Yohane 1:15 - MMA SHIYYA

¹⁵ Yohane andenrambua na ununga unini eenumbuaa: Uu yye niinnumbuaa: Yye ashaa numa yakwa, amu mmumbele wakwa.

Yohane 1:15 ပူးပေါင်းရင်းမြစ်များ

Matayo 3:11

Nkya dede niń nkee imubatisa na mura kiimba kya iilashika. Kake ito ashaa numa yakwa awore finya kita niń. Ana nta nkaṛiaa ikurika faaru famwi ndi. Ye amubatisaa na Mumuyo Nsongori na muro.

Barua ya Vakolosai 1:17

Nae eefo kwa ule ya findo foose na findo foose fikuware nae.

Yohane 17:5

Na alli, wui Nde, shiitikisań ifo kwafo kwishiiningaa unini lua niikee nalo kwafo lia kitaare isanga lyeentanwaa.

Luka 3:16

Yohane kavaaṛua kavaia woose: Niń namubatisa na mura. Kake eefo nndu ashaa numa yakwa awore finya kita niń. Nań nta nkaṛiaa iboṛomua ngyuṛuumu ta faaru famwi ndi. Ye amubatisaa na Mumuyo Nsongori na muro.

Yohane 8:58

Yesu kavaia: Nkue nkue namuia: Ilyo kitaare Abraamu awa-fo, niń niifoo.

Urambuyo lwa Yohane 2:8

Na mwisi ulya wa siṛi ikee Simirina ntisiṛie: A fi firero arera ito akee wa ibooka na wa ifurumia, ni ito eekee mfu kawara lingi muu. Nafo mfo ifi:

Barua ya Vaebrania 13:8

Yesu Kristo wwa mikae imwi nsi kuuka mbele na alli na kumande miṛere.

Yohane 1:27

Ito yye ashaa numa yakwa, nań nkaṛiaa nta inserikia mmwute faaru famwi ndi.

Mariko 1:7

Kakwanisa eenumbuaa: Ito ashaa numa yakwa awore finya kita niń. Nań nta nkaṛiaa ikwinika neelelise ngyuṛuumu ta faaru famwi ndi.

Urambuyo lwa Yohane 1:11

Lukashiia: Kilya kwallolia kitisiṛe kitabuń kukirikie siṛi tilya mfungare tikee ifo Efeso na Simirina na Perigamo na Tiatira na Saride na Filadelifia na Laodikia.