Matayo 5:19 - MMA SHIYYA

¹⁹ Kyasiań nndu akaṛyaa aanguse ivavaso limwi ifo mavavasoń na akwaa nkirere kimwi tubu kitisiṛie-fo na ilosha vandu kuro, ito aaṛulwaa munnya kita vengi ifo umangiń lwa iṛuvewu. Kake nndu aindyaa mavavaso va na ilosha vandu kisumani, ito aaṛulwaa nnini ifo umangiń lwa iṛuvewu.

Matayo 5:19 ပူးပေါင်းရင်းမြစ်များ

Matayo 28:20

Na ivalosha muvaloshe iwara filya foose nndemuvavasa. Nań nkaa andu emwi neeni mikonu yoose kumande isanga lisiaa.

Matayo 11:11

Nkue namuia: Kunu kari ka iwo vandeiriwa vvaka nta andekwimboo-fo nndu akilye Yohane mbatisa ndi. Kake ulya akee munnya ifo umangiń lwa iṛuvewu ni nnini kita ye.

Barua ya Tito 3:8

Nkirero kya ikusurwa. Na mboni to mfurie kurere na finya, amu valya vakusurie Iṛuva vakumbue uṛundi lwa iṛundia mitanie minuru. Ifi mfinuru fikaendee vandu mbusha.

Urambuyo lwa Yohane 2:20

Kake lwifo wikimbi lwa ikwikimba, fulya nta kutakee ilea nka to Isebeli ito akusendaa sheeli mmwauya eeloshaa vandu kateveta maketi akwa vatane waaisi, lingi valye nyama shirasie maṛuva a wongo.

Barua ya Varome 6:15

Kyasia alli naare? Tikatana mareko, fulya titakee kwa si ya mavavaso tikakaa kwa si ya ililia? Wode!

Barua ya Timoteo ya mbele 6:11

Kake iwe kukee nndu wa Iṛuva iwukana na fikasha ifi! Latia usumani na unuru na ikusura na ikunda na isisiria na ulalamboo!

Barua ya Varome 6:1

Kyasia alli tikarerań are? Tikakaań marekoń, amu ililia five iingi mmwasi?

Barua ya Petiro ya mbele 5:4

Mukavva kuro muwariaa kiṛeto kya uvingo ikyo kitaumaa, ili mwisi ito nnini alolikaa.

Luka 11:42

Kake ushi ini Vafarisayo! Fulya ini muniingiaa kyeenga kya ikumi kya nunda na nyanya na filimu foose, kake mukaira mbaai mukatia-wo ushili usongori na ikunda Iṛuva. Ifi fivili fimuwara mutane kitaare mutiaa-wo filya fingi

Matayo 19:28

Yesu kavaia: Nkya dede namuia: Kyeeri isanga lyaṛulwaa iiya, ili Mwana wa nndu akaa kifumbiń kya unini lwamwi, io llyo neeni mundeshisoṛa niń mukooyaa fifumbi ikumi na fivili, mushilye ngyufwari tilya ikumi na ivili ta Isiraeli.

Barua ya Varome 3:8

Naamu ki ili titareraa, sheeli tindefingio̱ na vengi vakakaarisia irera sheeli ise tarera kuro: Ndefo titane fikasha, amu finuru fishe? Vandu va mikae ii vatuṛaa uumisio lwawo lwa yumisio̱ ni Iṛuva lusumani nawo ndi.

Mitanie ya varumi 1:1

Teofilo wakwa, kitabu kilya kya ibooka nndekusongosia kiwore mboni ta filya foose Yesu andetana na ilosha kuuka mbooko

Luka 9:48

Kavaia: Ulya woose awariaa mwana sha uu akuvavie na irina lyakwa ashiwaria niń. Na ulya woose ashiwaria niń awwaria ulya ashirumie. Amu ulya akee munnya kari kanu mu woose, ito yye nnini.

Luka 1:15

Fulya akaa ave nnini mbele ya kisangu kya Nndumi, nta atanwaa mfinyo ana kindo kya inanga. Nae eeshuṛwaa Mumuyo Nsongori kuuka ndewuń ya mae.

Matayo 20:26

Kake kari kanu ini kitave kuro. Kake ulya woose, afurie iva nnini kwanu, ave mumuṛundya.

Barua ya Yohane ya mbele 3:4

Nndu woose atanaa fikasha awore usutu, itana fikasha ni usutu.