Matayo 8:20 - MMA SHIYYA

²⁰ Yesu kamwia: Mabaaṛwe awore mbanga na ndee ta iṛuvewu toore fifuri, kake Mwana wa nndu awore andu a yaṛa nrwe wamwi ndi.

Matayo 8:20 ပူးပေါင်းရင်းမြစ်များ

Luka 2:7

Kaira mwana wamwi vvele kamwiṛina na firami kamwaṛa mundiń wa numbe, fulya vandetuṛa andu a ilala ifo numba ya veeni.

Barua ya Vakorinto ya kavili 8:9

Amu mwammanya ililia lya Nndumi weru Yesu Kristo sheeli andeva nkiva kiimba kyeru, lla kasa eekee isimba, naamu ini mumakii iva masimba kiimba kya ukiva lwamwi.

Luka 2:16

Vakaenda veerishaa vakakooya-fo Yosefu na Maria na mwana ulya eeaṛiee mundiń.

Luka 2:12

Na kiringisio mundeloliaa: Mukooyaa mwana mwiṛine na firami mwaṛe mundiń.

Luka 8:3

na Yohana akee nka wa Kusa ulya akee mulla findo fa Herode, na Susana na vengi veengi. Nawo veekee indundia na masaa awo.

Matayo 12:32

Nndu woose, areraa kirero kya iila Mwana wa nndu, ito alilyoo. Kake nndu, areraa kirero kya iila Mumuyo Nsongori, akooyaa ililyo nta isangeń ili lya alli ana nta isangeń lishaa numa ndi.

Matayo 19:28

Yesu kavaia: Nkya dede namuia: Kyeeri isanga lyaṛulwaa iiya, ili Mwana wa nndu akaa kifumbiń kya unini lwamwi, io llyo neeni mundeshisoṛa niń mukooyaa fifumbi ikumi na fivili, mushilye ngyufwari tilya ikumi na ivili ta Isiraeli.

Matayo 17:9

Ili veeolokaa uroń, Yesu kavavavasa kavaia: Kilya mwallolya mutaongoye nta nndu. Mukifise siń kumande kyeeri kilya Mwana wa nndu amaa iṛuka kwa vafu.

Matayo 16:27

Ili Mwana wa nndu akaa ashe aṛee unini lwa Ndee andu emwi na vamalaika vamwi, llyo asheavyaa nndu woose kiińańani na mitanye yamwi.

Matayo 16:13

Kyasia ili Yesu andefika muṛiń wa Kaisaria ya Filipo, kauṛa vanalosho vamwi eevaiaa: A vandu vanumbuaa Mwana wa nndu yye i?

Matayo 12:40

Amu sheeli Yona andekaa ndewuń ya ikunga lia inini kakaa-fo mikonu iraru kio na nsanyiń, mfo kuro na Mwana wa nndu akaa uteriń mikonu iraru kio na nsanyiń.

Matayo 12:8

Amu Mwana wa nndu ye yye Nndumi na wa nkonu wa Sabato.

Matayo 13:37

Kaaṛua kanumba: Ulya andeeṛa mbeu shinuru mMwana wa nndu.

Mariko 8:38

Amu nndu woose ashiiriaa sonu na firero fi fakwa kari ka kishuku ki kya waaisi na mareko, na Mwana wa nndu amwiriaa sonu, ili ashaa na unini lwa Ndee andu emwi na vamalaika vasongori.

Luka 9:58

Yesu kamwia: Mabaaṛwe awore marina ayo na ndee tiwore fifuri fayo, kake Mwana wa nndu awore andu a yekeṛia nrwe wamwi ndi.

Luka 12:8

Nań namuia: Ulya woose ashirambuaa mbele ya vandu, na Mwana wa nndu nae anrambuaa mbele ya vamalaika va Iṛuva.

Luka 18:8

Namuia: Avafukiaa kisumani ree. Kake ili Mwana wa nndu ashaa, akooyaa vandu vankusurie kunu isangeń naań?

Luka 21:36

Kyasia laleńń kya umbuura mwiterevaa Iṛuva, amu mukooye finya ya ikia ifi foose fishaa na isalala kisha kisanguń kya Mwana wa nndu.

Yohane 1:51

Kanumbua: Namuia kya dede: Kuuka alli muloliaa iṛuvewu liruukie na vamalaika va Iṛuva veesaamaa na yolokia Mwana wa nndu.

Yohane 3:13

Nta nndu ansaama iṛuvewu kita ulya amooloka iṛuvewu, nae mMwana wa nndu eekee iṛuvewu.

Yohane 3:14

Na sha lia Mose avanika shoka ilya kulya bateń, mfo kuro kyawara Mwana wa nndu avanikwa,

Yohane 6:27

Manya mutakwatarie mashoṛa a shoonga ikashaa, kwatarień shoonga yo ikaa kumande muu wa miṛeṛe. Nayo yyo Mwana wa nndu amuniingaa, amu ito yye anderwaywa kiringisio nNdee yye Iṛuva.

Yohane 6:53

Kyasia Yesu kavaia: Nkue nkue namuia: Mutallya vvili wa Mwana wa nndu na inwa usao lwamwi mukooyaa muu kari kanu ndi.

Yohane 6:62

A kivaań are ili mukaa mulolie Mwana wa nndu eerwaa na ule ifo eekee ilyo mbele?

Yohane 12:34

Kyasia vandu valya veeyoo vakamwata: Ise tamiita ifo uvavasoń sheeli Kristo akaa kumande miṛeṛe. A iwe kwarerań are: Kyawara Mwana wa nndu aroswa na ule? A Mwana to wa nndu yye iń?

Yohane 13:31

Kyasia ili ansomuka na wooṛo, Yesu kanumbua: Alli Mwana wa nndu aṅṅiniswa na Iṛuva kaṅiniswa kiimba kyamwi.

Mitanie ya varumi 7:56

Kanumbua: Lla te, llolie iṛuvewu liruukie na Mwana wa nndu aselele uko usha lwa Iṛuva.