Matayo 25:34 - MMA SHIYYA

³⁴ Llyo mangi aiaa valya va uko lwamwi usha: Oṛeshoń ia kwakwa, ini mukee vandu va Nde yakwa awavikya mboṛa! Rwaań umangi luve dińu yanu mundefisyo kuuka ilyo isanga lindetanwa.

Matayo 25:34 ပူးပေါင်းရင်းမြစ်များ

Urambuyo lwa Yohane 21:7

Ulya avvinga arwaa ifi five dińu yamwi. Nań vvaa Iṛuva wamwi, nae avaa mwana wakwa.

Urambuyo lwa Yohane 13:8

Na valya vakee kunu isangeń valifukiyaa nri valya woose vatakee vatisiṛe marina awo kuuka isanga lyeentanwaa kitabuń kya muu kya ngarina ilya indesikywa.

Matayo 20:23

Nae kavaia: Inwa umbata lwakwa munwaa da. Kake irwaa vandu taari ya uko usha lwakwa na uko umbuyo lwakwa iwo mmashoṛa akwa ndi. Vandu vaniingwaa vvalya vammaa ideeṛyo nNde yakwa.

Urambuyo lwa Yohane 17:8

Ifisi li kwalilolia liifoo ilyo mbooko, kake alli likiifo ndi, nalyo lyankusongosia irwa lingi lyuka kyolokioń kilya kya kundo kwa si lyende uretiń. Na valya vakee isangeń vatakee vatisiṛe marina awo kitabuń kya muu kuuka isanga litandevevio wo vaṛiikaa ili valoliaa ifisi li liifoo mbele liteefo alli, nalyo likaa-fo lingi.

Barua ya Vaebrania 4:3

Amu ise ili tikee vandu vakusurie taakaa kiimuyoń kyo, sheeli Iṛuva anderera: ”Nndelya ikite niituṛukaa sheeli: Vaakaa deń kiimuyoń kyakwa ndi“, lla kasa Iṛuva eemmaa mashoṛa amwi a itana foose kuuka isanga liwevio̱.

Luka 12:32

Manya mutaeṛee, ini siṛi shinnya! Amu Nde yanu ansenywa imuniinga umangi.

Barua ya Vaebrania 11:16

Kake alli valangie uruka lukee unuru kita lua, llo lwa iṛuvewu. Kwa ikyo Iṛuva awore sonu ivaangwa Iṛuva wawo ndi, amu awatania muṛi.

Barua ya Vakorinto ya mbele 15:50

Vanavama, kilya nkee irera ni iki: sheeli kilya kikee na nyama na usao kimakii iwara diṅu ya umangi lwa Iṛuva ndi. Ana kilya kibwaa kimakii irwaa diṅu ya kilya kitabwaa ndi.

Matayo 25:41

Llyo mangi aiaa valya va uko lwamwi umbuyo: Ukeń ia kwakwa, ini vadenge! Mwende muroń utakisiaa undefisyo Satana na vamalaika vamwi!

Urambuyo lwa Yohane 19:16

Nae awore irina itisiṛe nsetoń wamwi ifo kisiń kyamwi. Nalyo llyo ifi: Mangi wa mamangi na Nndumi wa mawomi.

Barua ya Vakorinto ya mbele 2:9

Nsheeli kyatisiṛwa: ”Filya kitaare iriso lyamfilolia ana kitaare kuri kwamfiita ana kitaare famaaka ngooń ya nndu, mfo Iṛuva eemmaa ideeṛia valya vankundie“.

Matayo 25:21

Nndumi wamwi kamwia: Nkisha iketi isha kukee nsongovisi. Kwikee mulla wa findo faangu, kuvaa mulla wa fiingi. Aka ifureń lya Nndumi wafo!

Matayo 19:29

Na nndu woose andetia numba ana mwanamae ana mfwamae ana ndee ana mae ana vana ana nrema kiimba kya irina lyakwa, awiiṛyoo na yengeṛyo kya mmwasi na iwaria muu wa miṛeṛe.

Matayo 13:35

Na kiteveto kikava kuro nkilya kindererwa na kana ka mwauya fisuku Yesaya eenumbuaa: Ntaṛambuaa kana kakwa nrere na sumu. Nrambue mboni to tiṛikye kuuka mabookyoń a isanga li,

Barua ya Petiro ya mbele 3:9

Mutataa kikasha na kikasha ana kirumu na kirumu, kake niingeń valya vamutuṛua mboṛa, fulya iva wwo mashoṛa anu mwa-vaangio̱, amu murwaa diṅu ya mboṛa ya Iṛuva.

Barua ya Timoteo ya kavili 2:12

Kwakooya tisisiriaa, tishiliaa andu emwi nae. Kwakooya ise tankana, nae atikanaa.

Barua ya Vagalatia 5:21

na yaṛia ndaṛi na unangwa na ulafu na findo fingi fifivakie. Sha lia namaa imuia mbele, mfo kuro nkee imuia lingi: Valya vatanaa findo sha ifo vakooyaa diṅu ya umangi lwa Iṛuva ndi.

Barua ya Vakorinto ya mbele 6:9

Ana mwishi se sheeli varekwa sha iva vatakooyaa diṅu ya umangi lwa Iṛuva? Manya mutalembike: Vaaisi nta vakooyaa diṅu ya umangi lwa Iṛuva ndi ana varasia firasio ndi ana vaaika ndi ana valya vakee isuta uka ana uumi ndi ana varoko ndi

Luka 19:38

Vakanumbua: Eetikiswa ulya asha akee mangi arumwa ni Nndumi! Ifo iṛuvewu luvaa unambwe na nduma uvaa ifo ule!

Matayo 5:19

Kyasiań nndu akaṛyaa aanguse ivavaso limwi ifo mavavasoń na akwaa nkirere kimwi tubu kitisiṛie-fo na ilosha vandu kuro, ito aaṛulwaa munnya kita vengi ifo umangiń lwa iṛuvewu. Kake nndu aindyaa mavavaso va na ilosha vandu kisumani, ito aaṛulwaa nnini ifo umangiń lwa iṛuvewu.

Matayo 3:2

Ilashikeń mirimiń yanu, fulya umangi lwa Iṛuva lwansha kufui.

Urambuyo lwa Yohane 5:10

Kwavaaṛua vavie Iṛuva weru mamangi na vakohani. Nawo vashiliaa isanga li.

Barua ya Petiro ya mbele 1:9

Llyo mufitaa mmando wa ikusura lyanu, ni ikiṛwa lya mirima yanu.

Barua ya Vaebrania 9:26

Kwakooya nkuro kyeewwaraa avaviswa keengi kuuka isanga livevio̱. Kake alli andelolika limwi tubu ifurumień lya feeri aute-wo mareko eekuniingiaa ave kirasio.

Barua ya Timoteo ya kavili 4:8

Kiseere ni uvingo lwa usumani mfisie lua Nndumi mwumisia nsumani ashiniingaa nkonu ulya, ana nniń shi muni ndi, kake wandu woose valya vaveree isha lyamwi.

Barua ya Vatesalonike ya mbele 2:12

amu mwende sheeli kyawara kwa Iṛuva andemuvaangia umangi lwamwi na unini lwamwi.

Barua ya Varome 8:17

Kwakooya tikee vana, kyasia tikeeń na vayadiṅu. Tikava vayadiṅu andu emwi na Kristo, kwakooya tikee iliswa ukiva andu emwi nae, naamu tindeniingwa na unini andu emwi nae.

Mitanie ya varumi 15:18

Nakyo kyammanyika kuuka mbooko ya isanga.“

Mitanie ya varumi 3:26

Ili Iṛuva andemaa iṛuta Mwanamwi Yesu, kanruma kwanu lya mbele, amu amuniinge mboṛa na nndu woose wanu autie-wo iiwukana na fikasha famwi.

Yohane 19:15

Nawo vakaṛoṛongya: Muute-wo, muute-wo! Nkabie nsalabeń! Pilato kavaia: A nakabia mangi yanu nsalabeń? Vakohani valya vanini vakamwaṛua: Ise toore mangi kitaare nKaisari ndi.

Yohane 12:13

Vakawara maṛamba a maangashi vakasomuka vandemwondoṛa. Vakakaba nndoṛo vakanumbua: Osiana! Eetikiswa ulya asha na irina lya Nndumi kava mangi wa Isiraeli!

Yohane 1:49

Natanaeli kamwaṛua: Llosha iwe ni iwe Mwana wa Iṛuva, ni iwe kukee mangi ya Isiraeli.

Luka 11:28

Nae kanumbua: Nkya dede valya vakee va ngoma vvalya vaaranyaa kirero kya Iṛuva na ikiwara vakakiwara.

Mariko 10:40

Kake ikaarisa nndu uko usha lwakwa ana umbuyo, ikyo nkindo kyakwa ndi, io ni andu a iwo vadeeṛie.

Matayo 27:37

Na kwa ule ya nrwe wamwi vakatisiṛa-wo firero fa indiinga: Yesu uu mmangi ya Vayuda.

Matayo 25:23

Nndumi wamwi kamwia: Nkisha iketi isha kukee nsongovisi. Kwikee mulla wa findo faangu, kuvaa mulla wa fiingi. Aka ifureń lya Nndumi wafo!

Matayo 21:5

Ień sambuṛa yo ya Sion: A ii mangi yafo yakushea na uwoo, ikee rembo mungo wa nshungu na kyaashe kya nshungu wingaa maṛio.

Barua ya Vaefeso 5:5

Amu iki mumanyaa, sheeli nndu mwaaisi ana nndu awore ukwe ana nndu nnyuku akee sha nndu akee iṛundia iṛuva lya wongo arwaa diṅu ifo umangiń lwa Iṛuva na lwa Kristo ndi.

Matayo 25:40

Na mangi avaaṛuaa eevaiaa: Namuia kya dede: Kilya mwantanya vamwanamae vakwa iwo vannya na akwaa ni umwi tubu, mwanshitanya niń.

Mariko 10:17

Kyasia ili asomuka wooṛo aware shia, nndu umwi kanshea eerishaa kawwoya ṅundeń kamwuṛa: Llosha nnuru, nkiki ntanaa, amu nrwaa diṅu ya muu utakisiaa?

Luka 11:50

naamu usao lwa vaauya valya woose lundeiritwa kuuka isanga lintanwa luuṛwa kwa kishuku ki

Yohane 17:24

Wui Nde, mfurie na akwaa ni iwo kundevashiniinga vave andu emwi nań io nkai, amu vamakii ilolia unini lwakwa ilo kushiniingie. Amu kwashikunda ilyo kitaare isanga lyeentanwaa.

Barua ya Vaebrania 1:14

A le vamalaika iwo woose mmaketi a iṛunda ndi anderumwa aṛundie valya varwaa diṅu ya ikia?