Nań nalolia malaika ungi eerumbukaa karumbuka kari ka iṛu-vewu arie nrumi shisha ya miṛeṛe ya ikwanisia iwo vakee isangeń na vandu va masanga woose na makanika woose na mirerie na ngyufwari.
kwakooya mukaa na inkusura na iwara tabu iverea lia nrumi shisha indemwendee. Nrumi ii mwamiita, nayo yankwanisio̱ fitani foose fikee kwa si ya iṛuvewu. Nań Paulo nawa ndundi wayo.
Na sheeli ikee ikwana isangeń lyoose na ivika nunda na ifumbuka, mfo kuro ifumbukie na kwanu da kuuka ilyo mundeiita mukamanya uwoo lwa Iṛuva sheeli llwa dede.
Nakyo kikava na finya ya myorusie na maṛiikiso nndeiavio̱ mMumuyo Nsongori. Kwa shia ii nammaa ikwanisa nrumi shisha ya Iṛuva niibookaa Yerusalemu na miyanuń yayo nafika kumande Iliriko,
Kake nanumbua: A le wo vandeita nrumi se? Ee tu vamiita. Amu kitisiṛie: ”Ununga lwawo lwankwana isangeń koose, na firero fawo fankwana kumande mbaai ya isanga“.