya iṛangusa vandu valya vateeshi Iṛuva, amu vammanye. Na vandu vafo va Isiraeli vakooye tikisi.

Barua ya Yakobo 1:1

Niń Yakobo nkee iketi lya Iṛuva na lya Nndumi Yesu Kristo. Neesana ngyufwari tilya ikumi na ivili tikee shinyanyate kari ka vayavaṛumu.

Barua ya Vaefeso 3:11

Mideeṛie ii yamwi andeifisa ifo kwamwi kuuka mbele, amu yawutio̱ nKristo Yesu Nndumi weru.

Barua ya Vaefeso 1:5

Katideeṛia kwa ikunda lyamwi taaṛulwa vana vamwi eerumaa Yesu Kristo sheeli kindensenya.

Barua ya Varome 4:17

Nakyo kisumani na kilya kyatisiṛwa: ”Nankwaṛua kuve nde wa va isanga veengi“. Kasalala kisanguń kya Iṛuva uu andenkusura sheeli yye muṛuta vafu na isenda filya fiteefo sheeli fiifo.

Mitanie ya varumi 18:10

Amu niń noore vandu veengi muṛiń uu. Ana eefo nndu akutembeṛukie akukasheese ndi, amu niń nkee andu emwi nawe.

Yohane 12:32

Nań ili nammaa iroswa nuutwa isangeń, llyo noomuaa woose na kwakwa.

Yohane 1:29

Neeli lya ndesi kalolia Yesu eeshaa na kwamwi kanumbua: A li yaanri lya Iṛuva likurikaa mareko a isanga!

Yohane 1:12

Kake valya woose vandewwaria kavaniinga imakii lya iva vana va Iṛuva, wwo valya vakusurani na irina lyamwi

Barua ya Yohane ya mbele 3:1

Lleń ikunda lia Nde antikunda nalyo, neese tivaangwaa vana va Iṛuva, neese tikee vana vamwi. Nkyo kiimba isanga litiishi ise ndi, fulya liteeshi Iṛuva.

Barua ya Yohane ya mbele 3:2

Muṛe vakunde vakwa, alli tikee vana va Iṛuva, kake kilya kitiviaa numa kyallolika ndi. Kake kimwi tiishi: Ili Kristo alolikaa, tivakanaa nae, fulya tiloliaa mikae yamwi sheeli akee.

Barua ya Yohane ya mbele 3:10

Io llyo vakee ilolika valya vakee vana va Iṛuva na valya vakee vana va Satana: Ulya woose atatanaa fa usumani aukie kwa Iṛuva ndi, na ulya atakundie mwanamae mfo kuro da.

Luka 15:8

Ana ni nndu nka ungau awore shilingi ikumi kareta-wo imwi, nae ataataa kimuli amulike na yangata numba na iiṛuya kwa utomari kumande aikooyaa?