Matayo 6:9 - MMA SHIYYA

⁹ Kyasia ini tereveń kuri: Nde yeru kukee ifo iṛuvewu! Irina lyafo liindyo. Umangi lwafo lushe.

Matayo 6:9 ပူးပေါင်းရင်းမြစ်များ

Urambuyo lwa Yohane 4:11

Ni iwe, Nndumi Iṛuva weru, kusumani iwaria nduma na tikisi na imakii. Amu ni iwe kundetana findo foose findeva-fo kwa mifurie yafo, nafo fikatanwa yyo.

Barua ya Varome 8:15

Amu mwanniingwa Mumuyo wa uketi mjiwarwa fingi wweṛei ndi, mwanniingwa Mumuyo wa imwaṛua vana, nto akee itilosha iia fiinumbuaa: Wui Nde yeru!

Barua ya Vagalatia 4:6

Kyasia mwawa vana nkyo Iṛuva aruma Mumuyo wa Mwana wamwi aake mirimiń yanu, ito avaangaa: Aba, nkimwi na Vaava.

Urambuyo lwa Yohane 5:12

Vakarera na ununga unini veenumbuaa: Ngarina ii indesikywa yo isumani iwaria imakii na usimba na uṛango na finya na tikisi na unini na mboṛa.

Matayo 7:11

Kyasiań kwakooya ini mukee varekwa mwishi iniinga vana vanu findo fisha, a Nde yanu wa iṛuvewu yye kilanya se aniingaa valya vakee intereva fisha?

Matayo 26:29

Kake namuia: Kuuka alli nkinwaa neeni minuye ii ya mfinyo ndi kumande nkonu ulya nndenwaa neeni minuye miiya ifo umangiń lwa Vaava wakwa.

Matayo 23:9

Na lingi manya mutavaange nndu Nde yanu kunu isangeń, amu Nde yanu ni umwi tubu, ni ito akee iṛuvewu.

Matayo 5:16

Mfo kuro neeni veń vandu vamulikyaa vengi, amu valolie mitanye yanu misha, vautye-wo ińinisa Nde yanu wa iṛuvewu.

Luka 15:18

Nkwimboo neende kwa vaava wakwa nndemwia: Wui vaava, nanrekio̱ mbele ya Iṛuva na mbele yafo.

Barua ya Petiro ya mbele 1:17

Na kwakooya mukee ivaanga Vaava ulya aumisiaa nndu woose atawore kikundia kwa kiṛengo kya mashoṛa amwi, endeń na weṛei kyeeri iki kyanu kya ikaa ia sha veeni.

Barua ya Timoteo ya mbele 6:16

Ni ulya atawore ufu kutu akaa langeń itavaa iserikia, ni ulya kitaare nndu ammulolia ana atamakii illolia. Ito ave na iṅiniswa na unini miṛeṛe na miṛeṛe! Amen.

Luka 15:21

Kasia mwana ulya kamwia: Wui vaava, nanrekio̱ mbele ya Iṛuva na mbele yafo. Nkisumani ivaangwa lingi mwana wafo ndi.

Luka 2:14

Iṛuva aṅiniswa akee iṛuvewu na isangeń luve unambwe kwa vandu valya vankundaa.

Matayo 6:14

Amu kwakooya mutiaa vandu vengi mareko awo, na Nde yanu wa iṛuvewu amutiaa neeni.

Matayo 6:6

Kake iwe ili kwiterevaa, aka kiṛiń kyafo kya kari. Kwammaa iraya mwaango, kutereve Nde yafo kiṛisiń. Na Nde yafo alolye kiṛisiń akwishuṛyaa na baa.

Matayo 5:48

Kyasia ini veń vandu vasongovye, sheeli Nde yanu wa iṛuvewu asongovye.

Barua ya Vagalatia 1:1

Niń Paulo nkee nrumi. Nte nnderumwa wandu ndi, ana nta nnderawa uṛundiń ilu ni nndu ndi. Kake nnderumwa ni Yesu Kristo na Iṛuva Vaava andenduta kuuka kwa vafu.

Yohane 20:17

Yesu kamwia: Manya kutashibaane, amu nanrwa kwa Nde yakwa ndi. Enda kwa vanavamae vakwa kundevaia: Nkee irwa na ule kwa Nde yakwa akee na Nde yanu. Nkee irwa kwa Iṛuva wakwa akee na Iṛuva wanu.

Matayo 26:42

Kaenda lingi lya kavili katereva Iṛuva eereraa: Vaava wakwa, kwakooya ukiva ilu lutavaa lushuuke, kive sheeli iwe kufurie.

Barua ya Varome 1:7

Namwisana ini mu woose mukee ifo Rome, mukee vakunde va Iṛuva mundevaangwa muve vasongori. Uwoo lukaa kwanu na unambwe luukie kwa Iṛuva Nde yeru na kwa Nndumi Yesu Kristo!

Matayo 10:29

A ngyuṛuu ivili tikumbwaa se na senti imwi? Nta lumwi luwee si, na Nde yanu atalwishi.