Matayo 26:55 - MMA SHIYYA

⁵⁵ Llyo Yesu andeia vandu valya: Mwansha isheshiwara murie shombo na ndata, sheeli nkee kisoki. Na mikonu yoose nkaa numbeń ya Iṛuva niiloshaa-fo, nta ishiwara.

Matayo 26:55 ပူးပေါင်းရင်းမြစ်များ

Yohane 8:2

Ili lya ndesi ngama kio kafika lingi kulya numba ya Iṛuva. Na vandu woose vakanshea. Nae kakaa rembo kavalosha.

Mariko 12:35

Numa Yesu andelosha ifo numba ya Iṛuva kaaṛua kanumbua: Nki ili vaaṛia va mitisiṛie vanumbuaa: Kristo mmwana wa Davidi?

Yohane 7:28

Kyasia Yesu karosa ununga lwamwi kulya numba ya Iṛuva eeloshaa kanumbua: Ee mushiishi na kundo nuukie nafo mwishi da. Nań nta nndesha kwa mifurie yakwa shi muni ndi. Eefo wa dede andeshiruma kitaare mumwishi ini.

Yohane 7:14

Kake karikari ka mikonu ya kisuku Yesu karwa kaira na numba ya Iṛuva kaloshia-fo.

Matayo 21:23

Kyasia ili vandemaa ifika ifo numba ya Iṛuva eevaloshaa, kashewa vvakohani vanini na masiingo a vandu. Vakanumbua: Nkwa muumu wa ngata ingai ili kwatana findo sha ifi? Na ito akuniingye muumu to ni i?

Matayo 26:47

Ili eereraa kuri, lia eni Yuda kasha akee umwi wa valya ikumi na vavili. Ariani na syamu shiingi inderumwa vvakohani vanini na vasuṛi va vandu. Nayo irie shombo na ndata.

Mariko 10:1

Kakwimboo-fo kafika miyanuń ya Yudaya na kulya kwa kulya ya Yoridane. Isyamu iingi vakakusandia lingi vakanshea. Kavalosha lingi sheeli eeshivie.

Luka 4:20

Karaya kitabu kilya kawiiṛia ndundi ulya kakaa rembo. Na valya veekee numba ya iterevia woose vakamulla koroo.

Luka 19:47

Nae kalosha vandu mikonu yoose ifo numba ya Iṛuva. Kake vakohani vanini na vaaria va mitisine na vanini va vandu vakaṛuya mwaanya wa iwwaa.

Luka 20:1

Ili eeloshaa vandu nkonu umwi ifo numba ya Iṛuva na ivaongoya nrumi shisha ya ikia, vakohani vanini vakanshea kwa tiń andu emwi na vaaria va mitisine na vasuṛi.

Yohane 8:20

Firero fo afireria andu alya a isaṅiṛia misimbika ifo numba ya Iṛuva ili eeloshaa. Ana nta nndu akaṛia iwwara, fulya kyeeri kyamwi kitandefika.