Matayo 5:29 - MMA SHIYYA

²⁹ Na kwakooya iriso lyafo lya uko usha likwendye nsindaṛa, liiṛue kwalikumba neefo likuuke. Amu llyo ńwana kyeenga kyafo kimwi kireke kita ili vvili wafo woose weeṛwaa muroń utarunyikaa.

Matayo 5:29 ပူးပေါင်းရင်းမြစ်များ

Barua ya Varome 8:13

Amu kwakooya mwalatia mikae ya vvili wanu mufwaa. Kake kwakooya muwaa milangie mikasha ya mivili yanu kwa finya ya Mumuyo, llyo mukooyaa muu.

Barua ya Vakolosai 3:5

Kyasia waań milangie ilya ya mivili yanu ikee ya kiisanga sha waaisi na ukwe na ilanga ikasha na makusaṛo a ruu andu emwi na unyuku lukee windi lwa maṛuva a wongo.

Barua ya Vakorinto ya mbele 9:27

Kake nkee ituṛua vvili wakwa na milangie yayo na iuvinga, amu ntakwanisie vandu vengi mboni shinuru ta ivakiṛa, nań lleeke kwa Iṛuva.

Barua ya Varome 6:6

tiimanyaa sheeli unndu lweru lwa mbele lwakabio̱ nsalabeń andu emwi nae, amu vvili uwore mareko ukasheeswa utakiṛundie fingi mareko.

Barua ya Vagalatia 5:24

Na iwo vakee va Kristo Yesu vammaa yumisia filya fa kiwili andu emwi na makusaṛo ayo makasha na ilanga lyayo.

Mariko 8:36

Ana nkiki kyelekaa nndu, kwakooya awaraa isanga lyoose na mbusha kareta nrima wamwi? Ana nkiki nndu aniingiaa ataue nakyo nrima wamwi?

Matayo 19:12

Amu veefo vakee fuumba vandeiriwa na mikae yo kuuka ndewuń ta mayawo. Lingi veefo vakee fuumba vandeaṛulwa fuumba wandu. Lingi veefo vandekwaṛua fuumba wo veni kiimba kya umangi lwa iṛuvewu. Ulya amakii iwaria kirero ki akiwarie.

Matayo 10:28

Manya mutaeṛee iwo vawore finya ya iwaa vvili da, vatamakii iwaa nrima. Kake eṛeeń ito awore finya ya ireta vvili na nrima na yeeṛa muroń utasiaa.

Matayo 23:15

Ushi ini vaaṛia va mitisine na Vafarisayo, mukee vamakavili! Fulya ini mukee ilengetya nruva na si shuumu, amu mukooye-fo nndu umwi amulatye. Na ili mumaa inkooya, mukee imwanta mwana wa vayavaṛumu kita ini kavili.

Matayo 16:26

Nkiki kyelekaa nndu, kwakooya awaraa isanga lyoose na mbusha yayo kareta nrima wamwi? Ana nkiki nndu aniingyaa ataue nrima wamwi?

Matayo 5:22

Kake niń namuia: Ulya woose anaa na nndu ungi kya ruu, aumisyo̱o̱. Na ulya arumaa nndu ungi kya ruu, arawaa kikweniń kya masiingo. Na ulya aiaa nndu ungi kya ruu: Kusule Iṛuva, arawaa muroń utakisyaa.

Matayo 23:33

Mukee shoka na mawore a saru! Murishaa are uumisyo lwa yeeṛwa iriniń lya muro!

Luka 12:5

Kake mmworusaa ulya mumweṛeaa. Eṛeeń ulya amakii iwaa, numa awore na finya ya yeeṛa nndu muroń. Ee namuia: Eṛeeń ito!

Matayo 5:30

Na kwakooya uko lwafo usha lu-kwendye nsindaṛa, luminye kwalukumba neefo lukuuke. Amu llyo ńwana kyeenga kimwi kireke kita ili vvili wafo woose weeṛwaa muroń utarunyikaa.

Matayo 11:6

Na wwa ngoma ulya atashituṛukyaa.

Matayo 17:27

Kake ise manya titavakangye vaute nsindaṛa kweru. Kyasia kwimboo enda kulya nruveń kwaolota-fo kiminya kya iwara makunga. Na ikunga lyo kubookaa ifiwara kuliimboo kulitaṛambue kana kayo, llyo kukooyaa-fo fesa imwi ya uuru. Iwara kuvaniingye ive kyaalo kyakwa na kyafo.