Matayo 3:2 - MMA SHIYYA

² Ilashikeń mirimiń yanu, fulya umangi lwa Iṛuva lwansha kufui.

Matayo 3:2 ပူးပေါင်းရင်းမြစ်များ

Matayo 4:17

Kuuka kyeeri kyo llyo Yesu abooka ikwanisa eenumbuaa: Ilashikeń mirimiń yanu, amu umangi lwa Iṛuva lwansha kufui.

Mariko 1:15

eenumbuaa: Mikonu yamfika na umangi lwa Iṛuva lwansha kufui. Ilashikeń mirimiń mukakusura nrumi ii shisha.

Luka 24:47

Nawo vandu valya vateeshi Iṛuva vakwanisio̱ mboni ya ikurra na ya itio̱ mareko veekuvavaa nae, nakyo kibookaa kunu Yerusalemu.

Matayo 6:10

Kilya kukundye kitanike kunu isangeń sheeli kikee itanika ifo iṛuvewu.

Barua ya Vakorinto ya kavili 7:10

Amu unario luukie kwa Iṛuva lunnde ikurra lyoore ikia litakiilashikaa. Kake unario luukie isangeń ili lunnde ufu.

Matayo 10:7

Neeli mwiendaa, kwaniseń mwinumbuaa: Umangi lwa iṛuvewu lwansha kufui.

Mitanie ya varumi 3:19

Alli kurreń na iilashika mirima yanu, amu fikasha fanu fuutwa fimuuke!

Luka 15:10

Nań namuia: Mfo kuro livaa ifura kwa vamalaika va Iṛuva kiimba kya nndu umwi nreti eelashika.

Luka 13:3

Namuia: Nkuro ndi, kake kwakooya mutailashikaa mirimiń, nkuro da mundemamiaa mu woose.

Luka 11:20

Kake kwakooya ni nni wa Iṛuva naumbuta nato mimuyo mikasha, kyasiań na umangi lwa Iṛuva lwammaa imulikia.

Barua ya Petiro ya kavili 3:9

Nndumi asindaa yawutia kirero kilya kirekie ndi, sheeli vengi vakee ikusaṛa sheeli ansinda. Kake kiimba kyanu asisiriaa, fulya afurie nta nndu areke ndi, kake woose vailashike vakurre.

Mitanie ya varumi 17:30

Kyasia Iṛuva ameeṛa feeri filya fa utondo lwa vandu mungo. Kake alli akee iṛaṛika vandu woose na vakava kwi vailashike mirima yawo.

Mitanie ya varumi 11:18

Ili vandeita firero fo vakasia do vakaṅinisa Iṛuva veenumbuaa: Kyasia Iṛuva allilia na vayavaṛumu vakooye ikurra nawo vakooye muu.

Mitanie ya varumi 2:38

Petiro kavaia: Kurreń, na nndu woose abatisio̱ irina lyo lya Yesu Kristo mukooye itio̱ lya mareko anu. Neeni mukooyaa wavi lwa Mumuyo Nsongori.

Luka 6:20

Nae kaimboo miso kalla vanalosho vamwi. Kanumbua: Mukee va ngoma ini mukee vakiva, amu umangi lwa Iṛuva llwanu.

Matayo 13:52

Nae kavaia: Kiimba kya ikyo ulya woose akee mwaṛia wa mitisiṛie ya umangi lwa iṛuvewu avakani na muni numba afisye masaa amwi kava muuta-fo findo fiya na fikuu.

Matayo 13:47

Na lingi umangi lwa iṛuvewu luvakani na nreyo undeolotwa nruveń ukawara makunga a mikae yoose iifo.

Matayo 13:33

Kakabya sumu ingi kanumbua: Umangi lwa iṛuvewu luvakani na kindo kidookaa kya ifumbisa uru. Nndu nka kakiimboo kakisandasanda na uru tufaasho firaru. Nayo ikadooka yoose deń.

Matayo 12:41

Na vandu va Ninive vasalalaa nkonu wa uumisyo andu emwi na ufwari lo, nawo vavaumisyaa sheeli warekwa. Amu wo vakurra kiimba kya mikwanisye ya Yona. Na io ayo ito akee nnini kita Yona.

Barua ya Timoteo ya kavili 2:25

eeveekimbaa na ulalamboo valya vakee ilea, amu kwakooya kivaa Iṛuva availashie makusaṛo na ivaniinga imanya filya fikee fa dede,

Barua ya Vakolosai 1:13

Nae andetiiṛua finyeń ta llema katikaarisa umangiń lwa Mwana wamwi nkunde.

Mitanie ya varumi 20:21

Nnderambuya Vayuda na Vagiriki vaaṛukie Iṛuva na ikusura Nndumi weru Yesu Kristo.

Luka 15:7

Na Yesu kaia vandu valya: Niń namuia: Mfo kuro livaa ifura kulya iṛuvewu kiimba kya nndu umwi nreti eelashika kita vandu makumi kyeenda na kyeenda vakee ikuvaanga vasumani vatafurie iilashika.

Luka 13:5

Namuia: Nkuro ndi! Kwakooya mutailashikaa nrimiń, nkuro da mundemamiaa mu woose.

Luka 9:2

Kavaruma amu vandeongoya vandu mboni ta umangi lwa Iṛuva na ishiisa valole.

Mariko 6:12

Vakaenda vakandekwanisya vandu vailashike mirimiń.

Mariko 1:4

Nkuri Yohane mbatisa andesha eebatisaa vandu kulya ṅṅaloń. Kakwanisa ubatiso lwa iilashika, amu vatio mareko awo.

Matayo 5:10

Ngoma valya vatuṛulwaa kiimba kya usumani, amu wwo umangi lwa Iṛuva luvaa lwawo.

Matayo 5:3

Vva ngoma valya vakee vakiva ngooń, amu wwo umangi lwa iṛuvewu luvaa lwawo.

Urambuyo lwa Yohane 2:21

Nammuniinga mwaanya wa iilashika, kake afurie iilashika na itia waaisi ndi.

Matayo 13:31

Kavakabya sumu ingi kavaia: Umangi lwa iṛuvewu luvakani na mbekye imwi ya karadali. Nndu andeimboo kandeeṛa ifo nremiń yamwi.

Matayo 13:11

Nae kaaṛua kanumbua: Ini mwanniingwa imanya lya imanya kiṛisi kya umangi lwa iṛuvewu. Kake iwo wo vvaniinge ndi.

Matayo 6:33

Bookeń ilanga lya mbele umangi lwa Iṛuva na usumani lwayo, na filya fingi foose muniingwaa.

Urambuyo lwa Yohane 2:5

Kyasia kumbua kulya kundewa, kwakurra kwatana lingi mitanie ilya ya mbele. Kake kwalea itana kuro, nshaa kwafo ree nuute taa yafo andu ayo, kwakooya kutakurraa.

Barua ya Vaebrania 6:1

Kiimba kya ikyo nkyo kiteveto tikatia ilosha miloshie ya Kristo ya mbele, teengeṛie imulosha filya fa yawutia. Manya titakirwaa-fo lingi mfulo wa kavili tiimuloshaa sheeli: Ilashikeń mutie-wo mitanie ilya innde ufu na ya iva na ikusura Iṛuva

Mitanie ya varumi 26:20

Kake nndeenda ikwanisia mbele valya va Damasiko na va Yerusalemu na numa kari ka uruka loose lwa Yudaya na vayavaṛumu woose veelashike mirima yawo na yaṛukia Iṛuva veetanaa mitanie isumani na miilashikie yawo.

Matayo 22:2

Umangi lwa Iṛuva luvakani na mangi indeorisya nseṛo wamwi nka.

Matayo 25:1

Umangi lwa iṛuvewu luvakani na sambuṛa ikumi tindeimboo taa tawo vakaenda indeondoṛa nndumi wa wali.

Matayo 23:13

Ushi ini vaaṛia va mitisine na Vafarisayo, mukee vamakavili! Ini murayaa vandu umangi lwa iṛuvewu. Fulya ini mu veni nta mwakaa-fo ndi ana iwo vafurie yaka nta mutakee ivaotoṛya vaake.

Matayo 20:1

Umangi lwa iṛuvewu luvakani na nndumi andekwimboo ngama aṛuye vandu va indundya nremiń yamwi.

Matayo 18:23

Amu na akwaa ni Iṛuva atanaa kuro da. Ye avakye mangi ya vandu kunu isangeń yafura itala sile tamwi na vaṛundi vamwi tilya eewaakuyaa.

Matayo 11:20

Kyeeri kilya llyo Yesu abooka inaya miṛi ilya alya andetanya myorusye ilya yamwi ya iṛiikisa miingi, na vandu nta yaṛuka mirimiń yawo.

Luka 21:31

Na akwaa ni ini nkuro da: Mukallolia ifi foose five, manyiń sheeli umangi lwa Iṛuva lwansha kufui.

Luka 16:30

Nae kamwia: Wode nde yakwa Abraamu, nta vavairikiaa ndi. Kake kwakooya nndu auka kunu kwa vafu aende kwawo, Uyo vaaṛukaa mirimiń yawo.

Matayo 25:14

Amu nkuro kivakani na nndu andeimboo kyaaṛo. Kabooka ivaanga maketi amwi kavaniingya masaa amwi vamfisye.

Matayo 13:24

Yesu kakabya vandu sumu ingi kanumbua: Umangi lwa iṛuvewu luvakani na nndu andeeṛa mbeu shinuru nremiń yamwi.

Matayo 4:23

Nae kava akee ilengetya kulya Galilaya koose eeloshaa ifo numba tawo ta iterevya na yongoya vandu mboni ya ifura ya umangi lwa Iṛuva na ikiṛa saka toose na utanyari lukee miviliń ya vandu.

Luka 1:16

Na veengi va Isiraeli avawiiṛaa kwa Nndumi Iṛuva wawo.