27 Amu sheeli kimuli kiveṛukaa kuuka taari ya ngama kikalolika kumande taari ya ukwawuń, mfo kuro kivaa kya isha lya Mwana wa nndu.
veenumbuaa: Nkwi kirekio kilya kya isha lyamwi kikai? Amu kuuka ilyo vakuuku vandeenda iinutwa foose fikee fa mikae iyo da kuuka mbooko sheeli fatanwa.
Neeni sisirień kuro mwikaarisaa mirima yanu, amu nkufui Nndumi ashe.
Nta vandemanya filya fivaa ndi, kumande iwala lia inini lyasha likavamiṛa woose deń. Mfo kuro da kivaa, ili Mwana wa nndu ashaa.
Kake sha lia kyave kyeeri kya Noe, mfo kuro da kivaa, ili Mwana wa nndu auyaa.
Nkue namuia: Kari ka iva vaselele ia vayo vatalolyaa ufu, nkumande valolyaa Mwana wa nndu eeshaa akee na unini lwamwi lwa umangi.
Numa ili andekaa rembo alya uroń lwa misenifu, vaseṛo vamwi vakasha alya akai vakee kyaanya kyawo vakamwia: Tiie kyeeri ifi fikaa five. Neese timanyamanyaań are kyeeri kuuyaa nakyo na kyeeri isanga lisiaa?
Yesu kamwia: Mabaaṛwe awore mbanga na ndee ta iṛuvewu toore fifuri, kake Mwana wa nndu awore andu a yaṛa nrwe wamwi ndi.
Ili Mwana wa nndu akaa ashe aṛee unini lwa Ndee andu emwi na vamalaika vamwi, llyo asheavyaa nndu woose kiińańani na mitanye yamwi.
Kyasia vakamuia: Akee bateń, manya mutauke kyeń mwende-fo. Na kwakooya vakee imuia: Akufisye ifo numba, manya mutairikye.
Kiimba kya ikyo neeni kusongosyeń! Amu Mwana wa nndu ashaa saa ilya mutankusaṛye.