Yohane 10:4 - MMA SHIYYA

⁴ Neeli aawuaa mburu tamwi toose, atiiriaa mbele. Na mburu tilya tikansoṛa, fulya tiishi ununga lwamwi.

Yohane 10:4 ပူးပေါင်းရင်းမြစ်များ

Yohane 10:16

Noore na mburu tingi da titakee ta shoo ii. Nato kita ntinnde, nato tishiitaa ununga lwakwa. Na shoo ivaa imwi na mwisi ave umwi nsi.

Yohane 12:26

Na ulya afurień ishiṛundia kyawara ashisoṛe na utomari. Na alya niń nkai wwo na iketi lyakwa likaa da. Na nndu kashiṛundia na utomari, Vaava wakwa amwitikisaa.

Yohane 18:37

Kyasia Pilato kamwia: Iwe kukeeń mangi? Yesu kaaṛua: Ni iwe kwarera ku muni. Ee nkee mangi. Na kikangio nairiwa na kikangio nasha kunu isangeń, naamu nrambue ikyo kikee kya dede. Ulya amilie udedeń aaranyaa ununga lwakwa.

Barua ya Petiro ya mbele 2:21

Amu ikyo nkyo mwavaangio̱, fulya na Kristo antuṛulwa kiimba kyanu kamutia myorusie, amu mulatie mbayo tamwi.

Barua ya Petiro ya mbele 5:3

Ana manya mutakwaṛue mawomi ifo siṛiń tanu, kake veń vandu va iiria siṛi mbele.

Barua ya Vakorinto ya mbele 11:1

Kuvakaniseń nań sheeli nań nkee ikuvakanisa na Kristo.

Yohane 10:8

Woose vandeshiiria mbele mmanini na fisoki, kake mburu tindevaita ndi.

Matayo 16:24

Llyo Yesu aia vanalosho vamwi: Nndu afurie ishisoṛa niń, akwime mikae yamwi, akurike nsalaba wamwi na ishisoṛa niń.

Barua ya Vaebrania 12:2

Tille Yesu uu andetibookia ikusura, lingi yye aliawutiaa. Ye andu a ifura liikee ideeṛie live uvingo lwamwi kakurika nsalaba wa indefiya kaeeṛa usutu mungo. Numa kakaa rembo taari ya uko usha lwa kifumbi kya Iṛuva.

Barua ya Vaebrania 6:20

Ifo mfo Yesu andeakia atiṛuye shia, nae ni ndongori weru kava nkohani nnini wa miṛeṛe wa mikae ya Melikisedeki.

Barua ya Vaefeso 5:1

Kyasia veń vandu vasoṛaa Iṛuva sha vana vakunde.

Yohane 3:29

Ulya akee na sambuṛa ya wali yye nndumi wa wali. Kake ndoo ya nndumi wa wali ulya aselele na imwaranya, akee isenywa nnu ni ununga lwa nndumi wa wali. Kyasia ifura fi lyakwa lyammaa iva.

Yohane 13:15

Fulya nammuniinga myorusie, amu sheeli niń nammutania, neeni mukutanie kuro.

Barua ya Petiro ya mbele 4:1

Kyasia ili Kristo atuṛulwa wili wamwi, na akwaa ni ini mukufingie mikae yo muve kimwi nae. Amu ito andetuṛulwa wili allakana na mareko.

Yohane 10:3

Na nringi wa mwaango kanruya. Na mburu tikaaranya ununga lwamwi. Nae kavaanga mburu tamwi eetisendaa marina ayo na itiawua.

Yohane 10:5

Kake nndu mwini tillatiaa kutu ndi. Tinrishaa, fulya fiteeshi ngyununga ta veeni.

Yohane 10:27

Na mburu takwa tishiitaa ununga lwakwa. Nań ntiishi, nato tikashisoṛa.