Matayo 9:35 - MMA SHIYYA

³⁵ Yesu asengetya miṛiń minini na minnya yoose eeloshaa-fo vandu ifo numba tawo ta iterevya eeongoyaa vandu mboni shinuru ya umangi na ikiṛa vandu saka ta mikae yoose na ngyutanyaṛi ta mikae yoose.

Matayo 9:35 ပူးပေါင်းရင်းမြစ်များ

Mitanie ya varumi 10:38

Yesu wa Nasareti Mumuyo Nsongori na finya. Nae kaṛuaṛua na itania kinuru valya woose veekee iliswa ukiva nSatana na ivakiṛa, fulya Iṛuva eekee andu emwi nae.

Mariko 6:56

Na andu oose eekee yenda kamaaka fimiṛiń ana miṛiń ana manremiń, vakarwaa valole singiṛeń. Vakantereva vabaani na akwaa ni nkyendu wa nseto wamwi. Na valya woose vandembaana vakakia.

Matayo 11:5

Midoń ikee ilolya na vandu vakee manketenkete a meengo vakee imakii yenda. Na valya vaworwa ni ivave vakee iva vesha na vafu marwi vakee iita. Na vafu vakee iṛuka na valya vakiva vakee ikwaniswa mboni shinuru ta ivakiṛa.

Luka 13:22

Yesu kaira miingoń na miṛiń ya vandu eeloshaa-fo. Kawara shia afike Yerusalemu.

Mitanie ya varumi 2:22

Muṛe womi va Isiraeli, aranyiń firero fi: Yesu uu wa Nasareti ni nndu anderumwa ni Iṛuva ilyo andesha kwanu, kamanyiswa na findo finini na maṛiikiso na myorusie Iṛuva andefitana na uko lwamwi mbele yanu, sheeli mwishi ini mu veni.

Mariko 6:6

Nae kaṛiika, fulya vandelemwa inkusura. Kava mulengetialengetia ifo miṛiń miri eeloshaa.

Matayo 11:1

Kyasia ili Yesu andemaa ivavasa vanalosho vamwi valya ikumi na vavili, kakwimboo ifo kaenda indelosha na ikwanisa ifo miṛiń yawo.

Matayo 10:1

Kavaanga vanalosho vamwi valya ikumi na vavili kavaniinga finya ya yumbuta mimuyo mikasha na ikiṛa saka toose na ngyutanyaṛi ta mikae yoose.

Mariko 1:14

Ili Yohane andemaa ifingwa, Yesu kasha Galilaya kakwanisa nrumi ya Iṛuva ya ifura