Yohane 10:6 - MMA SHIYYA

⁶ Ii yyo sumu Yesu andevaeeṛa. Nawo vandeaṛukio̱ nkilya afurie ivaia nakyo ndi.

Yohane 10:6 ပူးပေါင်းရင်းမြစ်များ

Yohane 16:25

Ifi narera neeni na sumu. Kake kyeeri kishaa ntakireraa neeni na sumu. Llyo mmoongoyaa mboni ta Nde na baa.

Matayo 13:51

Yesu kavauṛa: Mwamaaṛukyo ni ifo foose? Vakamwia: Ee Mbee.

Barua ya Yohane ya mbele 5:20

Neese tiishi sheeli Mwana wa Iṛuva ammaa isha katiniinga uṛango timanye ito akee muni udede. Neese tilungani na ito muni udede, yye Mwana wamwi Yesu Kristo. Uu yye akee Iṛuva muni udede na muu wa miṛeṛe.

Barua ya Vakorinto ya mbele 2:14

Kake nndu akusurani na mikae yamwi meni awariaa fa miniingie ya Mumuyo wa Iṛuva ndi, amu kwamwi ye nsha fa utondo, amakii ifimanya ndi. Amu ifi kyawara fimanyike kwa finya ya Mumuyo.

Yohane 8:43

A nki ili mutakee imanya mirerie yakwa? Mfulya kitaare ini mukee imakii yaranya firero fakwa.

Yohane 8:27

Nawo nta kyawaaṛukia sheeli awasendia Nde ndi.

Yohane 7:36

Nkirero ki ikyo akirera: Mushiṛuyaa mutashilolie, neeni kundo nndekaa niń mutamakii ifika-fo?

Yohane 6:60

Kyasia veengi va vanalosho vamwi ili vandeita kuri, vakanumbua: Firero fi mfuumu. A nndu amakii ifiaranya yye i?

Yohane 6:52

Kyasia Vayuda vakavingana wo veni na veni veenumbuaa: Nndu uu amakii itiniinga are vvili wamwi tiule?

Matayo 13:34

Ifi foose Yesu andeia syamu ilya ya vandu kwa sumu. Nta kirero andevaia kitaare nna sumu.

Mariko 4:34

Nta kindo arera nawo kitaare nkwa sumu. Kake vanalosho vamwi veni kavarambuya foose vakee kyaanya kyawo.

Yohane 16:29

Vanalosho vamwi vakanumbua: A te alli kukee irera na baa kutakirere na sumu ndi.

Barua ya Petiro ya kavili 2:22

Kyavva kwawo sha sumu ilya ya dede sheeli yarera: ”Ikite lyuiyaa ureeko lwayo“, na lingi: ”Nguve yansangywa ikwaruvaa lingi mabwashiń“.