Matayo 7:14 - MMA SHIYYA

¹⁴ Na lingi wifo mwaango nsuse na shia yayo isaangi, yyo ifikaa muuń na vaira-fo waangu.

Matayo 7:14 ပူးပေါင်းရင်းမြစ်များ

Matayo 22:14

Amu vveengi vakee vavaange, kake waangu tubu vasaulwaa.

Barua ya Varome 12:2

Manya mutakuvakanise na mikae ya isanga li, kake mwilashike muniingwa ngoo shiiya, amu mumanye kilya kikundio̱ ni Iṛuva, nkilya kikee kinuru na kilya kisenyaa na ikyo kisongori.

Mariko 8:34

Kavaanga isyamu andu emwi na vanalosho vamwi kavaia: Nndu kakunda ishisoṛa niń, kyawara akwimi mifurie yamwi, akurike nsalaba wamwi ashisoṛe.

Mitanie ya varumi 14:22

veekaarisaa mirima ya vanalosho, amu vakaa ikusureń lia na ivaikimba sheeli kyatiwara yaka umangiń lwa Iṛuva na ngatara shiingi.

Yohane 16:33

Ifi namuia amu mukooye unambwe mukulungie nań. Kunu isangeń mukooyaa ngatara. Kake kuwareń tabu! Niń nawinga isanga li.

Matayo 20:16

Na Yesu kaia vandu: Kyasia valya va numa vavaa va mbele na valya va mbele vave va numa. Amu valya vakee vavaange vveengi, kake valya vasaulwaa vvaangu.

Luka 12:32

Manya mutaeṛee, ini siṛi shinnya! Amu Nde yanu ansenywa imuniinga umangi.

Barua ya Varome 9:32

Nkiimba ki? Mfulya kitaare vasoṛa kwa shia ya ikusura, kake nkwa shia ya mitanie. Vakakukaba kwa ule ya iwe lia libaayaa,

Yohane 16:2

Na kita ifi kyeeri kishaa na ulya woose amuwaa akusaṛe, sheeli kuro llyo iṛundia Iṛuva.

Matayo 7:13

Akeń mwaangoń ito nsuse. Amu wifo mwaango uwore mbari na shia yayo yalamukye, yyo ifikaa uretiń na valya vairaa shia yo vveengi.

Matayo 7:15

Kusembekeń valosha va wongo vamusheaa vakee vawoo sha maanri, kake kari kawo vafisye ushaa sha ngwe.