Matayo 6:5 - MMA SHIYYA

⁵ Lingi ili mwiterevaa, manya mutave sha vamakavili. Amu vafurie nnu itereva vaselele ifo numba ta iterevya na ifo mbaai ya shia ta miri, amu valolyo vvandu. Nkue namuia: Vammaa ikooya maṛe awo.

Matayo 6:5 ပူးပေါင်းရင်းမြစ်များ

Matayo 6:2

Kyasia iwe ili kwiniingyaa nsimbika wafo, manya kutakabe wembe mbele yafo, sheeli vamakavili vatanaa ifo numba ta fisomyo na shień, amu vaitikiswa vvandu.

Luka 18:13

Na nsaṅiṛia kyaalo ulya ye kasalala kulya numa, nta akaṛia iimboo miso amwi na iṛuvewu ndi, kake kanaṛia nnu kutu eekurraa kanumbua: Wui Iṛuva, kushililie niń nkee nndu nrekwa.

Mariko 11:25

Na kyeeri muselele mwiterevaa, kwakooya muwore kirero na nndu llilień, amu na Nde yanu wa iṛuvewu amulilie neeni mareko anu.

Luka 20:47

Nawo vamiṛaa numba ta misikeeti, na kwa ukavili vaterevaa fiterewo faasha. Iwo vawariaa uumisio lukilie.

Barua ya Yakobo 4:6

Kake uwoo lo atiaviaa ni unini lwilanyi. Kwa ikyo mitisiṛie irerie: ”Iṛuva aleaa valya vakuṅinisaa, kake valya vakunyiisaa avaaviaa uwoo“.

Luka 18:1

Kavaia na sumu ya ivafunda, sheeli kyavawara vatereve Iṛuva mikonu yoose nta vatalemwa.

Barua ya Vaefeso 6:18

Lungeń fiterewo fa mikae yoose na yomba mwiterevaa matika woose muwarani na Mumuyo na ilala rembo kiimba kya kiteveto kyo na isinda mwitereviaa vasaue woose.

Luka 11:43

Ushi ini Vafarisayo! Fulya ini mukundie ikaa rembo fifumbiń fa mbele numbeń ta iterevia na iisanio̱ vvandu ifo singiṛeń.

Matayo 21:22

Na kyoose muterevaa Iṛuva mukusurye, muniingwaa.

Barua ya Vatesalonike ya mbele 5:17

Tereveń Iṛuva manya mutalemwa.

Yohane 16:24

Kumande nnu nta kindo mwankitereva kwa irina lyakwa ndi. Tereveń amu muniingwaa, na ifura lyanu liishue bele.

Mariko 12:38

Neeli eeloshaa ifo miloshień yamwi kavaia: Kusembekeń vaaṛia va mitisiṛie! Wo vakundaa iṛuaṛua vaṛee miseto myaasha na iisanwa vvandu singiṛeń,

Matayo 9:38

Kyasia tereveń muyanrema arume vaṛundi ifo iilulyoń lyamwi.

Matayo 23:13

Ushi ini vaaṛia va mitisine na Vafarisayo, mukee vamakavili! Ini murayaa vandu umangi lwa iṛuvewu. Fulya ini mu veni nta mwakaa-fo ndi ana iwo vafurie yaka nta mutakee ivaotoṛya vaake.

Matayo 23:6

Na isaua firembo fa mbele andu a shoonga na fifumbi fa mbele ifo numbeń ya iterevya.

Matayo 6:16

Lingi mukasinda kuro, manya mutave sha vamakavili, fulya wo vakunarisaa. Amu wo valemaa fisangu, naamu vamanyike vasindye kuro. Nkue namuia: Vammaa ikooya maṛe awo.

Matayo 6:1

Kulleń kaaṛa mutaniingye misimbika yanu mbele ya vandu, amu mulolyo. Amu mukantana kuro, mumakii ikooya isekye kwa Nde yanu wa iṛuvewu ndi.

Matayo 23:5

Na mitanye yawo yoose vakee itana, naamu valolyo wandu da. Na fingova fawo vaṛaa ili veeterevaa vakafeelelisa, na mise ya miseto yawo ya yeeṛya vakayengeṛya.

Luka 6:24

Kake ushi ini vayamasaa, amu ikyo kimuwiiṛia muu mwammaa ikooya.