Matayo 7:25 - MMA SHIYYA

²⁵ Neeli fua nini indekaba na mifu ikaeka na mburaato ikavivita na finya fikakaba numba ilya, nta iituula. Fulya mfulo wayo wiremyee iweń.

Matayo 7:25 ပူးပေါင်းရင်းမြစ်များ

Barua ya Yakobo 1:12

Wwa ngoma nndu asisiriaa mireyoń. Amu kammaa ivinga aniingwa muu utakisiaa uve uvingo lwamwi lua Iṛuva anrekia valya vankundaa.

Barua ya Petiro ya mbele 1:7

amu ikusura lyanu lyelelio̱ kwakooya llya dede na ilolio̱ akwaa liwore uuru kita saabu ikashaa, nayo yelelio̱o̱ muroń kwakooya nshinuru. Mukawa kuro mukooyaa nsendo na tikisi na unini, ili Yesu Kristo alolikaa.

Barua ya Vakolosai 2:7

Muve vakuveekia si kwamwi na ikusongosia na ikukaarisia ikusureń sheeli mundeloshwa na yengeṛia iniingia yaana.

Barua ya Petiro ya mbele 1:5

Lingi mukankaa na ikusura muringwaa mfinya ya Iṛuva mukooye ikiṛwa lyo lyandeeṛio̱ lya ilolika na baa nkonu ulya wa ifurumia.

Mitanie ya varumi 14:22

veekaarisaa mirima ya vanalosho, amu vakaa ikusureń lia na ivaikimba sheeli kyatiwara yaka umangiń lwa Iṛuva na ngatara shiingi.

Barua ya Vaefeso 3:17

Na Kristo amu akukaarise ngooń tanu kwa inkusura, neeni muve vandu vakuwore tabu na inkunda na ikundana mu veni na mu veni.

Barua ya Yohane ya mbele 2:19

Vamuuka kweru ise, kake veekee va kweru ndi. Amu kikooye veekee va kweru, veekaa andu emwi neese. Kake kindeva kuro, amu vamanyike na baa sheeli nta woose wa kweru, ndi.

Matayo 16:18

Nań nakwia: Iwe ni iwe Petiro, na kwa ule ya iwe li ntanyaa-wo numba yakwa, yyo siṛi yakwa. Na myaango ya vafu iivingaa ndi.

Matayo 7:24

Kyasia ulya woose aaranyaa firero fi fakwa na iirikya kafiirikya, ito avakanaa na nndu ndango andetanya numba yamwi iweń.

Matayo 7:26

Na nndu woose aaranyaa firero fi fakwa kara atafiirikya, ito avakanaa na nndu ntondo andetanya numba yamwi shia ya mfu.

Matayo 7:27

Neeli fua nini indekaba na mifu ikaeka na mburaato ikavivita na finya fikakaba numba ilya, nayo ikawa boto.