Matayo 6:25 - MMA SHIYYA

²⁵ Kiimba kya iki namuia kuri: Mutakwareese kya muu wanu kindo muiyaa ana munwaa, nta kya vvili wanu kindo muṛaa. A muu nkindo kinini kita shoonga ndii, na vvili wanu nkindo kinini kita kya iṛaa ndii?

Matayo 6:25 ပူးပေါင်းရင်းမြစ်များ

Barua ya Vafilipi 4:6

Manya mutakwatare na kindo na kikava ki, kake filya muuṛi ongoyeń Iṛuva mwinterevaa na illembalemba andu emwi na imwaana.

Barua ya Petiro ya mbele 5:7

Fima fanu foose mumwekeṛie ye, amu amukusaṛiaa.

Barua ya Varome 8:32

Ye nta andeiria Mwana wamwi iriso ndi, kake andenniingia kiimba kyeru ti woose. Alemwaań itiavia ise wavi lwamwi loose andu emwi nae?

Matayo 6:31

Kyasiań nta mutakwareese mwinumbuaa: Tikalya ki? Ana: Tikanwa ki? Ana: Tikaṛaa ki?

Mariko 4:19

Na yatarika lya isanga li na ulembi lwa masaa na ilanga lya findo fiingi fikavashea fikafiṛa kirero kilya kitavike nunda.

Matayo 10:19

Na kwakooya vamufingyaa mwaandu, mutaṛiikiswa mfilya mureraa ndi. Amu muniingwaa finya murere kyeeri kyo kyeni.

Barua ya Vakorinto ya mbele 7:32

Nań mfurie muve na yatarika ndi. Ulya kitaare amaalika akee ikwareesa na mboni ta Nndumi kasa asenyaa Nndumi.

Matayo 6:34

Kyasiań mutakwareesye fa ndesi, fulya nkonu wa ndesi ukwareesaa na findo fayo. Nkonu woose ukufile na kima kyayo.

Barua ya Timoteo ya kavili 2:4

Eefo nkabana fira akwatariaa findo fa iluya muu ndi, amu asenye ito anrwaa mashoṛeń a nseṛo wa fira.

Luka 8:14

Na mbeu ilya indewa kari ka miinga nkimwi na valya vaaranyaa kirero kilya vakaenda vakaimwa nngatara tawo ana masaa awo na ngyukesi tawo ta isanga li veeiraa weendo usha.

Matayo 13:22

Na ito andeeṛwa miingeń ito yye ulya aaranyaa kirero kawarwa ni utaṛawu lwa isanga li na ilembwa mmasaa, nafo fikafwa kirero kyo nta ivika kilimu.

Luka 12:11

Neeli vamurwaa ifo numba tawo ta iterevia na kwa vashili vaitoṛo, manya mutakwareese mwikusaṛaa kasa muvaaṛuaa kirero ana ivaia.

Mariko 13:11

Neeli vamukurikaa ini na imuṛiinga, manya mutaṛiikiswa nkindo mureraa-fo. Kake kilya muniingwaa kyeeri kyo kirereń. Amu nta ni ini mureraa-fo, mMumuyo Nsongori.