Matayo 6:13 - MMA SHIYYA

¹³ Kutatiotoṛye tiwe nreyoń, kake kutuute fikasha.

Matayo 6:13 ပူးပေါင်းရင်းမြစ်များ

Barua ya Vakorinto ya mbele 10:13

Nta mwankooya kyelelio kikilie finya tanu ndi kita kilya kikee kya mwina wa kinndu. Kake Iṛuva wwa usuro amutiaa mukooye kyelelio kikilie finya tanu ndi. Kake andu emwi na kyelelio kilya mwelelio̱o̱ aorusaa na mwaango wa isomuka, amu mumakii isisiria.

Yohane 17:15

Nkee ikutereva amu kuvaute isangeń ndi, kake naamu kuvaringe Nkituva to nkasha.

Matayo 26:41

Laleń rembo mwiterevaa Iṛuva, amu mutavingwa mmakusaṛo a inunua. Nrima ufurie itomaa da, kake vvili ni llemwa.

Urambuyo lwa Yohane 19:1

Numa ya ifo naita ununga lukee sha lwa mindoṛo ya isyamu iingi lya vandu va ifo iṛuvewu veenumbuaa: ”Aleluya! Ikiṛwa na unini na finya mfa Iṛuva weru.

Barua ya Vatesalonike ya kavili 3:3

Kake Nndumi wwa usuro, nae amuaviaa finya na imuringa Nkasha ulya.

Matayo 6:10

Kilya kukundye kitanike kunu isangeń sheeli kikee itanika ifo iṛuvewu.

Barua ya Petiro ya kavili 2:9

Nndumi eeshi ikiṛa vasumani nreyoń na iwo vatasumani eeshi ivafisia nkonu wa uumisio vakabwa.

Barua ya Vatesalonike ya mbele 1:10

na iverea Mwana wamwi ashe auka iṛuvewu, nae yye andenduta kuuka kwa vafu, nae yye Yesu mutikiṛa uumisio lua lukaa lushe.

Urambuyo lwa Yohane 21:4

Nae aanguaa masoru woose misoń awo. Ana ufu lukivaa-fo lingi ndi ana unari ana kiiyo, ana mavavio akivaa-fo lingi ndi, amu findo filya fa mbele fammaa iira.

Urambuyo lwa Yohane 3:10

Amu iwe kwawwara kirero kyakwa kya isisiria, nań nkuringaa na ikuuta kiṛengoń kya yelelio kyammaa ideeṛio ifikia isanga lyoose yelelia iwo vakee isangeń.

Barua ya Yohane ya mbele 3:8

Ulya atanaa mareko wwa Satana, fulya Satana atanaa mareko kuuka mbooko. Nkyo kiimba Mwana wa Iṛuva kalolika, amu afukye mashoṛa a Satana.

Barua ya Petiro ya mbele 5:8

Sisirień mulale rembo, fulya nkituva wanu Satana akee iṛuaṛua sha miiso iiṛuṅunaa kaṛuya nndu amakii immiṛa.

Barua ya Vagalatia 1:4

Yye uu andekuningia ufuń kiimba kya mareko eru, amu atikiṛe eetilakanisaa na isanga li ikasha lya alli, sheeli Iṛuva andekunda akee Vaava weru.

Barua ya Vakorinto ya kavili 1:20

Amu firekio foose fa Iṛuva fammaa yawukia kari kamwi. Lingi kari kamwi ni Amen ilya, naamu Iṛuva aṅiniswa ni ise.

Urambuyo lwa Yohane 2:10

Manya kuteeṛee matuṛulo alya akaa andekukooya. Lla ndiingi ulya arwaa kiindi kyanu kifingioń, amu mwelelio, neeni muvaa na matuṛulo mikonu ikumi. Va na ikusura kumande kufwaa, nań nkuniingaa uṛeto lwa muu.

Urambuyo lwa Yohane 1:18

Niń niikee mfu, a te nkee na muu alli na matika woose. Nań noore finya ya yuta vandu ufuń na ya ivinga ufu.

Matayo 5:37

Mukanumbua: Ee, kive dede. Mukanumbua: wode, kive kya dede. Amu kilanya ya ifo fikee yuka kwa Nkasha.

Barua ya Vakorinto ya mbele 14:16

Amu kwatereva Iṛuva nrimiń kwimwaanaa kwakooya aiyo akee rembo-wo ateeshi yaana lyo lyafo, amakii are iirikia na inumbua Amen? Fulya ateeshi kilya kukee irera.

Matayo 28:20

Na ivalosha muvaloshe iwara filya foose nndemuvavasa. Nań nkaa andu emwi neeni mikonu yoose kumande isanga lisiaa.

Urambuyo lwa Yohane 19:4

Na vasuṛi valya makumi avili na vaani na makindo alya aani vakawa na si veeindiaa Iṛuva akee rembo kifumbiń kya miitoṛio veenumbuaa: Amen! Aleluya!

Urambuyo lwa Yohane 5:13

Na foose fitani fikee iṛuvewu na filya fikee isangeń na kwa si ya isanga na fikee nruveń na findo foose fikee kari kayo nndeita fiinumbuaa: Mboṛa na tikisi na unini na imakii fivie ito akee rembo kifumbiń kya unini na ngarina ii miṛeṛe na miṛeṛe.

Urambuyo lwa Yohane 3:14

Na mwisi ulya wa siṛi ya Laodikia ntisiṛie: A fi firero farerwa ni ito akee irera kirero kya mbooko na kirero kya ifurumia, akee nrambua nsongori na wa udede, akee mumbele wa filya foose fitani fa Iṛuva. Nafo mfo ifi:

Barua ya Vaebrania 11:36

Vengi vakaelelio̱ na iteendwa na ikabwa. Vengi vakaavikwa na mise na irawa kifingioń.

Barua ya Timoteo ya mbele 1:17

Mangi ii ya miṛeṛe atawore mmando ana atalolio̱ na miso a kivandu akee Iṛuva ye muni airio̱ sonu na iitikiswa kyeeri kilungani uteefo mmando! Amen.