Matayo 4:23 - MMA SHIYYA

²³ Nae kava akee ilengetya kulya Galilaya koose eeloshaa ifo numba tawo ta iterevya na yongoya vandu mboni ya ifura ya umangi lwa Iṛuva na ikiṛa saka toose na utanyari lukee miviliń ya vandu.

Matayo 4:23 ပူးပေါင်းရင်းမြစ်များ

Matayo 9:35

Yesu asengetya miṛiń minini na minnya yoose eeloshaa-fo vandu ifo numba tawo ta iterevya eeongoyaa vandu mboni shinuru ya umangi na ikiṛa vandu saka ta mikae yoose na ngyutanyaṛi ta mikae yoose.

Mariko 1:39

Kawara shia kaenda eekwanisaa kulya Galilaya koose eeakaa ifo numba tawo ta iterevia na yumbuta mimuyo mikasha.

Mitanie ya varumi 10:38

Yesu wa Nasareti Mumuyo Nsongori na finya. Nae kaṛuaṛua na itania kinuru valya woose veekee iliswa ukiva nSatana na ivakiṛa, fulya Iṛuva eekee andu emwi nae.

Luka 7:22

Llyo aaṛua kavaia: Endeń mukandeongoya Yohane ifi mwallolia na iita: Midoń ikee ikooya ilolia. Fitoṛokombo fikee yenda. Vaworwa ni ivave vakee ishia. Vafu marwi vakee iita. Vafu vakee iṛutwa. Vakiva vakee ikwanisio̱ mboni shinuru ta ifura.

Matayo 11:5

Midoń ikee ilolya na vandu vakee manketenkete a meengo vakee imakii yenda. Na valya vaworwa ni ivave vakee iva vesha na vafu marwi vakee iita. Na vafu vakee iṛuka na valya vakiva vakee ikwaniswa mboni shinuru ta ivakiṛa.

Matayo 13:54

Neeli andefika muṛiń wamwi kulya ańinya, kavaloshya ifo numba yawo ya iterevya. Vakariika vakanumbua: A uu nkwi autye uṛango lu na imakii lya mikae ii?

Mariko 1:21

Vakawara shia vakafika Kaperinaumu. Neeli tindefika nkonu wa Sabato, kaaka numba ya iterevia kalosha-fo.

Barua ya Varome 10:15

Lingi vakwanisaa are kitaare varumwa? Sheeli kyatisiṛwa: ”Lleń te marende a iwo vakee ikwanisa nrumi shisha sheeli asenye!“

Luka 8:1

Kikava numa ya ifi kava akee ilengetialengetia miṛiń na fimiṛiń eeongoyaa na ikwanisa mboni shinuru ta umangi lwa Iṛuva. Na valya ikumi na vavili veekee andu emwi nae.

Mariko 6:2

Ili nkonu wa Sabato undefika, kabooka ilosha ifo numba ya iterevia. Na vandu vandemwaranya vveengi vakaṛiika veenumbuaa: A nndu uu nkwi andeuta ifi? Na uṛango lu aniingyo̱ luukie kwi? A nkiki iki kya maṛiikiso va manini akee yatana na maako amwi?

Matayo 24:14

Na mboni shinuru ta umangi lwa Iṛuva toongoywaa masangeń woose, amu vandu va masanga varambuywa nawo vamanyi. Kikamfikań kuri, na ifurumya lyamfika.

Matayo 12:9

Kakwimboo ifo kaenda numbeń yawo ya iterevya.

Yohane 18:20

Yesu kamwaṛua: Niń nrerie na baa na vandu woose vakaita. Niń mikonu yoose nndelosha ifo numba ta iterevia na numba ya Iṛuva kundo Vayuda woose vakwania. Ana nta kindo nnderera kiṛisi.

Luka 13:10

Kyasia Yesu eekee ilosha vandu numba ya iterevia nkonu wa Sabato.

Luka 9:11

Neeli mamwiingi wa vandu vandemanya vakansoṛa. Nae kavawaria. Karera nawo mboni ta umangi lwa Iṛuva na valya vatinywa ikiṛwa kavakiṛa.

Luka 5:17

Kyasia nkonu umwi eekee ilosha vandu, na Vafarisayo na valosha mavavaso veekee rembo io vaukie kimuṛin kyoose kya Galilaya na Yudaya na Yerusalemu. Na finya ya Nndumi iikee nae kamakii ikiṛa vandu.

Mariko 6:6

Nae kaṛiika, fulya vandelemwa inkusura. Kava mulengetialengetia ifo miṛiń miri eeloshaa.

Mariko 3:10

Amu ifi akiṛa veengi, na valya veeworee mavavio awo vakaraya mwaanya wa inserikia, amu vambaani.

Mariko 1:14

Ili Yohane andemaa ifingwa, Yesu kasha Galilaya kakwanisa nrumi ya Iṛuva ya ifura

Mitanie ya varumi 20:25

Na alli lleń niń niishi sheeli ini moose nndemukwanisia umangi lwa Iṛuva niiendaa ifo na ifo mukishiloliaa lingi kisangu ndi.

Mitanie ya varumi 18:4

Nkonu woose wa Sabato kava murera mboni ta Iṛuva ifo numbeń ya iterevia kaelelia yaṛua Vayuda na Vagiriki vakusure.

Yohane 6:59

Firero fo afireria numba ya iterevia, ili eeloshaa ifo Kaperinaumu.

Luka 10:9

Kiṛeń valya muvakooyaa-fo valole, muvaie: Umangi lwa Iṛuva lwammushea kufui.

Luka 6:17

Kainama andu emwi nawo kasalala andu a iverere. Na vandu veengi vakee vanalosho vamwi vakakusandia-fo. Na syamu shiingi ya vandu iifo vaukie kulya Yudaya koose na Yerusalemu na urukeń lukee mbaai ya nruva lua lwa Tiro na Sidon. Nawo vashe imwaranya na ikiṛwa saka tawo.

Matayo 14:14

Yesu kasomuka kalolya vandu kinga veensheaa. Kavavaviywa mmuu kavakiṛya vandu vawo valole.

Matayo 13:19

Nndu woose aaranyaa kirero kya umangi atakimanyi, nkituva ulya ansheaa akyute-fo kilya kyeenroongwaa nrimiń wamwi. Uu yye andeeṛwa shień.

Matayo 3:2

Ilashikeń mirimiń yanu, fulya umangi lwa Iṛuva lwansha kufui.

Yohane 7:1

Numa ya ifi Yesu eekee iṛua kulya Galilaya. Fulya atakifurie iṛua kulya Yudaya kiimba kya Vayuda veeriee iwwaa.

Luka 20:1

Ili eeloshaa vandu nkonu umwi ifo numba ya Iṛuva na ivaongoya nrumi shisha ya ikia, vakohani vanini vakanshea kwa tiń andu emwi na vaaria va mitisine na vasuṛi.

Luka 4:14

Na Yesu kauya na kulya Galilaya awore finya ya Mumuyo wa Iṛuva. Na nsendo wamwi ukakwana ngyurukeń toose ta miyanuń.

Luka 6:6

Neeli indeva Sabato ingi, kaaka numba ya iterevia kaloshia-fo. Neefo eeifoo nndu, na uko lwamwi usha lutoṛokombie.

Luka 7:21

Na kyeeri kilya kyeni kakiṛa veengi saka tawo na mavavio na mimuyo mikasha. Na midoń miingi kavaelekia ikalolia.

Luka 9:60

Nae kamwia: Tia vafu iwo vaṛike vafu vawo veni. Kake iwe enda andekwanisa umangi lwa Iṛuva.

Luka 16:16

Mboni ta mavavaso na ta vaauya fisuku tiifoo kumande Yohane asha. Kuuka kyeeri kyo mboni shisha ta umangi lwa Iṛuva tikwaniswaa. Na nndu woose akwataa-fo na finya.

Mitanie ya varumi 28:31

eekwanisaa mboni ta umangi lwa Iṛuva na ilosha mboni ta Nndumi Yesu Kristo kwa utomari wiingi ataimwa ni nndu.