Matayo 7:21 - MMA SHIYYA

²¹ Nta ni nndu woose ashisendaa Nndumi Nndumi afikaa umangiń lwa iṛuvewu ndi kita ulya akee itana filya Nde yakwa wa iṛuvewu afurie.

Matayo 7:21 ပူးပေါင်းရင်းမြစ်များ

Barua ya Varome 2:13

Amu valya vamiita mavavaso vakee vasumani mbele ya Iṛuva ndi, kita valya vaindiaa mavavaso a Iṛuva wwo vataalio̱ sheeli vvasumani.

Luka 6:46

Neeni naamu ki ili mukee ishivaanga: Nndumi, Nndumi, neeni mutakee itana nta ikyo narera.

Barua ya Yakobo 1:22

Veń vaṛundi va kirero, manya mutave vaaranya da, amu kuro mukee ikulemba mu veni.

Luka 11:28

Nae kanumbua: Nkya dede valya vakee va ngoma vvalya vaaranyaa kirero kya Iṛuva na ikiwara vakakiwara.

Barua ya Tito 1:16

Vakee inumbua sheeli veeshi Iṛuva, kake kwa mitanie vakee inkana. Vawore matuṛua, walea ana nta vaṛundaa kindo kimwi kikee kisha ndi.

Barua ya Vaebrania 4:6

Kyasia kirero ki kikee imanyisa sheeli mwaanya usaiye wa vandu kiindi vaakaa-fo, kake valya vandebooka ikwanisio̱ nrumi shisha wo vandelemwa yaaka kiimba kya ilea lyawo.

Yohane 6:40

Amu ii yyo mifurie ya Nde yakwa: Ulya woose allaa Mwana na inkusura ave na muu wa miṛeṛe na miṛeṛe, nań nindutaa nkonu wa ifurumia.

Urambuyo lwa Yohane 3:5

Ulya avingaa kuro avikwaa miseto myeelwa, ana nta nuutaa kutu irina lyamwi kitabuń kya muu ndi. Nań nrambuaa irina lyamwi mbele ya Nde yakwa na mbele ya vamalaika vamwi.

Barua ya Petiro ya mbele 4:2

Kuuka alli manya mutaengeṛie ilatia milangie ya kivandu, kake latień mifurie ya Iṛuva feeri fanu fikiseere fa ikaa kunu isangeń.

Barua ya Vaebrania 13:21

Iṛuva uu amuniinge finya ya itana mifurie yoose ilya afurie! Ye akaarise mirimiń yanu kilya kinsenyie eemurwaa shień ya Yesu Kristo. Uu eetikiswa miṛeṛe na miṛeṛe! Amen.

Matayo 12:50

Amu nndu woose atanaa kilya Nde yakwa wa iṛuvewu afurie, ito yye mwanama na mfwama na yeyo wakwa.

Urambuyo lwa Yohane 22:14

Vva ngoma valya vawaraa mavavaso amwi, amu vakooye fuva yawo ya nri ulya unnde muu na muumu wa iira mbengeń tilya vafike muṛiń ulya.

Yohane 3:5

Yesu kamwaṛua: Nkue nakuia kya dede: Kwakooya nndu atairiwaa auka na mura na Mumuyo wa Iṛuva, amakii ifika umangiń lwa Iṛuva ndi.

Matayo 18:3

Kanumbua: Nkya dede namuia: Kwakooya kitaare mweelashika muve va mikae ya fivana, nta mwakaa ifo umangiń lwa iṛuvewu kutu ndi.

Yohane 7:17

Nndu kafura itana kilya ye afurie, amanyaa akwaa miloshie yo yukie kwa Iṛuva ana akwaa mfirero fakwa feni nkee irera.

Barua ya Varome 12:2

Manya mutakuvakanise na mikae ya isanga li, kake mwilashike muniingwa ngoo shiiya, amu mumanye kilya kikundio̱ ni Iṛuva, nkilya kikee kinuru na kilya kisenyaa na ikyo kisongori.

Mariko 3:35

Amu nndu woose atanaa mifurie ya Iṛuva ito yye mwanama na mfwama na yeyo wakwa.

Barua ya Vatesalonike ya mbele 5:18

Aaneń Iṛuva findo foose, amu yyo mifurie ya Iṛuva, fulya mwawa va Kristo Yesu.

Barua ya Vaefeso 6:6

Manya mutakushiise mwiṛundaa ili veemullaa, amu muvasenye, kake mumanye sheeli mukee vaṛundi va Kristo na itana mutane kilya kisenye Iṛuva na ngoo iwore ikunda.

Barua ya Petiro ya mbele 2:15

Amu mfo Iṛuva afurie musandise vandu vatondo kana na mitanie yanu minuru.

Matayo 25:21

Nndumi wamwi kamwia: Nkisha iketi isha kukee nsongovisi. Kwikee mulla wa findo faangu, kuvaa mulla wa fiingi. Aka ifureń lya Nndumi wafo!

Barua ya Vatesalonike ya mbele 4:3

Na mifurie ya Iṛuva yyo ii: Kusongoviseń ngoo mwiwukane na waaisi.

Barua ya Vakolosai 4:12

Epafira amwisana akee nndu wa kwanu, ni iketi lya Yesu Kristo eetaniaa utomari mikonu yoose kiimba kyanu fiterewoń famwi, amu musalale kyumu ikusureń na ikukaarisia findoń foose filya Iṛuva afurie.

Luka 13:25

Mukantevesa muni numba kankwimboo kammaa iraya numba, Uyo mubookaa isalala wooṛo na ikabakaba yoondi na inumbua: Wui Mbee, tirue numba! Nae amuaṛuaa: Mmwishi ini kundo muukie nafo ndi.

Mitanie ya varumi 14:22

veekaarisaa mirima ya vanalosho, amu vakaa ikusureń lia na ivaikimba sheeli kyatiwara yaka umangiń lwa Iṛuva na ngatara shiingi.

Luka 18:25

Kivaa kyaangu ngoye iitwa mbueń ya sindano kita nndu isimba yaka umangiń lwa Iṛuva.

Mariko 9:47

Na iriso lyafo likankuteveta liiṛue-fo kulikumbe! Llyo ṅwana yaka umangiń lwa Iṛuva kukee iboosho kita iva na miso avili na yeeṛwa iriniń lya muro.

Matayo 19:24

Na lingi namuia: Nkyaangu ngoye iitwa mbueń ya sindano kita nndu isimba ifika umangi lwa iṛuvewu.

Matayo 18:35

Na Yesu kanumbua: Mfo kuro Nde yakwa wa iṛuvewu amutanyaa da neeni, kwakooya kitaare mukutiyanaa mareko anu na ngoo toore witanu ini mu veni na mu veni.

Yohane 15:23

Nndu kashisua niń asua na Nde yakwa.

Matayo 26:42

Kaenda lingi lya kavili katereva Iṛuva eereraa: Vaava wakwa, kwakooya ukiva ilu lutavaa lushuuke, kive sheeli iwe kufurie.

Matayo 16:17

Yesu kaaṛua kamwia: Kukee wa ngoma, Simon wa Yona, amu muyawili na usao amakii ikurambuya ifi ndi, kake nNde yakwa wa iṛuvewu yye ankurambuya.

Urambuyo lwa Yohane 2:27

Nae avaisaa na mbiiri ya minya avafukyefukye sheeli vakee nungu ta uteri, sheeli nań nndeniingwa finya ii ni Nde yakwa.

Yohane 14:7

Kikooye mweeshimanyaa niń, mwimanyaa na Nde da. Na kuuka alli mumwishi na illolia mwammulolia.

Yohane 5:17

Nae kavaaṛua: Nde yakwa akee iṛunda mashoṛa kumande alli, nań nkee iṛunda mashoṛa.

Matayo 26:39

Kaserika kinnya na kwa mbele kawa si na kisangu katereva Iṛuva eereraa: Vaava wakwa, kwakooya kivaa kwite ukiva lu kwaashaań. Kake kitave sheeli niń mfurie ndi, kive sheeli iwe kufurie.

Matayo 18:10

Lleń nnu kaaṛa mutaile nta umwi wa iva vakee vannya! Nań namuia: Vamalaika vawo ifo iṛuvewu vakee illa kisangu kya Nde yakwa wa iṛuvewu mikonu yoose.

Matayo 18:19

Lingi namuia: Kindo kyoose vaaroe vanu vavili kunu isangeń vanrekyana ikitereva kwa Iṛuva, vaniingwaa nNde yakwa akee iṛuvewu.

Matayo 25:10

Ili vakirekye-fo yuṛa, nndumi wa wali kasha. Na valya veenkusumanisyaa vakaaka nae numba ya wali na mwaango ukaraywa.