Matayo 5:10 - MMA SHIYYA

¹⁰ Ngoma valya vatuṛulwaa kiimba kya usumani, amu wwo umangi lwa Iṛuva luvaa lwawo.

Matayo 5:10 ပူးပေါင်းရင်းမြစ်များ

Barua ya Yakobo 1:12

Wwa ngoma nndu asisiriaa mireyoń. Amu kammaa ivinga aniingwa muu utakisiaa uve uvingo lwamwi lua Iṛuva anrekia valya vankundaa.

Barua ya Vakorinto ya kavili 4:17

Amu mavaviso akee neese alli wo asiaa ree, nawo eengeṛiaa itiniinga unini lwa miṛeṛe lutawore mmando.

Matayo 5:3

Vva ngoma valya vakee vakiva ngooń, amu wwo umangi lwa iṛuvewu luvaa lwawo.

Luka 6:22

Mukee va ngoma ini, ili vandu vamusuaa na ikufukya na ini na imurumaruma na yeeṛa irina lyanu ifo wooṛo sha kindo kiravi kiimba kya Mwana wa nndu.

Barua ya Timoteo ya kavili 2:12

Kwakooya tisisiriaa, tishiliaa andu emwi nae. Kwakooya ise tankana, nae atikanaa.

Barua ya Vafilipi 1:28

Ana manya mutae-ṛeeswa mfituva fanu nta kwa kindo kimwi. Kwawo iwo kyavavia iki myorusie ya ireka, kake kwanu ini kyamuvia myorusie ya ikiṛwa lyanu, nakyo nkya mifurie ya Iṛuva.

Luka 21:12

Kake kitaare ifo foose favva, vamusaaṛiaa maako na imuumbuta veemurwaa numbeń tawo ta iterevia na imurwaa kifingioń. Vamukurikaa mbele ya mamangi na vashili kiimba kya irina lyakwa

Yohane 15:20

Kumbueń kirero kilya nndemuia: Iketi ni inini kita nndumi wamwi ndi. Kwakooya vandeshiumbuta niń, neeni nkuro da vashemuumbutaa. Kifo veewaraa kirero kyakwa, veewaraa na kyanu.

Urambuyo lwa Yohane 2:10

Manya kuteeṛee matuṛulo alya akaa andekukooya. Lla ndiingi ulya arwaa kiindi kyanu kifingioń, amu mwelelio, neeni muvaa na matuṛulo mikonu ikumi. Va na ikusura kumande kufwaa, nań nkuniingaa uṛeto lwa muu.

Barua ya Timoteo ya kavili 3:11

Lingi kwalatia na ngyukiva takwa na matuṛulo akwa alya natuṛulio̱ kulya Antiokia na Ikonio na kulya Lisitira. Mikae yoose ya ngatara nasisiria. Nae Nndumi ashikiṛa toose.

Matayo 25:34

Llyo mangi aiaa valya va uko lwamwi usha: Oṛeshoń ia kwakwa, ini mukee vandu va Nde yakwa awavikya mboṛa! Rwaań umangi luve dińu yanu mundefisyo kuuka ilyo isanga lindetanwa.

Mariko 10:30

kara atawaria kaiyana, kyeeri ki kya alli awarie numba na vamwanamae na vamfwamae na mae na vana na nrema na akwaa atuṛulwaa. Na ifo isangeń lyo lishaa awarie muu utakisiaa.

Luka 6:20

Nae kaimboo miso kalla vanalosho vamwi. Kanumbua: Mukee va ngoma ini mukee vakiva, amu umangi lwa Iṛuva llwanu.

Matayo 10:23

Kake ili vamuumbutaa muṛiń uu, rishyeń muṛiń ungi. Amu nkee imuia kya dede: Nta mumarisyaa miri ya Isiraeli kitaare Mwana wa nndu ansha ndi.

Barua ya Yohane ya mbele 3:12

kaaṛa titave sha Kain ulya awarwa nSatana kawaa mwanawo. Nae awwaa kwa kiimba ki? Mfulya mitanie yamwi iikee mikasha, kake ya mwanawo iikee ya usumani.

Mitanie ya varumi 8:1

Na Saulo kasenywa ni iwalwa lyamwi. Nkonu to akava ma-tuṛulwa manini a siṛi ilya ikee Yerusalemu. Woose vakanyanyaka ngyurukeń ta Yuda na Samaria. Vandu vandesaa ifo Yerusalemu vvarumi da.

Mitanie ya varumi 5:40

Nawo vakairikia firero fo famwi. Vakavaanga varumi valya vakavakaba. Vakavavavasa manya vatakirere lingi na irina lya Yesu vakavaotoṛa.

Matayo 19:14

Kake Yesu kanumbua: Tień vana va vannya vashe kwakwa, manya mutaveemi! Amu valya vavakanaa na iwo, umangi lwa iṛuvewu llwawo.

Mariko 10:14

Na Yesu kamanya kavatuṛukia kavaia: Otoṛeń vana vashe kwakwa, manya mutaveemi! Amu valya vakee sha iwo umangi lwa Iṛuva llwawo.

Luka 22:29

Nań namurambikia diṅu ya umangi sheeli Vaava wakwa andeshirambikia niń.

Barua ya Yakobo 5:11

Lleń te tikee illa valya vasisiria sheeli wo wa ngoma. Mwamiita kya isisiria lya Yobu na sheeli Nndumi andeliinutia. Kumanyiseń nakyo sheeli Nndumi akee na wooṛoo na ililia iingi.