Matayo 5:3 - MMA SHIYYA

³ Vva ngoma valya vakee vakiva ngooń, amu wwo umangi lwa iṛuvewu luvaa lwawo.

Matayo 5:3 ပူးပေါင်းရင်းမြစ်များ

Luka 18:14

Nań namuia: Nsaṅiṛia kyaalo ulya aende kyeń kwamwi akee nshiise kita Mfarisayo ulya. Fulya ulya woose, akuṅinisaa ye muni, anyiiswaa, na ulya akunyiisaa muni aṅiniswaa.

Luka 11:28

Nae kanumbua: Nkya dede valya vakee va ngoma vvalya vaaranyaa kirero kya Iṛuva na ikiwara vakakiwara.

Matayo 11:25

Kyeeri kilya Yesu kanumbua: Nakwitikisa Nde kukee mangi ya iṛuvewu na isanga, fulya kwafisa vandu vakee ikuvaanga va-ṛango na vaaṛia mboni ti, kwatirambuya vaani.

Luka 4:18

Mumuyo wa Nndumi nkwa ule yakwa, amu anshaamba mafura nkwanisie vandu vakiva mboni ya Iṛuva ya ifura. Kashiruma nkwanisie vafinge vaboṛomulwa na vafu miso vakooye ilolia lingi, nniinge valya vavavisio̱ muumu vaende,

Mariko 10:14

Na Yesu kamanya kavatuṛukia kavaia: Otoṛeń vana vashe kwakwa, manya mutaveemi! Amu valya vakee sha iwo umangi lwa Iṛuva llwawo.

Matayo 13:16

Kake ini miso anu avva a ngoma amu alolye, na marwi anu amu eesile.

Barua ya Yakobo 1:12

Wwa ngoma nndu asisiriaa mireyoń. Amu kammaa ivinga aniingwa muu utakisiaa uve uvingo lwamwi lua Iṛuva anrekia valya vankundaa.

Yohane 20:29

Yesu kamwia: Mfulya kwanshilolia na miso nkyo kyakukangia kwashikusura. Nakuia: Ngoma valya vashikusuraa kitaare vashilolie!

Matayo 24:46

Ulya akee wa ngoma ni iketi lia Nndumi wamwi ankooyaa eetanaa kuro ili ashaa.

Barua ya Yakobo 1:10

Na muyamasaa akuṅinisie utele lwamwi, amu asiaa sha kivaṛo kya maṛe.

Urambuyo lwa Yohane 22:14

Vva ngoma valya vawaraa mavavaso amwi, amu vakooye fuva yawo ya nri ulya unnde muu na muumu wa iira mbengeń tilya vafike muṛiń ulya.

Urambuyo lwa Yohane 19:9

Na malaika ulya kashiia: Tisiṛa: Vva ngoma valya vawaangio imutu lya wali lwa ngarina ilya. Kashiia: Firero fi mfirero fa Iṛuva fa dede.

Matayo 25:34

Llyo mangi aiaa valya va uko lwamwi usha: Oṛeshoń ia kwakwa, ini mukee vandu va Nde yakwa awavikya mboṛa! Rwaań umangi luve dińu yanu mundefisyo kuuka ilyo isanga lindetanwa.

Matayo 11:6

Na wwa ngoma ulya atashituṛukyaa.

Matayo 8:11

Nań namuia: Vandu veengi vaukaa na taari ya ngama na taari ya ukwawuń vakaa rembo na ilya shoonga andu emwi na Abraamu na Isaki na Yakobo ifo umangiń lwa Iṛuva.

Matayo 3:2

Ilashikeń mirimiń yanu, fulya umangi lwa Iṛuva lwansha kufui.

Matayo 19:14

Kake Yesu kanumbua: Tień vana va vannya vashe kwakwa, manya mutaveemi! Amu valya vavakanaa na iwo, umangi lwa iṛuvewu llwawo.

Luka 22:29

Nań namurambikia diṅu ya umangi sheeli Vaava wakwa andeshirambikia niń.

Luka 22:30

Neeni mulyaa na inwa meseń yakwa ifo umangiń lwakwa na ikaa rembo fifumbiń fa unini na iitoṛo ngyufari iti ikumi na ivili ta Isiraeli.

Urambuyo lwa Yohane 3:17

Fulya kukee irera: Niń nkee isimba, noore masaa mbilya ana nta kindo kishitinye. Nawe nta kwishi sheeli kukee nkiva na mutińwa na ndoń na nndu akee kya ruu ndi.