Yohane 11:40 - MMA SHIYYA

⁴⁰ Yesu kamwia: Neenkuiaa se kwakooya kwakusura kuloliaa unini lwa Iṛuva?

Yohane 11:40 ပူးပေါင်းရင်းမြစ်များ

Yohane 11:4

Kyasia ili andeita kuro kanumbua: Saka ii yya ufu ndi, yya yorusa unini lwa Iṛuva, amu Mwana wa Iṛuva autie-wo iitikiswa.

Yohane 1:14

Na Kirero kikaaṛuka vvili wa nndu kakaa kweru. Neese tikalolia unini lwamwi, nalo ni unini sha lwa Mwana wa ngitani aukie kwa Ndee, eeshule uwoo na udede.

Barua ya Vakorinto ya kavili 3:18

Kake ise ti woose tilolie unini lwa Nndumi na kisangu kitaare nkisikie. Na kita ifi tiilashwaa tiivakaniswaa na fwana yamwi na yengeṛio̱ teengeṛio̱o̱ unini. Na ifi foose fuukie kwa Nndumi akee Mumuyo.

Barua ya Vakorinto ya kavili 4:6

Amu Iṛuva uu anderera: Ive langa imulike yuka llemiń, yye andemulika mirima yeru, yukie-wo langa ya imanyisa unini lwa Iṛuva lukee kisanguń kya Kristo.

Yohane 9:3

Yesu kaaṛua: Nta ni nndu uu atanie kikasha ana ndee ana mae ndi. Amiiriwa kuro, amu mashoṛa a Iṛuva amanyike kwamwi.

Yohane 12:41

Firero fo Yesaya andefirera, fulya andelolia unini lwa Yesu kasenda mboni tamwi.

Matayo 17:20

Yesu kavaia: Nkiimba kya ikusura lyanu likee yaangu. Amu namuia kya dede: Kwakooya mwaira ikusura na likava yaangu sha mbekye ya nri wa nkuu, muiaa uro lu: Kwimboo ia kwende kulya! Nalo luukaa-wo. Amu nta kiifo kindo mutamakii ndi.

Mariko 9:23

Yesu kamwia: Ili kwanumbua: Kwakooya kumakii! Manya findo foose fivaa kwa ulya akusuraa.

Barua ya Varome 6:4

Kyasia taṛikwa andu emwi nae ufuń lwamwi kwa shia ya ubatiso, amu sheeli Kristo anderetwa kwa vafu kwa shia ya unini lwa Ndee, mfo kuro neese tiṛue tirie muu mwiya.