Matayo 22:13 - MMA SHIYYA

¹³ Llyo mangi aia vaseṛo vamwi: Mfingeń marende na maako munkumbe ifo wooṛo llemiń. Ifo mfo kivaa kiiyo na ifura kitaku.

Matayo 22:13 ပူးပေါင်းရင်းမြစ်များ

Matayo 8:12

Na vana va umangi wo vaumbutyoo wooṛo ifo llemiń. Neefo kivaa-fo kiiyo na ifina kitaku.

Matayo 25:30

Na iketi ili ikasha leeṛeń ifo wooṛo llemiń! Neefo mfo kivaa kiiyo na ifina kitaku.

Barua ya Petiro ya kavili 2:17

Iva vavakie ngyusokwa titawore mura na maṛumbe akee ivivitwa mmburaato. Kilya wo vandefisio̱ wwuu lwa llema.

Barua ya Petiro ya kavili 2:4

Amu na vamalaika valya vanderekio̱ Iṛuva andevatia ndi, kake kavaeeṛa andu a si kavarwaa fifingioń fa llema varingwa-fo kumande uumisio lwawo lushaa.

Barua ya Vatesalonike ya kavili 1:9

Nawo vakabwaa na imamisio̱ lya miṛeṛe na ilakaniswa na kisangu kya Nndumi na unini lwa finya yamwi,

Luka 13:28

Na ifo kivaa kiiyo na ifina kitaku, ili muloliaa Abraamu na Isaki na Yakobo na vaauya fisuku woose vakee ifo umangiń lwa Iṛuva, neeni mu veni mukuloliaa sheeli mukee vaumbutie wooṛo.

Matayo 24:51

Nae alirumbuaa feenga fivili na ilitalya andu emwi na vamakavili. Llyo kivaa kiiyo na irafuna mayoo.

Matayo 13:50

Nawo vavaeeṛaa ifo iriniń lya muro. Neefo mfo kivaa kiiyo na ifina kitaku.

Matayo 13:42

Nawo vavaeeṛaa iriniń lya muro. Na ifo kindeviaa-fo kiiyo na ifina kitaku.

Urambuyo lwa Yohane 21:27

Kake nta kindo kimwi kikee kikasha kyakaa-fo ndi ana nndu atanaa kya usutu ana kya wongo ndi kita valya vakee vatisiṛe kitabuń kya muu kya ngarina ilya.

Barua ya Yuda 1:13

Vakee sha mavia a nruveń atavaa iirisha veerosaa ukasha lwawo veni sha mavia. Vakee sha nyinyiri tiiṛaaṛaa. Na dińu yawo veemfisio̱o̱ ni llema wa miṛeṛe.

Barua ya Yuda 1:6

Na vamalaika valya kitaare vanderinga unini lwawo veni vakatia firembo fisumani nawo kavafinga na mise itafikaa vavere nkonu tilya nnini vaumisio.

Mitanie ya varumi 7:54

Kyasia ili vandeita firero fo, fikavailika mirimiń vakanrafunia mayoo.

Matayo 13:30

Tień fińine andu emwi foose kumande kyeeri kya iminya. Na kyeeri kya iminya llyo niaa valya vaminyaa: Sańiṛyeń mbele masinde alya, mufinge myanda akoṛwa. Kake umbi muusańiṛye makumbiń akwa!

Mitanie ya varumi 21:11

Katifikia kawara kitati kya Paulo kakwavika nakyo marende na maako. Kanumbua: Mumuyo Nsongori anumbua kuri: Kuro mfo Vayuda va Yerusalemu vafingaa nndu wa kitati ki. Nawo vanrambikiaa maakoń a vayavaṛumu.

Yohane 21:18

Nkue nakuia kya dede: Lia kukee nkoo kwikufingiaa nseto wafo ku muni kwakwendia kundo kwakunda. Kake ili kukuaa kusaaṛaa maako afo na nndu ungi akufingaa na ikurwaa kundo kutafurie.