Matayo 6:2 - MMA SHIYYA

² Kyasia iwe ili kwiniingyaa nsimbika wafo, manya kutakabe wembe mbele yafo, sheeli vamakavili vatanaa ifo numba ta fisomyo na shień, amu vaitikiswa vvandu.

Matayo 6:2 ပူးပေါင်းရင်းမြစ်များ

Matayo 6:5

Lingi ili mwiterevaa, manya mutave sha vamakavili. Amu vafurie nnu itereva vaselele ifo numba ta iterevya na ifo mbaai ya shia ta miri, amu valolyo vvandu. Nkue namuia: Vammaa ikooya maṛe awo.

Matayo 6:16

Lingi mukasinda kuro, manya mutave sha vamakavili, fulya wo vakunarisaa. Amu wo valemaa fisangu, naamu vamanyike vasindye kuro. Nkue namuia: Vammaa ikooya maṛe awo.

Yohane 5:41

Niń wwariaa tikisi yuka na vanduń ndi.

Barua ya Vaebrania 13:16

Manya mutarekio̱ itania vengi finuru na yaviana nawo, amu miniingie ya mikae ii yyo isenyaa Iṛuva.

Luka 20:46

Kwiiseń na vaaria va mitisine, vakundaa iṛuaṛua vaṛee miseto myaasha na ikunda iisanio̱ ifo singiṛeń na ikaa mbele ifo numbeń ta iterevia na ikaa fifumbiń fa mbele imutuń.

Yohane 7:18

Ulya akee irera kya mifurie yamwi akee iṛuya unini lwamwi muni. Kake ulya akee iṛuya unini lwa ulya anrumie ito wwa dede ana awore ukavili kari kamwi ndi.

Barua ya Petiro ya mbele 4:11

Nndu karera arere kilya kisumani na Iṛuva. Nndu kaṛunda aṛunde sha nndu aniingio̱ mfinya ya Iṛuva, amu Iṛuva eetikiswa na ifi foose kari ka Kristo Yesu. Unini llwamwi na imakii miṛeṛe na miṛeṛe! Amen.

Barua ya Vaefeso 4:28

Ulya amiiva atakiive lingi ndi, kake asaṅiṛie masaa amwi eeṛundaa na maako amwi, amu akooye kya iniinga vakiva.

Barua ya Vagalatia 2:10

Kake kirero kimwi tubu veetivavasiee, tikumbue vakiva vawo. Nań kirero ikyo nndetania utomari ikiawutia.

Mitanie ya varumi 10:4

Nae kamulla koroo kaeṛea kanumbua: Nkiki Nndumi? Malaika kamwia: Fiterewo fafo famfika ule na misimbika yafo na ikumbulwa mbele ya Iṛuva.

Barua ya Timoteo ya mbele 6:18

Vaikimbe vave vatana finuru, vave vasaṅiṛia masaa a mitanie misha, vave na maako na iva veelekana na vengi kwa kia kya nrima.

Barua ya Varome 12:8

Na ulya akee iikimba akaa wikimbiń lwamwi. Ulya akee yavia kyawara ateleke. Ulya akee mushilia kyawara aawutie. Ulya akee yelekia vengi kyawara atane kuri na ifura.

Mitanie ya varumi 24:17

Numa ya myaka miingi namfika nrwaye vandu va uṛiti lwakwa misimbika na miniingie.

Mitanie ya varumi 10:31

Kashiia: Korinelio, itereva lyafo lyamiitiwa na misimbika yafo ikumbuywa mbele ya Iṛuva.

Mitanie ya varumi 10:2

Nae eekee nndu nsongovisi kakusura Iṛuva na numba yamwi yoose. Nae eekee muniinga misimbika miingi ya ililia vandu kalungana itereva Iṛuva mikonu yoose.

Mitanie ya varumi 9:36

Na kulya Yope eeifoo mwanalosho umwi wa kika irina lyamwi nTabita — misendie yayo nsarra. Nka uu eeishulee mitanie minuru eeutaa na misimbika ya yelekia vakiva.

Yohane 13:29

Amu kiindi vakusaṛa ili Yuda arie mboloko ilya ya fesa, eeba Yesu amwia: Enda yuṛa findo fitinye fa kisuku, ana aniingie vakiva kindo.

Yohane 5:44

Mumakii are ishikusura ini mukee ikwitikisa mu veni na mu veni, na nduma ulya ukee yuka kwa Iṛuva muni mutakee iṛuya?

Luka 6:42

Ana kumakii iia are mwanamae wafo: Mwanama, vera nkuute kinana kikee irisoń lyafo nta kutalolie kisinde kikee irisoń lyafo ku muni? Iwe makavili, uta mbele kisinde kikee irisoń lyafo, llyo kumakii illa kisha kinana kikee irisoń lya nndu ungi kumwute.

Mariko 12:39

na ikaa rembo fifumbiń fa mbele ifo numba ta iterevia na ivingia fifumbi fa mbele ili vakee imutuń.

Barua ya Filemon 1:7

Nkya dede noore ukyesi wiingi na ilembwalembwa nnu kiimba kya ikunda lyafo, fulya mirima ya vasongori yawwiiṛio̱ muu ni iwe mwanama.

Barua ya Vatesalonike ya mbele 2:6

Tindeṛuya unini kwa vandu ndi, nta kwanu ana nta kwa vengi ndi.

Mitanie ya varumi 11:29

Na Vakristo valya vakakurera oo nndu aute weleki kisumani na masaa amwi lurikio̱ vanavamae valya vawo vakee kulya Yudaya.

Luka 13:15

Nndumi kamwaṛua kamwia: Ini vamakavili, kunu kwanu nndu woose aawuaa numbe yamwi ana nshungu wamwi numba na akwaa ni nkonu wa Sabato na inisia mureń ndi?

Luka 12:56

Ini vamakavili, mwishi illa fwana ya isanga li na ya iṛuvewu. A nki ili mutakee imakii irambua kya feeri fi fa alli?

Luka 12:33

Kumbeń filya mufiwore mufiniingie five nsimbika wa ililia vakiva! Kusongosień mboloko ta irwaa fesa titakuaa, mmasaa atasiaa ifo iṛuvewu, atafikio̱o̱ mmanini ana atakasheeswaa nkurukuru.

Luka 11:43

Ushi ini Vafarisayo! Fulya ini mukundie ikaa rembo fifumbiń fa mbele numbeń ta iterevia na iisanio̱ vvandu ifo singiṛeń.

Luka 11:41

Kyasia filya fikee kari lilień nafo vandu, Uyo foose fivaa finuru kwanu.

Luka 6:24

Kake ushi ini vayamasaa, amu ikyo kimuwiiṛia muu mwammaa ikooya.

Mariko 7:6

Nae kavaia: Yesaya aauya kisha kisumani neeni ini vamakavili, sheeli kyatisiṛwa: ”Vandu va vakee ishiitikisa na fiṛomu da, kake mirima yawo ikee kwaasha nań.

Matayo 24:51

Nae alirumbuaa feenga fivili na ilitalya andu emwi na vamakavili. Llyo kivaa kiiyo na irafuna mayoo.

Matayo 23:6

Na isaua firembo fa mbele andu a shoonga na fifumbi fa mbele ifo numbeń ya iterevya.

Matayo 22:18

Yesu kamanya ntambwe wawo kavaia: Nkiki ili mukee ishireya, ini vamakavili? Shooruseń shilingi yo ya kyaalo te! Vakamwendee shilingi.

Matayo 16:3

Kukankya mukanumbua: Nnu ikabaa fua ya kiṛuṛumu, amu iṛuvewu litondoṛye, amu na iṛumbe lifumbye. Ini mwishi imanya fa iṛuvewu na imanya ifaavanisa, kake myorusye ya mikonu ii mutaimanyi.

Matayo 15:7

Ini vamakavili, Yesaya amuṛonga kisha lia aauya kisuku kanumbua:

Matayo 7:5

Iwe makavili, uta mbele kisinde kikee irisoń lyafo ku muni, llyo kulolyaa kisha kinana kikee irisoń lya mwanamae wafo kukyute.

Matayo 5:18

Nkue namuia kikee kya dede: Iṛuvewu na isanga fisyaa, kake iifo nta mitisine itisiṛie mavavasoń irekaa ndi, kumande foose faawukyaa.

Matayo 6:3

Nkue namuia: Wo vammaa iniingwa maṛe awo. Kake iwe ili kwiniingyaa nsimbika, manya uko lwafo umuso lutamanyi kilya uko lwafo usha lukee itana.

Matayo 23:5

Na mitanye yawo yoose vakee itana, naamu valolyo wandu da. Na fingova fawo vaṛaa ili veeterevaa vakafeelelisa, na mise ya miseto yawo ya yeeṛya vakayengeṛya.

Barua ya Vakorinto ya mbele 13:3

Na kwakooya naaviaa vandu vakiva masaa akwa woose ana nniingiaa vvili wakwa ukoṛwa muro, ntawore ikunda kisheelekaa kindo ndi.