Matayo 24:9 - MMA SHIYYA

⁹ Numa llyo vamurambikyaa muliswa ukiva na imuwaa. Na lingi musulwaa vvandu woose kiimba kyakwa.

Matayo 24:9 ပူးပေါင်းရင်းမြစ်များ

Yohane 16:2

Na kita ifi kyeeri kishaa na ulya woose amuwaa akusaṛe, sheeli kuro llyo iṛundia Iṛuva.

Urambuyo lwa Yohane 2:10

Manya kuteeṛee matuṛulo alya akaa andekukooya. Lla ndiingi ulya arwaa kiindi kyanu kifingioń, amu mwelelio, neeni muvaa na matuṛulo mikonu ikumi. Va na ikusura kumande kufwaa, nań nkuniingaa uṛeto lwa muu.

Luka 21:12

Kake kitaare ifo foose favva, vamusaaṛiaa maako na imuumbuta veemurwaa numbeń tawo ta iterevia na imurwaa kifingioń. Vamukurikaa mbele ya mamangi na vashili kiimba kya irina lyakwa

Urambuyo lwa Yohane 7:14

Nań namwia: Nndumi wakwa, ni iwe kwishi. Nae kashiia: Iva wwo vandeuka ngyukiveń tilya nini, nawo vakasangya miseto yawo vakaiilisa na usao lwa ngarina ii.

Barua ya Petiro ya mbele 4:16

Kake nndu kaliswa ukiva akee nkristo manya atasuke, kake aṅinise Iṛuva na irina lyo.

Urambuyo lwa Yohane 2:13

Niishi alya kukaa, ni io kifumbi kya Satana kikai. Nawe kukuwore nnu na irina lyakwa ana nta kundekana ikusura lya ishikusura niń ndi na akwaa nkyeeri kilya kya nrambua wakwa nsumani Antipa ulya andewaywa ifo kwanu ifo Satana awore kivasha kyamwi.

Mitanie ya varumi 7:59

Vakakaba Stefano na mawe, nae katereva kanumbua: Wui Nndumi Yesu, waria nrima wakwa!

Luka 11:49

Kwa kiimba kya ikyo uṛango lwa Iṛuva lwanumbua: ”Vvarumiaa vaauya na varumi. Nawo vawaa kiindi kyawo na ivaumbuta,

Matayo 23:34

Kiimba kya iki lleń mmurumyaa vaauya fisuku na vandu veeshi sewu na vaaṛia va mitisiṛie. Neeni iwo kiindi muvawaa na ivakabya nsalabeń na kiindi muvakabaa na ngova ifo numbeń tanu ta iterevya na ivaumbuta ifo miṛiń na miṛiń.

Mitanie ya varumi 28:22

Kake tifurie iita kwafo kilya kulolie iwe. Amu kari ka mboni ta siṛi iyo yammanyika sheeli ikee irerwa kikasha andu woose.

Matayo 22:6

Na valya vandesaa-wo vakawara vaseṛo valya vamwi vakavatuṛua na iwaa vakavawaa.

Yohane 15:18

Kwakooya isanga li lyamusua, manyiń sheeli nniń lindebooka ishisua kitaare lyamusua ini.

Yohane 15:21

Kake ifi foose vamutaniaa kiimba kya irina lyakwa, fulya vateeshi ulya ashirumie.