Yohane 1:13 - MMA SHIYYA

¹³ Nawo wwo vandeiriwa iteefo milangie ya usao ana iteefo mire ya vvili ana iteefo mifurie ya nndu nndumi, kake vairiwa kwa mikundie ya Iṛuva.

Yohane 1:13 ပူးပေါင်းရင်းမြစ်များ

Barua ya Yohane ya mbele 3:9

Nndu woose amiiriwa ni Iṛuva atanaa mareko ndi, amu mbeu yamwi ikaa kari kamwi. Kiimba kya ikyo amakii itana kikasha ndi, fulya amiiriwa ni Iṛuva.

Barua ya Yakobo 1:18

Kwa mifurie yamwi antiira lya kavili na kirero kyamwi kya dede tive vasaue kari ka findo filya fantanwa yye.

Barua ya Petiro ya mbele 1:23

Fulya mwamiiriwa lya kavili nta nna mbeu ikashaa ndi, kake nna ilya itakashaa, nkyo kirero kya Iṛuva kiwore muu kikaa kumande miṛeṛe.

Barua ya Petiro ya mbele 1:3

Aarafumwa Iṛuva akee Nde wa Nndumi weru Yesu Kristo andetililia na ililia lyamwi iingi katiira lya kavili tiware iverea linnde muu kiimba kya miṛukie ya Yesu Kristo kwa vafu.

Barua ya Yohane ya mbele 5:4

Fulya nndu woose amiiriwa ni Iṛuva avingaa isanga. Na kindo kya ivinga isanga ni ikusura lyeru.

Barua ya Yohane ya mbele 4:7

Muṛe vakunde, tikundane ise ti veni na ti veni, fulya ikundana limilie kwa Iṛuva. Na ulya awore ikundana amiiriwa ni Iṛuva, nae kamanya Iṛuva.

Barua ya Tito 3:5

nta nkiimba kya mitanie yeru ikee minuru yyo yakangia katitania kuro ndi, kake nkiimba kya ililia lyamwi muni. Nkyo atikiṛia eetisangyaa mirima tikava vandu vamiiriwa lya kavili vawore mikae miiya,

Barua ya Vafilipi 2:13

Amu Iṛuva yye amuṛundiaa mirimiń yanu eemuniingaa finya ya ibooka mashoṛa anu na yamarisia, amu munsenye.

Barua ya Vakorinto ya mbele 3:6

Niń nndeveekya Apolo kanisa, kake Iṛuva yye andemirisa.

Barua ya Yohane ya mbele 5:1

Nndu woose akusurie sheeli Yesu akee Kristo, ito amiiriwa ni Iṛuva. Na nndu woose akundie ulya andemwira, akundaa na ulya andeiriwa yye, ni Iṛuva.

Barua ya Yohane ya mbele 5:18

Tiishi sheeli nndu woose andeiriwa ni Iṛuva atanaa fikasha ndi. Kake ulya amiiriwa ni Iṛuva akuringaa, amu Nkasha ulya atambaani.

Yohane 3:3

Yesu kamwaṛua kamwia: Nkue nakuia kya dede: Kwakooya nndu atairiwaa lya kavili, amakii ilolia umangi lwa Iṛuva ndi.

Matayo 3:9

Ini mutakusaṛe mwinumbuaa: Ise toore nde yeru Abraamu. Namuia: Iṛuva amakii yaṛuya Abraamu mawe va ave vana vamwi.

Barua ya Petiro ya mbele 2:2

Ili mukee sha fivana vandeiriwa suku ti langeń maruva va a kimumuyo atawore ulembi, amu muṅine nawo kumande mufikiaa ikiṛwa,