Matayo 7:15 - MMA SHIYYA

¹⁵ Kusembekeń valosha va wongo vamusheaa vakee vawoo sha maanri, kake kari kawo vafisye ushaa sha ngwe.

Matayo 7:15 ပူးပေါင်းရင်းမြစ်များ

Barua ya Yohane ya mbele 4:1

Muṛe vakunde, manya mutairikie mumuyo woose, kake elelień mbele mimuyo akwaa imilie kwa Iṛuva. Amu vaauya veengi va wongo vansha isangeń.

Matayo 24:11

Na vaauya fisuku veengi va wongo vakwimboo na iteveta veengi.

Barua ya Vakolosai 2:8

Kulleń amu nndu atamuware uketi na miloshie ya ruu na ulembi lwa mboni ta ruu tiriani na sewu ta kivandu ana na ngyufundo ta kiisanga titariani na Kristo.

Urambuyo lwa Yohane 19:20

Na ifisi lia likawarwa andu emwi na mwauya ulya wa wongo ulya andetana maṛiikiso alya kisanguń kyayo, amu wwo andekaba nawo vandu nrwe valya vandewaria kiringisio kya ifisi lia na iindia fwana yayo. Iwo vali vavili vakakumbwa veefo na muu iruveń lia lya muro ukee yaka wa kibalabala.

Barua ya Yuda 1:4

Amu veefo vandu vandekwata siṛiń kwa kiṛisi, nawo wandu vantisiṛio kuuka mbele uumisio ilu. Vvalea Iṛuva veekasheesaa uwoo lwa Iṛuva weru na waaisi Iwawo. Nawo vakee ikana ito akee nnini weru ye muni, yye Nndumi weru Yesu Kristo.

Barua ya Petiro ya kavili 3:17

Kyasia ini vakunde mukambooka imanya ifo kulleń neeni, amu mutaomuywa shia ta ureti lwa iwo vatakee iikimbika na ikasheesa finya ya ikusura lyanu.

Luka 6:26

Ushi ini vandu woose vakee imwaamba ulumi na imurera kinuru kyoose. Amu nkuro vaande yawo vandetania vaauya valya va wongo.

Barua ya Timoteo ya kavili 3:13

Kake vandu vakasha na valembi veengeṛiaa yenda ukasheń veelembaa vandu na ilembika wo veni.

Barua ya Timoteo ya kavili 4:3

Amu kishaa kyeeri valeaa miloshie ya ikiṛa mirima, kake vairikiaa ilanga lyawo veni, vakuṛuiyaa valosha vawo mbumbu, fulya marwi a wo afurie.

Barua ya Vafilipi 3:2

Kusembekeń makite, kusembekeń vatana fikasha, kusembekeń Vaisiraeli valya vakusurie urini lwa kivvili weni.

Barua ya Vaefeso 4:14

Amu titakikaa lingi sha vana vannya tikurikwaa ifo na ifo sha mavia a nruva mmiloshie yoose ya vandu ikee yaṛukaṛuka sha mburaato, fulya ikee ya wongo na ya ulembi lwa vandu vafurie itireta na mitambwe yawo.

Barua ya Vagalatia 2:4

Kake na vanavamae va wongo veeifoo vandekwata iwo vandeaka kwa kiṛisi, amu vaovie yotoṛwa lyeru tikee nalyo kari ka Kristo Yesu, amu vatiwiiṛe uketiń lwa uvavaso.

Luka 12:15

Nae kavaia: Muṛe kusembekeń unyuku lwa mikae yoose, amu kilya kiniingaa nndu muu mmasaa meengi ndi.

Urambuyo lwa Yohane 16:13

Nań nalolia mimuyo iraru mikasha ivakani na filwa iisomukaa kaniń ka shoka ilya na kaniń ka ifisi lia na kaniń ka mwauya fisuku ulya wa wongo.

Barua ya Vaefeso 5:6

Nta mutalembwa ni nndu na firero fa iiṅana, amu kiimba kya findo fa mikae ii ituṛuka lya Iṛuva lyolokiaa valya vambiṛie.

Mitanie ya varumi 13:40

Kyasia kulleń mutafikio̱ nkirero kilya kyarerwa wauya fisuku sheeli:

Yohane 10:12

Kake ndundia maṛe atakee muni mburu ana mwisi ili aloliaa ngwe iishaa, llyo aburuya-wo mburu tilya arishe. Na ngwe ilya llyo itambukiaa mburu tilya na itinyanyata.

Matayo 16:11

Kyavaań are kitaare mukee yaṛukyo̱ nkilya narera, mumanyi sheeli kitaare nkiimba kya mikate? Kyasia kusembekeń nnu kidooka kya Vafarisayo na Vasadukayo!

Matayo 16:6

Llyo Yesu avaia: Kulleń na ikwiisa kidooka kya Vafarisayo na Vasadukayo!

Matayo 10:17

Kusembekeń vandu, fulya vamurwaa fikweniń fawo na imukabya ifo numba tawo ta iterevya.

Urambuyo lwa Yohane 17:6

Nalolia nka ulya anangio ni usao lwa vasongori na usao lwa varambua va Yesu. Nań ili nndellolia naawukwa ni yawukwa inini.

Mitanie ya varumi 13:6

Ili vandemaa iira karikari ka uruka loose lwa Kipiro kumande muṛi wa Pafo, vakalolia nndu nsavi akee mwauya wa wongo. Nae ni nndu Muyuda irina lyamwi mBar-Yesu.

Matayo 7:14

Na lingi wifo mwaango nsuse na shia yayo isaangi, yyo ifikaa muuń na vaira-fo waangu.

Urambuyo lwa Yohane 20:10

Na ndiingi ulya andevalemba kaeeṛwa iruveń lia lya muro wa kibalabala kulya ifisi lia likai na mwauya ulya wa wongo. Mfo valisio̱o̱ ukiva kio na nsanyiń kumande miṛeṛe na miṛeṛe.