Yohane 10:25 - MMA SHIYYA

²⁵ Yesu kavaarua kavaia: Niń nammuia, neeni nta ishikusura. Mashoṛa va nkee iṛunda na irina lya Nde yakwa wwo ashirambuaa.

Yohane 10:25 ပူးပေါင်းရင်းမြစ်များ

Yohane 10:38

Kake kwakooya nava mwaṛunda, na kikava kitaare mwashikusura niń shi muni, kusuraniń na mashoṛa wo akwa muutie-wo imanya deń sheeli Nde asaangi nań, nań nsaangi na Nde.

Yohane 8:58

Yesu kavaia: Nkue nkue namuia: Ilyo kitaare Abraamu awa-fo, niń niifoo.

Yohane 14:11

Nde asaangi nań yye akee iṛunda mashoṛa amwi, ushikusureń sheeli niń nsaangi na Nde na Nde nae kasaanga nań! Na kitaare nkuro shikusureń mwillaa mashoṛa akwa meni amunniinge ikusura.

Barua ya Vaebrania 2:3

a ise naare tirishaa uumisio, ili tibiṛie nrumi shisha ya ikiṛwa iṅini kuri? Ni Nndumi muni ndi andebooka itiongoya nrumi ii? Nayo ikarambulwa numa vvalya vandeiita na marwi awo.

Mitanie ya varumi 10:38

Yesu wa Nasareti Mumuyo Nsongori na finya. Nae kaṛuaṛua na itania kinuru valya woose veekee iliswa ukiva nSatana na ivakiṛa, fulya Iṛuva eekee andu emwi nae.

Yohane 20:30

Kyasia iifo na myorusie ingi miingi Yesu andeitana mbele ya vanalosho vamwi kitaare mmitisiṛe kunu kitabuń iki.

Yohane 12:37

Mfo firero Yesu anderera kamaa. Kalakana na vandu kandekufisa. Kake lla kasa andetana myorusie miingi kuri mbele yawo, nawo nta vandenkusura ndi.

Yohane 11:47

Kyasia vakohani vanini na Vafarisayo vakavaanga kikwena kinini kya vangyama vakanumbua: Titanaa are, ili nndu uu akee itana myorusie minini miingi kuri?

Yohane 10:32

Kavaaṛua: Mmashoṛa mesha meengi nndemworusa aukie kwa Nde yakwa. Nkiimba kya ishoṛa lingali mufurie ishikaba na mawe?

Yohane 8:24

Kiimba kya ikyo namuia: Mufiyaa marekoń anu. Kwakooya mutakusuraa sheeli nniń ye, mufiyaa marekoń anu.

Yohane 8:12

Kyasia Yesu karera nawo lingi kanumbua: Niń nkee langa ya isanga. Ulya ashisoṛaa niń akiendaa llemiń kutu ndi, kake avaa na langa innde muu.

Yohane 7:31

Na vandu veengi kari ka syamu vakautia-wo inkusura. Vakanumbua: Ili Kristo ashaa, naań atanaa findo finini kita ifi nndu uu andetana?

Yohane 3:2

Kashea Yesu kyeeri kya kio kamwia: Nndumi, ise tiishi sheeli kukee llosha kuukie kwa Iṛuva, fulya ateefo nndu amakii itana myorusie ilya ya finya iwe kukee itana, kwakooya Iṛuva atakee nae.

Mitanie ya varumi 2:22

Muṛe womi va Isiraeli, aranyiń firero fi: Yesu uu wa Nasareti ni nndu anderumwa ni Iṛuva ilyo andesha kwanu, kamanyiswa na findo finini na maṛiikiso na myorusie Iṛuva andefitana na uko lwamwi mbele yanu, sheeli mwishi ini mu veni.

Yohane 8:56

Nde yanu Abraamu andekaba nndoṛo eeshi akaa alolie nkonu wakwa. Kaulolia kafura.

Yohane 10:37

Kwakooya nara ntaṛunda mashoṛa a Nde yakwa, manya mutashiirikie kutu ndi.