Yohane 1:14 - MMA SHIYYA

¹⁴ Na Kirero kikaaṛuka vvili wa nndu kakaa kweru. Neese tikalolia unini lwamwi, nalo ni unini sha lwa Mwana wa ngitani aukie kwa Ndee, eeshule uwoo na udede.

Yohane 1:14 ပူးပေါင်းရင်းမြစ်များ

Barua ya Yohane ya mbele 4:9

Ikunda lya Iṛuva lyammanyika kweru, ili anderuma Mwana wamwi ngitani isangeń, amu tiniingwa muu yye.

Barua ya Timoteo ya mbele 3:16

Nkya dede kiṛisi kikee kinini kya windi. Nakyo nkyo iki: ”Uu andekworusa kwa wili wa nndu, kairikio̱ mMumuyo, kalolikia vamalaika, kakwaniswa kari ka vayavaṛumu, kakusurwa isangeń, karosio̱ uniniń“.

Yohane 1:1

Ilyo mbooko Ilyo Kirero kiifoo. Na Kirero kiikee na Iṛuva. Na Kirero kiikee Iṛuva.

Barua ya Vagalatia 4:4

Kake ili kyeeri kindefika kutu, llyo Iṛuva aruma Mwana wamwi kairiwa ni nndu nka karawa kwa si ya milimu ya vandu,

Barua ya Vaebrania 1:3

Nae mmuni langa ya unini lwa Iṛuva, amu sheeli Iṛuva akai mfo kuro nae akai. Lingi yye awarie foose kwa finya ya kirero kyamwi. Ammaa isangya vandu mareko na usao lwamwi kakaa rembo uko usha lwa muya unini iṛuvewu ule.

Yohane 6:51

Niń nniń nkate to uukie iṛuvewu uwore muu. Na nkate to nndu kaulya alunganaa na muu. Na nkate uu nuuniingaa ni vvili wakwa uniingio̱o̱ amu va isangeń vakooye ikia muu.

Barua ya Vakolosai 1:19

Fulya kindesenya Iṛuva, finya yamwi yoose ikuware nae,

Barua ya Vakorinto ya mbele 15:47

Nndu wa mbele auka uteriń, nae ni uteri. Nndu ulya wa kavili aukie iṛuvewu.

Barua ya Varome 8:3

Amu kilya ivavaso lia liteemakii, fulya liikee iime mmikae ya kivandu, nkyo Iṛuva andekiawutia eerumaa Mwana wamwi kwa fwana ya vvili wa kivandu uwore fikasha na kiimba kya ireko kaumisia ireko fiwarani na vvili.

Barua ya Yohane ya mbele 4:14

Neese tallolia na miso eru na irambua sheeli Nde anderuma Mwana ave nkiṛa wa isanga.

Barua ya Vakolosai 2:9

Amu kari kamwi ye mfo ilolikie mboṛa yoose ya Iṛuva.

Barua ya Yohane ya kavili 1:7

Amu valembi veengi vankwimboo isangeń kitaare vakee irambua sheeli Yesu Kristo ansha kwa mikae a wili wa kinndu. Uu yye llembi ulya akee mukana Kristo.

Urambuyo lwa Yohane 21:3

Naita ununga unini luuka kifumbiń kilya kya kimangi lwinumbuaa: ”A ki kirembo kya Iṛuva kikee andu emwi na vandu. Nae aruaa kwawo, nawo vavaa vandu vamwi. Na Iṛuva muni avaa andu emwi nawo.

Barua ya Vaebrania 5:5

Mfo kuro Kristo nae andekurwaya muni unini lu ave nkohani nnini ndi, kake ni ulya andemwia: ”Ni iwe Mwana wakwa, nniń nakwira nnu“.

Barua ya Vaebrania 10:5

Kwa ikyo ye (ni Yesu akee Mesia) ili andesha isangeń kanumbua: ”Misimbika na firasio kukundie ndi, kake kwanshisongosia wili.

Yohane 11:40

Yesu kamwia: Neenkuiaa se kwakooya kwakusura kuloliaa unini lwa Iṛuva?

Yohane 3:16

Nkuro Iṛuva akunda vandu kaotoṛa Mwana wamwi ngitani, amu woose vankusuraa vatareke, kake vaniingwa muu utakisiaa.

Yohane 2:11

Nkyo kindo kya mbooko Yesu atana kya maṛiikiso kikatanikia kulya muṛiń wa Kana ukee muungoń ulya wa Galilaya. Kamanyisa nakyo unini lwamwi. Na vaseṛo vamwi vakautia-wo inkusura.

Yohane 14:6

Yesu kamwia: Nniń shia yo na dede nniń na muu nniń. Eefo nndu afikaa kwa Nde kitaare ashiwore niń ndi.

Barua ya Vaebrania 1:5

Amu mmalaika ungau Iṛuva andemwia: ”Ni iwe Mwana wakwa. Niń nankwira nnu“? Na lingi: ”Niń vvaa Vaava wamwi, nae avaa Mwana wakwa“.

Yohane 14:9

Yesu kamwia: Nankaa neeni feeri fifile kuri, nawe nta ishimanya, Filipo? Ulya anshilolia niń ammaa ilolia Nde. Naare kyavań ili kwanumbua: Tooruse Nde?

Luka 9:32

Petiro na valya veekee andu emwi nae vakaṅinio̱ nruo. Kake ili vandeokia ruoń, vakalolia unini lwamwi na vasuṛi valya vavili vaselele andu emwi nae.

Yohane 17:22

Na unini lua kundeshiniinga iwe navvaniinga nawo vave kimwi, sheeli neese tikee kimwi.

Yohane 3:18

Ulya ankusurie aumisio̱o̱ ndi, ulya atankusurie ammaa yumisio̱, fulya atakusurani na Mwana wa Iṛuva ngitani.

Luka 2:11

Fulya nkonu wa nnu mwamiirio̱ Nkiṛa kulya muṛiń wa Davidi, uu akee Kristo Nndumi.

Barua ya Vaebrania 2:11

Amu uu mwilisa na iwo veeliswa vawore Nde ii woose. Kiimba kya iki awore sonu ya ivavaanga vanavamae ndi

Barua ya Vakorinto ya kavili 12:9

Nae kashiia: ”Ililia lyakwa likufile, amu kwa nndu ntanyari mfo finya yakwa ikooyaa mwaanya wa iṛunda“. Kiimba kya iki kindo nkee ikuṅinisa nakyo ni utanyari lwakwa, amu finya ya Kristo ikooye mwaanya wa iṛunda kari kakwa.

Matayo 1:16

Yakobo kaira Yosefu akee mmi wa Maria ulya andeira Yesu ito avaangwaa Kristo.

Barua ya Vakolosai 2:3

Amu kwamwi ye masaa woose a uṛango na imanya mfo fifisie.

Barua ya Vaefeso 3:8

Niń nkee munnya wa vasangori woose nndeniingwa ililia li lya ikwanisia vayavaṛumu usimba lwa Kristo lutawore mmando

Barua ya Varome 9:5

Na vakuu valya wawo na ifo kwawo mfo Kristo andeuka kava nndu, yye Iṛuva akee kwa ule ya findo foose eetikiswa miṛeṛe na miṛeṛe. Amen.

Luka 2:7

Kaira mwana wamwi vvele kamwiṛina na firami kamwaṛa mundiń wa numbe, fulya vandetuṛa andu a ilala ifo numba ya veeni.

Mitanie ya varumi 13:33

Iṛuva antifitia ise tikee vana vawo kirekio kyo, ili andeṛuta Yesu kwa vafu. Mfo kuro kyeentisiṛwaa na akwaa nkitabuń kya kavili kya fiimbo fa Davidi: ”Iwe ni iwe mwana wakwa nniń nakwira nnu“.

Yohane 8:32

Neeni mumanyaa kilya kikee kya dede, na udede lo lumutauaa.

Yohane 17:24

Wui Nde, mfurie na akwaa ni iwo kundevashiniinga vave andu emwi nań io nkai, amu vamakii ilolia unini lwakwa ilo kushiniingie. Amu kwashikunda ilyo kitaare isanga lyeentanwaa.

Yohane 18:37

Kyasia Pilato kamwia: Iwe kukeeń mangi? Yesu kaaṛua: Ni iwe kwarera ku muni. Ee nkee mangi. Na kikangio nairiwa na kikangio nasha kunu isangeń, naamu nrambue ikyo kikee kya dede. Ulya amilie udedeń aaranyaa ununga lwakwa.

Urambuyo lwa Yohane 19:13

Nae ni vvike isaṛa lindeolotwa usaoń na irina lyamwi avaangwaa: Kirero kya Iṛuva.