Matayo 28:6 - MMA SHIYYA

⁶ Akiifo ndi, anduka sha lia annumbua. Oṛeshoń mulle alya Nndumi eeaṛyoo!

Matayo 28:6 ပူးပေါင်းရင်းမြစ်များ

Mariko 16:6

Nae kavaia: Manya mutaawukwa mmuu! Mukee iṛuya Yesu wa Nasareti ulya andekabio̱ nsalabeń. Akiifo ia ndi, anduka. Lleń te alya veemwaṛiee.

Matayo 12:40

Amu sheeli Yona andekaa ndewuń ya ikunga lia inini kakaa-fo mikonu iraru kio na nsanyiń, mfo kuro na Mwana wa nndu akaa uteriń mikonu iraru kio na nsanyiń.

Matayo 16:21

Kuuka kyeeri kyo Yesu kabooka yorusa vanalosho vamwi, sheeli kyawara aende Yerusalemu andelisyo-fo ngyukiva shiingi mmasiingo a uruka na valosha vanini na vaaṛia va mitisine. Na iwalwa awalwa, na nkonu wa kararu aṛukaa.

Luka 24:23

nta ikooya-fo nnyiṅa wamwi. Vakasha vakanumbua, vallolia vamalaika va Iṛuva vandekworusa na baa vakanumbua vai: Eefo na muu.

Luka 24:44

Numa kavaia: Iti nto mboni tilya namwongoya lia nkee neeni, sheeli foose fifikaa fikee fitisiṛe fitabuń fa Mose na fa vaauya fisuku na fa fiimbo fa Iṛuva.

Matayo 27:63

Vakanumbua: Nndumi, tankumbua sheeli llembi ulya lia akee na muu anumbua: Numa ya mikonu iraru ndukaa.

Yohane 2:19

Yesu kaaṛua kavaia: Sakyeń numba ii ya Iṛuva, nań niiseṛeese kari ka mikonu iraru.

Mariko 8:31

Numa kabooka ivalosha sheeli kyawara Mwana wa nndu aliswa ukiva wiingi vvandu na ilewa vvakohani vanini na vaaṛia va mitisiṛie na iwalwa, na numa ya mikonu iraru aṛuke.

Yohane 10:17

Nkyo kikangio Nde kashikunda, fulya nanreka muu wakwa, amu nuuwarie lingi.

Luka 24:12

Nae Petiro kakwimboo kaenda eerishaa kumande kulya mbangeń. Kakwinika kalla kulya kari kalolia firami filja fiimwiṛiniee fikee kyaanya kyayo. Kauya na kwamwi aṛiikisio̱ ni ifo fatanika.

Matayo 20:19

Nawo vanrwaa maakoń a vayavaṛumu vanteende na inkaba na ngova na inkabya nsalabeń. Na nkonu wa kararu aṛukaa.

Matayo 17:23

Nawo vawwaa na nkonu wa kararu aṛutwaa. Nawo vakafikwa nndewu nnu.

Matayo 17:9

Ili veeolokaa uroń, Yesu kavavavasa kavaia: Kilya mwallolya mutaongoye nta nndu. Mukifise siń kumande kyeeri kilya Mwana wa nndu amaa iṛuka kwa vafu.

Mitanie ya varumi 2:24

Nae Iṛuva kanduta eeboṛomuaa kivawwo kya ufu, fulya kiteevaa luwware.